【職場熱話】一人一個最難頂嘅老細行為 網民:返咗30年工Send封Email都唔識⋯

【職場熱話】一人一個最難頂嘅老細行為 網民:返咗30年工Send封Email都唔識⋯

評估工作好與壞時,工作量及內容固然重要,人際關係亦是不可忽視的因素。要是老闆是個善變反覆、指示不清晰及難以相處的人,定必影響你對這份工作的觀感。在網上討論區香港討論區,有打工仔發帖「遇到最難頂的老細係點?」,分享曾經遇過最極品的上司,網民都分享自己遇到的可怕上司。

點圖了解更多事主經歷:

延伸閱讀:【面試攻略】見工被問上一份工離職原因 6大模範答案得HR歡心
延伸閱讀:【職場英語】學會英文客套話 不再被字面誤導

事主分享:

「日日返到公司,佢都黑口黑面,仲要一出房就同同事講『做到人都癲』。當全公司開OT搏殺緊嘅時候,佢自己就早走去開Party,你去玩唔緊要,唔需要同大家講。有時自己做錯嘢,就話同事唔識做人。

成日話自己返30年工,但Send封Email都唔識,自己從來唔會錯,錯嘅只會係同事。當新同事返工第一日,唔太識啲嘢點做,就話人哋「咁出嚟一定畀人炒!」,同事辭職又話請唔到人,叫人做到請到人為止,就連同事嚟經期,都唔畀人請病假。」

A/其實衰人周圍都係,我做咁多份工咩人都見過晒,有啲人唔識人情世故,真係希望嗰啲人試下失業,求職處處碰壁,想知佢哋會有咩感受

B/香港唔少人都不明不白覺得自己好有料,可以做人哋老闆,實情係連大公司PM都不如,完全帶唔到條Team

C/最難頂啲老闆有情緒問題,微觀管理,叫你每個鐘交一次Report進度,佢係男人嚟

D/啲老闆上面有人照住,做咩都得,我哋要出去搵工,畀佢唱衰我哋,都唔知點搵工

E/嘢就搏命幫佢做,換嚟無句好說話,唔信咩好頭好尾,根本就無啲咁嘅事,開頭對你唔好,到尾唔會好得去邊

F/日日黑口黑面,喺員工面前話今日又蝕錢啦

G/以前公司人工低,但對做嘢好有要求,老闆成日想你兼顧更多工作,又要你唔好咁計較用食飯時間做嘢,放大假都要用WhatsApp聯絡,唔好介意OT無錢無補假,呢啲擺明係用合法手段剝削員工。好彩我一搵到工就即刻走咗

H/老闆永是遠是對的,我返咗三日工,第一日就簡單將工作講咗一次,無時間畀你記低,當你記得晒,第三日就話唔畀錯,因為無人會幫我Check,點知做咗三日漏咗少少嘢,就破口大罵,重點係個女上司把聲,平時講嘢好似雷咁大聲,全間公司只得佢把聲,真係疲勞轟炸

I/以前有個經理,無本事唔講,衰在個人貪心,連同事利市錢都貪埋,過節前公司公數食飯,7至8個人點半隻雞都唔夠,真係好差

J/乜都唔識扮到好有料,又話自己有博士學位,又話讀過心理學,真係覺得自己好勁,但講嘢尖酸刻薄,A字膊,一句講晒遇著呢啲人,間公司唔摺都被佢玩到摺

樹立良好風氣有正面影響
老闆對待員工態度惡劣,可能嚴重影響公司的發展,更會提高員工的流失率。作為老闆應該要尊重自己的員工、給予團隊鼓勵,適時讚賞員工、與員工一同分享功勞、了解他們身心的需要,並作出配合,才能夠抓住員工的心,讓他們甘願留在公司。

遇上以下4類上司,就要注意!(點圖了解更多)

 

即睇4項稱職好上司會有的特徵:

延伸閱讀:【見工奇遇記】問職業前景卻被面試官黑面?求職者衰講多咗●●兩隻字
延伸閱讀:【見工面試】求職者常遇到的4類測試

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;