【辭職彈弓手】同事遞信1星期即反悔！畀多次機會佢？網民決絕反對全因1理由！

打工仔選擇辭職的原因，有千千萬萬個，當決心辭職遞信之際，一切就如潑出去的水，回不了頭；不過當中總有人願意承受風險，吃回頭草。

有台灣打工仔在網上論壇PTT分享個人經歷，指公司有同事「彈弓手」，辭職1星期感後悔，希望收回辭職信，事主嘗試徵詢網民意見，帖文一出，牽起網民熱烈討論，多數人堅決反對全因1個理由！

點圖了解更多事主分享：

+13

+12

事主：「員工辭職之後後悔，你會唔會畀機會？係咁嘅，公司有人上星期提離職，噚日面試搵到人，結果啱啱佢話我哋知，佢後悔啦，問可唔可以當冇事發生過，冇收過封辭職信。

唉，我當然希望佢唔好走，畢竟培訓新員工真係好麻煩，都唔知新員工撐唔撐到落去，但你上星期辭咗職，而家話後悔，咁我哋點同老闆交代呀？係你嘅話，會唔會畀機會？」

網民回應：

A/唔會，之後可能會再辭職。

B/呢啲畀老闆決定啦！

C/我同你講呀，佢後日就後悔！

D/話畀個觀察期佢，同時搵新人加入，搵到就拜拜！

E/咪話減價，睇佢受唔受！

F/唔理你搵咩人，其實離職不外乎錢少，受委屈。

G/認真話唔得，短期再跑的機會好高。

H/接受呀，同新人人工一樣！

I/搵到人當然唔好啦，除非嗰個位置多一個無妨。

J/唔會，呢啲短期內隨時會走嘅機率好大。

K/你又唔係老闆，直接去同前同事講，叫佢搵老闆。

L/有第一次就有第二次！

不少網民都認為，同事短期內很可能會有再離職的機會，因此都不會考慮接納同事收回辭職信。有網民建議，事主給予事主觀察期，同時繼續進行招聘，假如找到適合的人選，就可以向該位同事道別。有人直言事主不是老闆，在這件事上面沒有決定權，讓同事直接詢問老闆。

太衝動辭職，很容易就會令人認為你未經思考就作出決定，這樣很容易影響自己的形象，因此各打工仔辭職前請三思。

哪個辭職原因最得體？（點圖了解更多）

+13

+12

即睇令打工仔堅決遞信的5大理由：

+18

+17

延伸閱讀：【辭職學問】遞信後都有嘢袋落袋？10件在辭職後學到的事！

延伸閱讀：【辭職學問】00後用WhatsApp講辭職被指「0尊」！辭職信要點遞先正確？ （內附辭職信範本）

延伸閱讀：【辭職學問2024】打工仔離職難開口？僅6.8%人和盤托出辭職原因！調查揭加薪最能挽留員工！

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！
 

⏩⏩  需要請人？立即刊登招聘廣告！  ⏪⏪