【見工面試】HR竟然唔記得約咗Interview？事主慘呻：過程0尊重、浪費時間！

面試是讓公司及求職者互相了解的機會，應徵者在短時間內表現自己，面試官就要從對答判斷候選人是否適合相關的職位。正向的面試氛圍，能夠雙方都有不錯的實際體驗；相反，求職者感到不被尊重，就很容易對企業留下壞印象。

網上討論區Dcard有台灣求職者訴苦，指自己到應徵公司面試，卻發現負責的HR完全忘記約定，令他感到相當不忿，「過程中沒有尊重我，簡直浪費時間。」

點圖了解更多事主分享：

+14

+13

「前排收到間行銷公司嘅面試邀請，原本好開心，覺得自己嘅努力終於畀人見到。面試前，好認真係咁睇嗰間公司嘅資料，做吓功課。因為我經驗唔多，怕答唔出，仲睇咗好多行銷嘅案例，都準備咗案例分析嘅簡報。

結果面試當日，我準時到辦公室，個HR居然唔記得約咗我面試，我仲要行入去問其他人『我應該點算？』拖拖拉拉咗一陣，大槪遲咗10分鐘先開始面試。嗰陣我仲諗住，可能因為佢哋忙先咁啫。

開始面試，對面係兩個HR，一男一女，佢叫我自我介紹，我講完之後，個男HR只係講：『你之前份工，同做行銷無關係喎，你點會嚟咗呢度？』嗰一刻我感覺到佢哋想趕我走。佢兩個開始唱雙簧，問我『你係咪知我哋間公司做咩㗎？要有啲咩條件，同你以前做嘅嘢完全唔一樣！』

聽到呢度，我覺得自己嚟嘅目的係被挖苦，講到薪資嘅時候，仲要畀佢哋寸，話我『你經驗唔多，仲想要呢個數？』求求其其就結束咗個面試，仲要本身唔記得約咗面試。既然你哋唔想要我，嗰陣就唔好叫我嚟面試！我好不屑呢種行為，真係好唔專業！面試過程中我覺得不被尊重，簡直浪費時間！啲HR質素都係咁差？」

網民回應：

A/你可以寸返佢哋轉頭，「見工睇求職者嘅CV係應該係基本喎，咁都做唔好，學咩人做HR？」

B/好過份！請問係邊間公司，我想避開佢

C/HR嘅質素可以側面反應一間企業重視人才嘅程度，點樣嘅公司，就會請點樣嘅HR。好好充實自己，去更好嘅公司，去啲知名啲嘅公司，你就可以感受到明顯嘅差距

D/會唔會係啲咩抗壓力測試啊？

E/遇到有HR唔記得約咗面試，真係會好嬲啊！

F/我都遇過呢種，無限貶低求職者，話經驗不符，到底搵我嚟見工做咩？唔識睇我份CV？然後係咁問我私人嘢，問我老婆嘅人工幾多，我迴避咗好幾次，頂唔順就講，「我老婆人工唔會低過我！」點知對方寸我，問我「咁你做咩出嚟做啫？畀老婆養咪好囉！」真係哈哈哈哈哈

HR有責任為公司塑造品牌形象？
對於事主的分享，網民都替他感到不值，認為這間公司不懂得尊重求職者。有網民指，HR對待求職者的態度，某程度能夠反映公司的質素，強調「怎樣的公司，就招聘怎樣的HR」。

雖然並非每個求職者到公司應徵，都能夠得到公司的聘用，但要企業及HR都應該重視每場面試，因為這是僱主塑造品牌形象的機會，即使前來面試的人不合心意，也沒有必要狠狠批評，否則招不了人才，同時更釀成「公關災難」。

00後普遍有甚麼常犯錯誤？（點圖了解更多）

+19

+18

即睇5個面試失敗的徵兆：

+18

+17

延伸閱讀：  【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽

有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY

最新專訪片︰
【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言？！

⏩⏩  需要請人？立即刊登招聘廣告！  ⏪⏪