【職場文化】HR對一間公司重唔重要?有公司營運多年都冇HR部門⋯

【職場文化】HR對一間公司重唔重要?有公司營運多年都冇HR部門⋯

HR是一個重要的角色嗎?有些人覺得HR肩負起挑選一間公司由甚麼人才所組成,是一間公司的成敗關鍵;不過,亦有些人覺得HR其實可有可無,認為他們所做的工作,其實可以輕易由其他部門代替,大家覺得呢?

延伸閱讀:【見工面試】航空公司面試 同組有個媽媽級求職者 佢話:我嚟幫個女儲經驗!

有網民在社交平台專頁「全職獵人FullTime Headhunter」上投稿,指自己所工作的公司已有十幾年歷史,而公司一直都沒有人力資源部門,全因為老闆覺得HR職位於這公司來說是「冗員」!那招聘、面試、計糧這些工作應該由甚麼人來做?

即睇事主分享及網民回應:(按圖了解)

事主:「話說老闆一直覺得HR係冗員,公司開咗10幾年幾百位同事,竟然係冇HR!咁你可能會問:邊個計糧出糧同埋草擬合約、請人? 計糧同出糧係會計部負責,僱員合約都係之前會計寫落,line manager自己負責請返自己想要嘅人,自己登Job Ad、做面試,如果Okay就用返十幾年前已經寫好嘅僱員合約。 公司一直運作暢順。」

網民:「我唔可以話我唔同意……」
網民:「HR system 由 IT 去做。」
網民:「啲生意自己嚟,都唔使sales一樣。」
網民:「我一入職第二日,就發現公司炒咗唯一一個HR,之後出糧autoroll嗰啲都好亂。」
網民:「其實勞工法成日都update,只要有一個員工搵到錯處去勞工處玩嘢,間公司就會明白HR個重要性。」
網民:「所以啲同事係無福利囉。」
網民:「用online system 已經可以replace 好多HR admin function,例如請假,出post請人,talent screening(用AI 啦), email 約interview,草擬合約(其實網上有legal tech 公司有即食template)etc.」
網民:「你所講嘅都只係操作級別嘅HR。Strategic or Tactic 嘅係無乜可能去取代。AI screen CV,但佢哋screen唔到啲求職者適唔適合公司文化,有啲嘢科技係幫輕咗,但始終人力資源部嘅人,接觸嘅係人。」
網民:「如果公司有乜冬瓜豆腐都無得投訴,例如孕婦畀department歧視嘅個案,唔知到時邊個跟?」
網民:「咁咪即係work囉!你呢個例子證明無咗HR,公司都運作到。」
網民:「好多公司人事部都係得一兩個人,部門自己計返人工同津貼OT錢,然後畀會計出糧,人事部做咗行政部啲嘢。」
網民:「過往未發生過問題唔代表冇問題,我已見過好唔少本身冇HR嘅公司出事後,先知專業HR嘅重要性,不論對員工抑或公司。」
網民:「好同意。HR同admin基本上可有可無,所以佢哋永遠係最叻扮工嘅部門。」
網民:「認同,中小企HR職責由會計及行政部門分擔。」
網民:「幾十年前同依家嘅勞工法例唔同咗喎!例外男士侍產假之類都變晒,唔使執執佢?」

HR職位可以被取代嗎?
HR職位和工作可否被取代,成為網民間討論的話題,有網民覺得HR的工作遲早可以被AI所取締,指:「用online system 已經可以replace 好多HR admin function,例如請假,出post請人,talent screening(用AI 啦), email 約interview,草擬合約(其實網上有legal tech 公司有即食template)etc.」

不過,都有網民覺得,始終HR是對人的工作,可能在某些工作上可以被AI取代,不過在公司管理人力資源的政策上、處理人事糾紛等個案,還是需要專業的HR,「Strategic or Tactic 嘅係無乜可能去取代。AI screen CV,但佢哋screen唔到啲求職者適唔適合公司文化,有啲嘢科技係幫輕咗,但始終人力資源部嘅人,接觸嘅係人。」

延伸閱讀:【見工面試】航空公司面試 同組有個媽媽級求職者 佢話:我嚟幫個女儲經驗!

延伸閱讀:【社會企業】由音樂教育到創辦「好餸」餸菜包 撞板多次但充滿意義

延伸閱讀:【職場文化】發現下屬成日喺辦公時間飲酒 不過冇影響工作 應唔應該出聲?

延伸閱讀:【心理測驗】一張圖測試你適合做咩類型工作!專業人士?老闆?打工仔?


最新專訪片︰

智將情侶Cherry李星熲 離開100毛往外闖做Slash創業:「我以前真係好怕醜!」

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;