【職場文化】公司執笠前有咩先兆？網民：冇零食、冇廁紙…

疫情以來，相信有不少打工仔都有經歷過公司執笠的情況，不過如果等到公司突然執笠，自己突然被遣散，實在會有點不知所措！不知道大家觀察到公司執笠前會有甚麼徵兆呢？若可以早點有心理準備，就可以盡早找下一份工了！

延伸閱讀：【性別歧視】點解男同事開黃腔就係性騷擾 女同事講鹹濕嘢就冇事？

有網民在社交平台專頁「扮工室Online」上發文詢問大家意見，指：「你以前、現在公司就嚟執笠，有冇乜嘢先兆？」可能他稍為觀察到公司有點異樣，卻又不敢確定，不知道大家有何高見呢？

+12

+11

網民：「試過3次，一入去做冇耐就執笠，可能自己腳頭唔好。」

網民：「通常都係壞咗嘅設備唔整。」

網民：「成日唔交租，仲會拖數，之後開始想拖糧。老細成日唔見咗人，想避開同事問佢幾時出糧囉。」

網民：「啲人做嘢好懶散。」

網民：「突然間，所有嘢都變成機密文件、叫你提早放部份大假、啲嘢壞咗遲遲都唔整、好多決策上嘅嘢一拖再拖、文具同日用品經常缺貨、啲保養期到咗都唔續期、完全唔再理會服務承諾……」

網民：「啲行家打嚟話account幾月都未找數。」

網民：「拖到最後先出糧囉、彈票囉、過唔到數囉，都係呢啲啦。」

網民：「門口燈箱招牌成個跌落地。」

網民：「開始冇零食、冇廁紙用。」

網民：「拖糧、拖津貼、拖租，可以拖嘅都拖。」

網民：「唔供MPF，通常有呢個徵兆，就好少捱到過半年。」

網民：「突然通知門市只收現金，八達通都唔好收，除非個客無現金，但信用卡之類一律唔准收。」

網民：「有人上門追數。」

網民：「用盡方法，一定先迫人自動辭職。」

網民經驗 中幾多樣？
不少網民都分享了公司執笠的先兆，不知道大家又有沒有留到自己的公司中了多少項呢？有網民更提醒道：「唔供MPF，通常有呢個徵兆，就好少捱到過半年。」如果發現到公司有異樣，而且不只一個異樣，可能就真的要想想自己的後路了！

延伸閱讀：【性別歧視】點解男同事開黃腔就係性騷擾 女同事講鹹濕嘢就冇事？

+13

+12

延伸閱讀：【醫護資訊】港大醫科VS中大醫科有咩分別？現役醫科生話你知！

延伸閱讀：【職場熱話】創業VS打工 畀你會點揀？網民：Why not both？

延伸閱讀：【職場熱話】有種同事最鍾意扮多嘢做 大小事都要CC畀全世界 網民：冇興趣知

⏩⏩  需要請人？立即刊登招聘廣告！  ⏪⏪