【見工面試】求職者被HR激嬲 全因佢對畢業證書做一件事？

為了確保求職者符合入職資格，不少公司都會要求他們，在面試時攜帶相關的證明文件，例如公開試的成績證明文件及大學畢業證明書等等。普遍人力資源從業員（HR）都會小心處理求職者的重要文件，不過當中總有例外。

網上討論區Dcard有台灣求職者分享個人經歷，指為參加工作面試攜帶大學畢業證書，當HR歸還畢業證書時，事主發現自己的畢業證書被「無情對待」，令他感到非常憤怒。

點圖了解更多事主經歷：

+16

+15

「去某間公司參加工作面試，要求我帶畢業證書正本去查驗，仲要我畀錢複印副本，拎埋英文檢定考試成績嘅證明，仲要依職員講嘅次序排好，拎去畀佢哋檢查之後，佢哋會喺手上面嘅表格，依序用原子筆打勾，檢查完我哋就返埋位坐，到時就可以收返埋啲資料等面試。

因為之前其他公司嘅考試，我嘅畢業證書正本都好安全，都無考慮過會出咩狀況，所以我呢次面試都同平時一樣，將所有文件疊埋，而大部分人都係咁放，現場檢查之後，我都無諗太多，就將我嘅資料放入File等面試。

面試完出返嚟拎我啲文件，諗住放返落袋嗰陣，我突然發現我張畢業證書左上角，嗯？？？？？？點解會有條原子筆嘅痕喺度？仲要係油性原子筆，我真係嬲到不得了。明明係你哋叫人帶放正本過去，唔係應該小心對待人哋嘅嘢咩？畫到人哋張證書，到底係咩事？好嬲好嬲好嬲好嬲好嬲！雖然張證書可以重發，但都唔應該咁做！」

網民回應：

A/到底佢有咩問題

B/我之前面試要帶畢業證書正本，我會帶過去，連埋副本帶過去，黑白同彩色都有，張正本唔會畀佢哋掂，唔會佢哋畫到，唔怕佢哋隻手唔乾淨整污糟或者摺皺，畀你參考返，真係睇到我都嬲

C/我拎去過膠，居然發現裡面有啲食物殘渣，真係好差

D/無計啦，而家學歷唔值錢，我張證書正本畀HR收咗，仲要無還到畀我，等我離咗職，搵唔到先發現

E/我張畢業證書之前試過畀某間公司用釘書機釘過，我嬲到！搞到我張證書有兩個窿喺度

F/唔好話用筆劃到，只係有少少摺痕，我都同佢死過

G/下次真係用透明File入好，係我都覺得嬲

H/咁唔尊重人都得嘅，我多數用透明File入住，啲HR望兩眼就畀返我

I/一張值好多錢嘅畢業證書，咁就被糟蹋

J/我嗰張畀人撕咗個角仔，係一張證書嘅正本，我嗰時去間公司，佢哋唔接受影印本，拎到返嚟，無咗個角仔，嘩真係好嬲，就算佢畀Offer我，我都唔想去呢間公司

K/你試吓搵搵，睇吓有無去原子筆跡嘅方法，小心試試

L/對畢業證書都咁隨便，唔敢想像以後入去做嘢會點

關注求職者重視的事情
對於事主的分享，網民都替事主感到非常憤怒，指平常都會用自己的方法小心保護大學畢業證書，有人表示會攜帶正本及副本，以免HR拿去複印時發生意外。有人分享自己的經歷，指曾被公司職員撕掉證書的一角，更有人談及到離職後，才發現HR沒有發還畢業證書。

雖說普遍人都可以向大學申請補發畢業證書，但HR對於求職者的重要文件都要特別小心，以免發生不愉快事件，除了在這種小事上，反映公司不尊重求職者外，亦都會影響公司的形象，即使公司覓得適合的人才，對方也未必願意加入。

Expected salary被指太高，該怎辦？（點圖了解更多）

+13

+12

即睇6大HR改善招聘流程的方法：

+23

+22

延伸閱讀：【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽

‼️畢業生assemble‼️
想話畀未來老細聽你想要幾錢人工？想知畢業生最喜愛公司係邊間？CTgoodjobs「2023年畢業生薪酬及就業調查」需要你嘅聲音，立即按此填寫問卷︰http://survey.ctgoodjobs.hk/surveys/index.php/593918

 最新專訪片︰

【SHE Says】努力打破性別定型 環聯亞太區數據科學及分析主管林蔚：普惠金融分析令更多人實現夢想

⏩⏩  需要請人？立即刊登招聘廣告！  ⏪⏪