Next
【見工面試】面試官無問過問題馬上取錄 事主：佢話唔好浪費大家時間⋯⋯
【見工面試】面試官無問過問題馬上取錄 事主：佢話唔好浪費大家時間⋯⋯
2023-09-11
不同公司的面試程序不盡相同，但一般來說，均是刊登招聘廣告、邀請適合人士面試、安排見工面試，及後公司再透過求職者的見工表現，從而決定聘請哪一位求職者。不過，在見工時HR一條問題都沒有發問，求職者即獲得工作機會，大家又曾否聽說？
有台灣求職者在網上討論區Dcard分享見工經歷，指自己到一間公司面試，對方一個問題都沒有提問，直接表示樂於聘請事主，「面試官說不要浪費時間 ⋯⋯」
點圖了解更多事主分享：
「話說我啱啱畢業，上星期去咗面試，面試官一條問題都無問，最後只係同我講，『你確定想做呢份工，先好入呢間公司，唔好做無幾耐又走，浪費大家時間。』雖然佢講呢句嘢嘅時候係笑住講，但喺面試嗰陣講呢句係咪好正常？點解我聽落個情況好似有啲怪？仲要係當下就請咗我，想問呢份工係咪好伏？」
網民回應：
A/個面試官做面試做到心累，你覺得呢份工大唔大機會係伏工？
B/你可以問吓呢個位短期內走咗幾多個人，可能佢只係見求職者見到攰啫。不過如果走嘅機率高，咁呢個位都好似幾伏！
C/你個面試官係咪以後嘅份工嘅主管先？感覺佢怨念幾深，你就信自己直覺啦。
D/如果面試感受唔好嘅公司，就唔好去啦。
E/係我就唔去，之前遇到個黑口黑面嘅面試官，佢講咗一堆佢哋公司定落嚟嘅規矩之類，然後我就唔想入嗰間公司做。
F/佢咁講得，即係遇到好多個人佢係做唔長，代表流動率好高，佢哋好缺人，搵唔到人做，肯定個位好差。
G/唔啱Channel就唔好去啦～
H/我想問，「做咗無幾耐就走」定義即係咩？3個月、6個月、1年定2年？我面試都好常聽到呢種說話，但唔知道份工返幾耐離職叫「做咗無幾耐就離職」，更何況啱啱畢業嘅新人，都唔會希望留喺度好耐啦！
I/我見過有面試官同我講，要喺公司留5年叫真正學晒所有嘢。
J/啲人會離開某個職位，唔一定係員工本身有問題，如果公司內部有問題或者職場唔友善，員工當然係走為上策，個面試官都無諗住要檢討，睇吓公司內部有咩問題，或者個態度感覺到無諗住改善，就8、9成似係伏工。
留意細節了解工作免「中伏」
對於事主的分享，不少網民都認為這份工「並不簡單」，證明流動率高，面試時面試官才會向求職者詢問，是否會長期留在崗位。有人認為事主可以向面試官詢問，在特定期間這個崗位離職的人有多少，自然能夠證實工作是否一份「伏工」。
求職者當然希望盡快能夠找到適合自己的工作，但同時亦都要考慮工作是否真的適合自己，公司是否可靠，不然就很容易「中伏」。
竟然有HR私下告訴求職者「間公司好伏」？（點圖了解更多）
即睇6大面試中伏位：
延伸閱讀：【職場趨勢】TikTok成打工仔發洩工具？10大熱門職埸趨勢關鍵字！
延伸閱讀：【職涯規劃】30歲必須月入3萬元？20個職場人生道理
延伸閱讀：【工作電郵】寫Email標題唔可以亂寫？7個最常犯嘅錯誤你有冇犯？
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！
超準MBTI魔法測試！你在魔法世界裡的16型人格是什麼?
立即入嚟測試啦!!
👉🏻https://bit.ly/473SlY4
最新專訪片︰
【星級斜槓族】Sica何洛瑤推首支個人單曲《天氣之女》 入行前因愛cosplay而任職女僕café 幕前瘋癲但私下極度emo？！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!