【職場熱話】上司話唔識就問　點知一問就被投訴　網民：呢句如同●●●●

初到新職場，所有打工仔都需要適應環境，少不免要向上司和同事發問，以了解工作流程。假如工作夥伴樂意協助，工作當然事半功倍，但如果上司出爾反爾，相信是頗麻煩的事。最近，有名打工仔到社交媒體專頁「奴工處」投稿，表示上司曾囑咐「唔識就問」，誰知事與願違，網民提及這句話與另一港人常用語句同屬廢話。

延伸閱讀：【職場貼士】返過20份工 年資10年打工仔分享心得：最緊要OO啲

即睇事主分享及網民回應：（按圖了解）

+10

+9

事主：上司成日話有咩唔明可以問佢，結果我問多兩句，佢就會唔耐煩，覺得我質疑佢或者對佢有意見，轉個頭走去同大老細投訴我。對住呢啲上司，應該點同佢溝通？心累……

網民：上司講嘢你都信，做多幾年人先啦！
網民：出事嗰陣就話你唔問佢啦，根本左右做人難……
網民：少年你太年輕，有咩問佢嘅意思同得閒飲茶差不多！
網民：「得閒飲茶」有幾多真係約飲茶？
網民：啱啱返工時，老細叫我有咩唔識可以問佢，做落又話自己好忙，返工唔係返學，唔想成日湊仔咁湊我；到我食自己時，又話我乜都report畀佢，控制唔到我。
網民：職場語言偽術咁都聽唔明？有咩問我，唔係咩都要問我！
網民：但起碼個問題要有營養，有消化過人哋講嘅嘢先問。
網民：問還問，唔好問廢Q，嘥大家時間。我都唔介意答同事仔嘢，但畀人問太多廢Q真心會嬲。伸手黨自己唔諗過、查過就伸手問，答完下次又唔記，再問。
網民：好多人分唔到「唔明」同「唔識」。佢係話有咩「唔明」就問，唔係有咩「唔識」就問，即係想知點解「1+1=2」就可以問，但唔好問佢「1+1等於幾」。
網民：有咩唔明就問佢，全解就係：你坐得呢個位就應該明晒，有咩唔明唔好煩我，真係唔明就係你資質問題，出事前無問到，你孭。

工作提問要小心　網民：職場說話不能盡信

多名網民對事主遭遇並不感出奇，反指事主職場經驗不足，功力未夠深厚，更笑言「唔識就問」猶如「得閒飲茶」，屬於廢話級說話，慨嘆有多少人真的會約飲茶，職場說話不能盡信。當然，有打工仔留言認為，工作難以拿捏甚麼事要問，甚麼事需要自己解決，害怕小事被罵，出事卻遭責怪。

此外，部分人怒言：「問還問，唔好問廢Q！」該等打工仔表示極度討厭不假思索的提問，認為公事「伸手黨」提出無聊問題令人煩厭。

雖然事主問了甚麼問題就不得而知，但上司因一條問題而直接向上級告御狀，反應是否過大呢？這留待各位去判斷吧。

網民齊數老細最假嘅說話！「你哋揸主意啦」係其中之一。仲有邊啲？即按圖了解！

+11

+10

延伸閱讀：【職場熱話】辭職準備好交接　點知公司未請下手　網民：走咗就唔理

延伸閱讀：【職場貼士】戒掉5個職場陋習 提升打工仔在辦公室的「能見度」

延伸閱讀：【職場貼士】打工仔最易忽略的3個職場禮儀 原來打招呼咁重要？

⏩⏩  需要請人？立即刊登招聘廣告！  ⏪⏪