【見工面試】HR邀請參加面試 卻對工作內容一無所知?事主:佢話只係負責打電話⋯⋯

【見工面試】HR邀請參加面試 卻對工作內容一無所知?事主:佢話只係負責打電話⋯⋯

為了尋找適合自己的工作,求職者都會透過不同的途徑求職,例如在求職網站或企業官網尋覓適合的職位、甚至會將自己的履歷表上傳到職場社交平台,方便人力資源從業員(HR)或獵頭公司聯絡自己。網上討論區Dcard有台灣求職者分享個人經歷,指自己獲HR邀請參加工作面試,當事主問及工作內容時,對方卻毫不知情?事主:「他自稱只負責打電話⋯⋯」

點圖了解更多事主分享:

 

「目前因為我搵緊工,所以我嘅CV都係公開,我平常偶爾會收到面試邀請嘅電話,但最近接到嘅都無乜禮貌。有日,有通電話一打嚟話自己係某間公司嘅,喺求職網站睇到我份CV,問我係咪仲喺度搵緊嘢做,於是我就答佢係。

個HR問:『咁聽日方唔方便嚟見工?』我心諗,連工作內容係咩,地點喺邊我都唔知,點會有興趣去啊?於問我就問個HR,『可唔可以問吓工作內容係點?』點知佢同我講『啊⋯⋯我只係負責邀請你面試,工作內容呢,面試嗰陣會再同你詳談。』我嘗試追問佢,其實份工係做咩,佢竟然答我:『你可以去求職網站睇吓!』

同個HR傾到呢度,我根本無任何想去見工嘅諗法,因為我根本就唔知份工做乜,我點會有興趣?所以我就只係覆咗佢『好,我再睇吓先』難道請人去面試,普通唔係講咗公司名先,大概介紹吓工作內容,先問我有無興趣見工咩?就算我搵緊工都好,都唔係咁求其啦!」

網民回應:

A/而家真係好多呢啲公司,我而家一邊返兼職,一邊搵正職,都經常接到電話,連自己係咩公司同公司位置喺,就直接問要唔要嚟見工

B/公開自己份CV,就好易遇到呢種漁翁撒網嘅面試邀請

C/我前排都遇過啲好煩嘅面試邀請電話,對方話我Apply咗份工,問我咩時候方便嚟見工。我就疑問:「我有Apply過咩?幾時?」對方就問我而家係咪搵緊工,我就同佢講,「都係唔使住,唔該。」真係好唔鍾意呢啲寫好晒劇本嘅面試邀請,聽到我覺得好反感

D/自己Apply同嗰啲公司邀請自己真係唔同

E/點解大家都遇到啲奇怪嘅HR?係咪因為我寫英文,所以大家都睇唔明?

F/你可以private你份CV先,自己Apply工再畀CV人,咁應徵公司都會睇到你嘅CV,咁就可以避免啲伏工嚟搵你Interview,你又唔會成日畀人煩住

G/會咁做嘅HR,真係亂七八糟

H/邀請嘅人唔一定係HR,有時公司會安排其他人打去請人嚟面試,未必知道工作內容

I/我成日都遇到,真唔少是連工作內容都唔講,就問我要唔要去見工,真係滿頭問號。仲有曾經拒絕過嘅公司,再打嚟問要唔要去面試嘅情況,但我覺得佢好似唔知我推過咁,真係好無語

HR沒做足準備 會影響公司形象?

對於事主的個人分享,不少網民都有同感,表示曾經接到面試邀請,而致電的HR卻不清楚工作內容。有人建議事主,應該將自己的CV改為非公開,那就能夠避免同類事件再次發生。談及致電的HR不了解工作內容,有網民指邀請面試的人未必是HR,因此對工作內容一無所知也是正常。若然HR真心希望替公司找到適合的人才,最首先應該給予求職者尊重,向求職者簡述公司的背景及工作內容,否則難免令人對公司留下壞印象。公司是否真的重視人才,能夠從招聘程序看出來,作為HR,在進行面試邀請時,應該打醒十二分精神,做足準備,以保住公司的名聲與口碑。

HR可以如何改善招聘流程?(點圖了解更多)

即睇5個不讀不回履歷的原因:

延伸閱讀:  【心理測驗】你適合轉工定係進修?即做職場心理測驗搵答案!
延伸閱讀:【員工福利】5個2023年全球公司實行的最潮、特別福利!為員工寵物買保險?
延伸閱讀:【全美之冠】2023年100個最佳工作場所 呢啲公司竟然贏咗Google、微軟!
延伸閱讀:【人力資源】2023年掀起安靜招聘(Quiet Hiring)趨勢 僱主及員工注意事項一覽

有新嘢‼️覆老細&同事唔使打字,有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY


 最新專訪片︰
【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言?!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【辭職學問│轉工跳槽】辭職轉工應該點寫farewell email?內附3個farewell email範例

  • 【薪酬趨勢2024】Receptionist起薪點達$17,500?一文睇清接待員薪酬、職責及要求!

  • 【見工面試】面試完問咩好?教你由3個方向諗有咩問 附10個建議問題

  • 【薪酬趨勢2024】讀書越多人工越高?7大類教育程度就業人士每月就業收入中位數!呢個類別月薪達$35,000?

  • 【求職面試】HR同求職者有期望落差?招聘人員認為呢種特質最重要!

  • 【推薦信|請求】想搵前上司寫Reference Letter!怕對方唔記得自己點算好?5個要求寫推薦信嘅貼士!

  • 【人力資源】HR實幫住上司?打工仔對HR的3大誤解!

  • 【見工面試】拒絕公司邀請 竟被HR鬧返轉頭?「出嚟做嘢,仲咁囂張!」

  • 【職場趨勢2024】邊行招聘意欲最高?第二季就業展望調查結果出爐!呢行最想請人?

  • 【求職攻略】寫CV最常犯嘅錯?前Amazon HR教你履歷要咁寫!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow