【求職面試】見工失敗 過幾日間公司問有冇興趣見另一個職位?網民:證明你有能力 想畀多個機會你!

【求職面試】見工失敗 過幾日間公司問有冇興趣見另一個職位?網民:證明你有能力 想畀多個機會你!

打工仔渴望找到心儀工作,獲得理想的職場發展。然而,即使爭取到心儀工作的面試機會,亦未必能夠成功獲得取錄。面試失敗後,若然該公司邀請你應徵另一個職位,各位打工仔會否退而求其次,欣然接受?

有網民於連登討論區發文,指得悉求職面試失敗後,同一間公司竟致電並邀請事主應徵另一個類似職位。事主明言自己是首次遇上這個狀況,因此大感困惑,詢問網民是否正常?

延伸閱讀:【職場新鮮人】面試被問「10分滿分 你有幾鍾意份工?」 FG猶豫︰應該點答?

按圖了解事主及網民回應:

事主:「想問吓大家,有冇試過見post A失敗咗之後,之間同一間公司出咗post B,個HR就打嚟問有冇興趣見post B?我上網睇返post B嘅Job details,發現兩個post做嘅嘢其實都幾類近,只係負責產品唔同咗。因為我都未試過咁,想問吓大家到底發生乜事,好多公司都會咁做?」

網民A:間公司覺得你係人才。

網民B:應該係post A有應徵者好過你,同時間post B又等人用。我係你嘅話就照見!

網民C:我試過兩次,本身間公司覺得你係啱post B,但會叫你見咗post A先,想望吓你個人係點,覺得你ok就會叫你做post B。

網民D:證明你有能力,想畀多個機會你!

網民E:公司唔想再嘥時間見其他人,所以就叫你去見。

網民F:呢啲通常都係覺得你好似幾啱公司,但又唔係好肯定,所以先會叫你見另一個post。

網民G:如果兩個post人工差唔多就照見啦。

網民H:間公司都幾等用人吓。我試過面試就完嗰陣,嗰HR直接同我講話見緊呢份post大機會唔請,但公司有另一個post都幾啱我,問我想唔想即刻見埋……

網民I:咁你對post B,甚至係間公司有冇興趣先?有興趣同覺得啱自己職場發展就去啦,唔使諗得太多嘢。

網民J:我反而試過本身係見份文職工,見見吓嗰HR似想叫我轉做sales,我就企硬唔肯。

延伸閱讀:【見工面試】面試官無問過問題馬上取錄 事主:佢話唔好浪費大家時間⋯⋯

大部分網民表示經常發生類似事件,並肯定事主是具備足夠能力勝任工作,奈何本來應徵的職位有更合適的人選,公司不希望損失人才,所以才邀請事主參加另一個職位的面試。有網民建議事主,若然對公司及職位有興趣,加上兩份工作的薪金沒有分別的話,可以嘗試應徵。有網民分享親身經歷,指曾在面試尾聲,獲HR突然詢問,會否有興趣應徵另一份較為適合的工作,不過該網民最後因覺得,工作不符合自己職涯發展而拒絕。

延伸閱讀:【面試技巧】面試HR問「點解要請你」 點答先係最好最得體?

不少面試官面試時,都會詢問應徵者一系列問題,了解他們是否清楚公司業務、應徵職位的工作內容以及職責。有網民分享面試時險遭面試官的陷阱問題,差點失去工作機會。按圖即看那位面試官問了甚麼問題。

延伸閱讀:【見工面試】面試HR問你期望薪金要點答?5招幫你爭取合理人工!

很多打工仔求職面試後,都慨嘆面試是一門神秘學,難以捉摸面試結果。按圖即看網民對於面試屬神祕學的反應。

延伸閱讀:【見工面試】靚仔靚女見工有優勢?網民:靚唔會加分 但樣衰會OOOOO


最新專訪片︰

【星級斜槓族】網絡女神Hazel林熙彤 甜美外表下藏着老靈魂 辦攝影展留住記憶中的九龍城

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試2024】求職基本自我介紹要點講?即睇面試自介範本!

  • 【職場熱話】兩次面試都係見同一個人 公司欲再約第3次 網民:現代版三顧草蘆!

  • 【會計熱話】Big4有機會變Big3?Big4行業人工、工時同出路好過以前?一文睇清2024年最新big4薪金、工時同發展前景

  • 【見工面試】被HR質疑35歲仲轉工 求職者自信回答!網民:40歲都仲轉緊啦!

  • 【職場熱話】公司氛圍似邪教?日日同打工仔sell熱血團結!事主大嘆:好似用友誼情緒勒索啲員工

  • 【2024市值最大公司】全球市值最大公司 亞馬遜排第6 蘋果排第2 第1名係OO!

  • 【職場熱話】面試被HR奚落 點知部門大佬幫自己出頭!炮轟HR兼趕佢出房!

  • 【銀行大不同】銀行同投行係2個世界?兩者究竟有咩分別 想報銀行或者投行有咩要注意地方?

  • 【金融熱話】舊公司加薪40% 希望打工仔回巢處理公司投資後續事宜 事主困惑:好唔好食回頭草?

  • 【職場熱話】返工幾時變咗朝九晚六?明明以前係朝九晚五!網民:因為係6天工作變5天工作!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow