【職場熱話】好工可遇不可求!點樣先叫做好工?網民:老闆好、同事融洽已經好難得!

【職場熱話】好工可遇不可求!點樣先叫做好工?網民:老闆好、同事融洽已經好難得!

人生有三分之一都遭到工作所佔據,因此打工仔為求生活可以過得較為舒適,都會希望自己能夠任職好工,有着不錯的薪金、優秀的公司福利、良好的工作環境等。不過,各人都對「好工」的定義有所不同,究竟在網民心目中,「好工」有甚麼標準呢?

近日,有網民於連登討論區以「一份工好唔好有咩考量?」為題發文,吸引不少網民留言,分享自己對於好工的看法。

延伸閱讀:【職場溝通】00後同事帶行李箱返工!打工仔鬧爆斥影響士氣?網民嘲諷:可能轉頭收辭職信!

按圖了解網民回應:

樓主:究竟點先為之荀工?人工、bonus、工作量、壓力、工作時間、發展前景、有冇得WFH、同事、距離、機會,排名不分先後!

網民A:人工同bonus應該一齊計定分開計?

網民B:我自己會睇廁所靚唔靚,靚嘅通常都代表公司注重員工舒適度,重視員工基本需求。

網民C:同事一定係第1,因為自己行業問題,有幾多人工已經係定數。如果同事全部都係啲老海鮮或者經常卸膊嘅人,自己就會被逼幫手做埋佢哋嗰份,又會畀佢哋搶晒啲功勞,仲要有機會有小圈子,周圍同其他部門嘅同事唱衰你。

網民D:公司有好多靚仔靚女,返工個人都精神啲,團隊士氣又會好啲。

網民E:無工作壓力,返工返得開心,同埋收工真係收工,唔使OT。

網民F:同事好,氣氛好,只要有呢2點,人工低啲真係無所謂。

網民G:好工=日日想返工;唔好=每日唔想返工,好留意幾時到星期六、日,或者幾時放假。

網民H:第1,上司同老闆都係明君,唔會用任何微管理模式管住下屬,唔會畀公司其他部門嘅人欺負,肯攬啲細嘅;第2,同事相處融洽,唔會做任何小動作;第3,工作量合理,可以準時收工,一人有難,全team會幫手;第4,每年有合理人工增長;第5,有發展前景。

基本上,同時有第1同第2點已經好難得。如果間公司有齊呢5點,可以話同中咗六合彩頭獎無分別,留喺度做一世都無問題。

網民I:你有能力處理到嘅工作量,又可以畀到少少挑戰你嘅,已經係一份好工。

網民J:工作量同人工成正比,老細同上司會肯定你嘅努力!

網民K:容易申請AL,唔會畀人問長問短!

延伸閱讀:【職場熱話】同事受傷要請病假半年 點知平日放lunch見佢送外賣!事主:所有同事敢怒不敢言!

在眾多留言中,不少網民都認為與同事關係良好最為重要,他們指出若然與同事相處融洽,彼此間無需猜度,防範各種小動作,加上工作忙碌時可以相互幫忙,增加團隊凝聚力,維持團隊士氣,更有網民明言,即使願意以高薪換取好同事。

此外,有部分網民指好工應該是工作量與薪金成正比、有好的上司或老闆進行管理,讓員工可以從工作中獲取成功感,明瞭自己在公司的價值。

延伸閲讀:【職場熱話】男同事如廁太奔放嚇死人!被發現半祼爬上洗手盤OOO!

按圖即看衰老闆的6大特徵:

延伸閲讀:【職場熱話】新offer人工高20%!但預感間公司可能裁員、結業 事主:做不做好?

按圖即看「伏工」特徵:

延伸閲讀:【打工仔辛酸史】獨力完成Project 教埋同事做嘢!老細覺得我係畀人幫嗰個?事主大嘆:老細仲以為我得中三學歷……


最新專訪片︰

【金像獎背後】憑《年少日記》獲多個獎項提名 編劇、導演卓亦謙:時刻提醒自己不要心高氣傲!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【投考ACO丨全年招聘2024】考咗3次ACO都失敗 事主究竟衰喺邊?一文睇清助理文書主任入職條件/人工/晉升/申請程序

  • 【投行排名】行內人士票選!頭25間最值得加入嘅投行!摩根大通排第17 艾維克排第2 第1名係OOO?

  • 【職場趨勢】做管理層唔一定要有自信識表達 調查:擁有呢個特質嘅人先啱做管理

  • 【見工面試】見工被人碎咗張畢業證書 事主:有無得叫佢賠錢?

  • 【職場矛盾】唔加人工被逼轉部門 事主:僱主有權咁對我?

  • 【職場辛酸】問責制、無人帶、人工低仲要同公司共渡時艱?事主:捱到依家先走算係咁!

  • 【貓咪咖啡館】光顧貓Cafe驚覺「貓如人生」 事主:完全體會到貓貓被逼湊客嘅感受!

  • 【職場八卦】網民盤點鬧客鬧上司職業 咩工可以鬧完人仲要對方道歉?

  • 【職場八卦】男上司暗斥女同事婚後繼續返工好麻煩 事主:結咗婚就應該留喺屋企等老公養?

  • 【第一桶金】人生第一次出糧試過買咩獎勵自己? 網民驚爆:最豪嗰次真係試過買條OO⋯⋯

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow