【返工症候群】打工仔齊數唔鍾意返工嘅理由　返6日、程序混亂……

每逢星期一，打工仔又要從自由快樂的周末甦醒過來，於早上趕上擠上鐵路車廂或客滿巴士，因此網絡討論區在周末完結前就會出現「幾時到星期五」的討論文章。香港職場壓力在全球數一數二，不少打工仔討厭上班這回事，究竟上班一族為何討厭工作？最近，網絡討論區「連登」掀起了一番討論，相信當中觀點也會令你有所共鳴吧！

延伸閱讀：【職場熱話】打工仔盤點好公司特質 網民悟出道理 好公司必有？

即睇香港打工仔唔鍾意返工嘅理由：（按圖了解）

+24

+23

發文者：不如大家講吓咩原因令大家唔喜歡自己份工。

工作時間過長
網民：每日都要OT到10點。
網民：冇晒自己時間。
網民：6天工作。
網民：我公司一個禮拜返六日，仲要逼你賣假。
網民：我都係返6日，一星期得一日自然醒，冇晒時間出街，已經得一日得可以唞，好想休息幾個月先再返工。

工作程序混亂
網民：程序多同煩。
網民：做嘢唔sync，今日咁做，聽日第二個上司又另一個做法，每日要睇邊個上司。

人際關係複雜
網民：衰同事同衰客。
網民：錢少、是非多、old seafood最多。

漠視員工訴求
網民：衰上司漠視訴求，一味叫人做，捱義氣就老奉，提要求就兜圈，自己退讓少少當皇恩，下屬硬食就當輕鬆。
網民：公司唔肯WFH。

幫冗員執手尾
網民：成日都要幫啲同事執手尾，高層成日指指點點，成班冗員人工高唔使做。
網民：錢少，啲old seafood唔識、唔學新嘢都高人工過我。
網民：香港地經驗好似值錢啲。
網民：班old seafood連print嘢都搞唔掂，講乜鬼經驗咩？

其他原因
網民：為間戇居公司做戇居嘢。
網民：人工加50%，工作多100%。
網民：壓力極大，工作性質極度沈悶，但又要求極度仔細、極度準確。
網民：好早起身……
網民：除咗要轉車就無乜投訴。

網民最討厭不良企業文化
打工最重要的因素是賺錢支持生活，雖然部分人提及薪酬問題是討厭公司的原因，但根據多個網民留言，普遍打工仔痛恨不良工作文化，尤其加班工作、老員工不求進步卻位居要職等。此外，職場人際關係也會影響打工仔是否滿意其上班生活。

部分打工仔仍提及需要每周工作6天，暗示對工作時數過長感到不滿。現時，香港部分企業開展4天或4.5天工作周，在講求工作與生活平衡的今日，依然實施5.5天或6天工作周的企業或難以吸引具有質素的求職者。

工時過長不只影響打工仔，都會影響公司本身。即睇超時工作對企業嘅5大負面影響：（按圖了解）

+20

+19

 

想留住人才，不妨參考以下10種普遍最受歡迎的員工福利！（按圖了解）

+8

+7

延伸閱讀：【員工福利】資生堂有7大彈性員工福利 每周兩天在家工作+夏日4.5工作周

延伸閱讀：【職場熱話】辦公室有人常直面批評同事外表　網民：多數醜人多百怪

延伸閱讀：【見工面試】想由小薯晉身成管理層 面試可以點樣凸顯管理技能？

‼️畢業生assemble‼️
想話畀未來老細聽你想要幾錢人工？想知畢業生最喜愛公司係邊間？CTgoodjobs「2023年畢業生薪酬及就業調查」需要你嘅聲音，立即按此填寫問卷︰http://survey.ctgoodjobs.hk/surveys/index.php/593918

⏩⏩  需要請人？立即刊登招聘廣告！  ⏪⏪