【職場熱話】公司匿名建議箱竟變批鬥武器 員工透露:年年流失率高企

【職場熱話】公司匿名建議箱竟變批鬥武器 員工透露:年年流失率高企

如果企業願意聆聽員工的意見,企業措施和政策將會更貼近僱員實際需要。建議箱是不少公司向員工提供的意見發表渠道,但打工仔有時不禁會想:「鋪滿塵埃的意見箱是否會有人打開閱讀意見嗎?」最近,有一網民向社交媒體專頁「奴工處」投稿,指其公司不時會開箱,但因建議箱容許匿名意見,變成了是非之地,更有人向同事表白求愛,而公司竟然會開咪宣讀「意見」?

延伸閱讀:【職場熱話】FG新人應安分守己定係主動改革? 網民:冇經驗唔好指指點點

即睇事主分享及網民回應:(按圖了解)

事主:「我哋公司有個建議箱,啲員工可以匿名放對公司嘅建議/投訴。當然最後畀大家玩殘咗,變咗同事嘅誣捏、求愛、是非同針對。我自己本身係手部皮膚敏感嘅人,所以我要自備paper soap去廁所,貪方便唔使拎一樽。另一部門某女同事見到我洗手唔用公司提供嘅沐浴露(冇錯,唔係洗手液,仲要好大陣味)就黑面。咁都算,佢竟然有幾次寫「唔該用洗手液洗手啦,八婆,隻手爛成咁都唔洗」、「你衛生啲好唔好呀?話緊你呀。」而公司係會原封不動用speaker講出嚟。

個建議箱係有人望住邊個入。有次有個新人用建議箱畀公司建議,應該被人望到,再加埋佢係啲小薯仔,第4日畀老闆同4個HR急call入會議室(老闆平時唔會見呢啲職位嘅人),之後佢做咗8日就唔見咗人。

真正畀建議嘅就唔聽,反而鍾意食下花生,唔怪得年年都流失47%。加埋近排好多中高層走人,真係祝呢間公司一帆風順。」

網民:解決提出問題嘅人個問題就解決咗問題,得咗!
網民:公司的確係社會嘅縮影!
網民:意見箱變批鬥箱。
網民:建議箱係用嚟,捉有意見嘅人出來㗎。
網民:經一事長一智,下次唔好咁戇居居信呢啲所謂建議箱,你逗人工㗎咋,公司係好係壞關你鬼事咩?
網民:不記名就預咗出事。
網民:香港文化搞匿名真係唔衰攞嚟衰。
網民:根本玩殘咗,有種就實名投訴,呢種公司唔做也罷!
網民:點解建議箱係有人望住邊個入……
網民:永遠唔聽意見嘅公司都係伏!
網民:垃圾公司,有得走好走!
網民:無聊老闆諗埋啲無聊嘢,係製造是非首領!
網民:幾年前我公司個意見箱(茶色膠,透明)有人寫「可否開大點canteen冷氣」,結果張紙去到幾年後的今天,那張紙還在箱內,寫的人早就走了。

 

意見箱變批鬥工具 網民:唔聽意見都無用
根據事主所言,其公司的意見箱早已成為了職員之間的批鬥工具,以匿名方式散播是非及流言蜚語。有網民直言「不記名就預咗出事」,認為匿名制度難以查核提供「意見」者,容易有濫用情況,同事間壞話、求愛等事無可避免。

話雖如此,有人則點出,匿名意見箱有人監視就失去了匿名用意,更指若公司會懲處真正的提供意見者便失去了意見箱的真正用途。許多人表示,公司如不願聆聽意見,反而以「解決提出問題嘅人」去解決問題,員工應該盡早離職,遠離無良僱主。或眾多打工仔持有類似看法,事主表示其公司的年均僱員流失率近半,達47%,顯示有一定數量的員工對公司十分不滿。

另有部分網民批評公司竟然會將是非留言公諸於世,斥責企業老闆是製造職場是非的首領,不尊重被誣捏員工的私隱。

是非唔好亂講,但職場仲有好多禮儀要遵守!即刻睇網民認為職場應守嘅禮儀,男士連去廁所都要留意?(按圖了解)

伏工有樣睇?網民齊數伏工有乜嘢特徵,按圖即睇究竟有啲乜!

延伸閱讀:【職場熱話】試過send錯咩去公司群組?老細一句令同事鴉雀無聲…

延伸閱讀:【職場熱話】同事妒忌玩針對?人身攻擊搬弄是非 「我份人工唔包服侍你」

延伸閱讀:【職場熱話】上司話唔識就問 點知一問就被投訴 網民:呢句如同●●●●

延伸閱讀:【職場文化】公司執笠前有咩先兆?網民:冇零食、冇廁紙…

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告