【職場熱話】新工返咗幾日 發現上司OOO! 事主大呻:做咗20年嘢都未遇過……

【職場熱話】新工返咗幾日 發現上司OOO! 事主大呻:做咗20年嘢都未遇過……

對打工仔來說,轉新工是希望在事業尋求突破,令自己的職涯發展更上一層樓。不過,即使打工仔成功轉工,也很有可能無法適應公司文化及習慣新同事的相處模式,以致萌生離職的念頭。

有網民於連登討論區發文,指最近換了新工,發現公司文化與自己的工作風格大不同。與上司共事時,察覺上司會用微觀管理(Micromanagement)來管理下屬,不禁令事主大吐苦水。

延伸閱讀:【伏工特徵】做唔夠三個月就畀上司勸退!打工仔疑問:到底係咩心態?

按圖了解事主及網民回應:

事主:「最近返緊份新工,公司要求所有員工做嘢都要事事完美,為咗可以完美地做好啲project,都會叫員工工作時details做得好細緻,更加要我哋諗埋plan B。雖然同我以住做嘢嘅style好唔同,但我都理解嘅。

第一日接觸我上司,覺得佢幾nice幾好人,但對多佢幾日之後,就發現佢控制慾強、遇到佢覺得有問題嘅嘢,就會含沙射影咁mean啲同事。跟project嗰陣,如果有同事提出自己意見,上司唔欣賞之餘仲會鬧返位同事轉頭。

有一日我唔太舒服,諗住早退去睇醫生,同咗上司講睇完醫生都可以WFH咁做嘢,但佢就話因為所有同事都冇WFH,加上我係新同事唔應該咁早走,就唔畀我去睇醫生,仲要話如果我一定要早退嘅話,只可以請no pay leave……

自問都做咗20年嘢,做到中層職位,真係從未遇過啲咁嘅上司,諗緊辭職搵過第二份工,定係繼續捱落去……」

網民A:唔畀你請sick leave,只係批准你請no pay leave,淨係呢樣都應該要辭職走人啦!

網民B:返工講到尾都係睇錢啫,如果人工唔夠cover你心理問題,就快啲quit啦。

網民C:你再做落去一定會有情緒病,為咗自己着想,一定要quit!

網民D:未過probation嘅話,會照聽個上司指示;一過probation就唔會理佢,最多咪炒我!

網民E: 點解做乜都要有plan B,但又唔畀同事畀意見咁得意?冇新嘅意見點樣有plan B啊?

網民F:上司mirco-manage真係會做到想死,乜都要跟佢。試過一次就唔想再試了。

網民G:唔明樓主點解講都咁差,都唔即刻走?

網民H:想知係咪細公司?

網民I:其實唔舒服都唔畀早走,你成間公司文化好有問題喎!

網民J:就咁聽成件事,個感覺好似坐緊監咁做嘢,乜都唔畀做,又唔可以跟自己style做嘢。

延伸閱讀:【職場八卦】新人不滿同事「蛇王」向上司報寸 好上司:準時交到嘢又少甩漏我理得佢哋。

網民對於事主經歷感到同情,認為公司追求工作項目力臻完美,雖然是合理的舉動,但對事主上司管理風格卻感到不解。有網民指事主身體不適,要求早退看醫生,並明言隨後能夠在家工作,上司卻以公司文化及新入職為由拒絕事主,強調若事主堅持早退看醫生,只能夠申請無薪假,這些行為相當無理。大批網民紛紛勸喻樓主盡快辭職,以免身心健康出現問題。

延伸閲讀:【見工面試】Interview後發現求職者貨不對辦?網民:面試係互相欺騙嘅過程!

對於「伏工」的定義,各人都有各自的意見。按圖即看網民認為10個「伏工」必有的特徵。

延伸閲讀:【見工面試】點解HR偏好打電話約面試?網民推測係想考求職者呢樣嘢!

對求職者而言,面試時未必能一眼看出公司的實際的工作環境及職場文化。有部分員工決定為求職者指點迷津,希望他們可以避免中伏。按圖即看網民分享,如何因一通電話成功避開「伏工」陷阱。

延伸閲讀:【見工面試】HR竟然唔記得約咗Interview?事主慘呻:過程0尊重、浪費時間!


最新專訪片︰

【星級斜槓族】網絡女神Hazel林熙彤 甜美外表下藏着老靈魂 辦攝影展留住記憶中的九龍城

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【Z世代】年輕打工仔唔管得?招聘專家:Z世代在不發命令的工作場所效率更高!

  • 【高才通計劃】人才月入中位數達$50,000!有人月賺高達20萬?勞福局局長:計劃初步成功!

  • 【留住人才】5個方法同下屬打好關係 提升工作效率

  • 【職場調查】Z世代唔受歡迎?近4成管理人員避免僱用應屆大學生!全因1個理由?

  • 【見工必備】見工面試要帶咩?打工仔打滾中環10年 教路必備呢兩樣嘢!

  • 【職辭照被鬧】打工仔已辭職 事後仍遭到上司大鬧特鬧!事主:更加確定當初遞信係無遞錯到!

  • 【見工面試】同一間公司10次面試都失敗!求職者百思不解!網民推測1個關鍵原因!

  • 【薪酬趨勢2024】人工過$2萬嘅行業係?8大行業主類劃分的平均每月薪金!

  • 【職場扮工】7成CEO扮識AI!為趕上潮流?管理層:「仿佛自己是一個騙子」

  • 【投行排名】行內人士票選!頭25間最值得加入嘅投行!摩根大通排第17 艾維克排第2 第1名係OOO?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow