Next
【見工面試】求職者炮轟HR浪費時間！事主：CV都唔睇就叫人嚟In！
【見工面試】求職者炮轟HR浪費時間！事主：CV都唔睇就叫人嚟In！
2023-09-04
常言道「時間就是金錢」，求職者尋找適合工作、撰寫及投遞履歷，及準備面試，過程花費不少心血，因此求職者在應徵時都會深思熟慮，免得前功盡廢。有台灣求職者在網上討論區Dcard分享搵工血淚史，指發現很多公司都喜歡浪費求職者的時間，「連履歷表也不看，你就請人來面試。」
點圖了解更多事主分享：
「雖然話我哋係求職者啫，但真係好討厭畀人浪費時間，啲HR望都唔望份CV，就請人嚟面試，然後又請你即場寫佢哋公司專屬嘅履歷表，一係就面試嗰陣問『點解無經驗都Apply？』有啲就同你講『我哋呢個職位唔缺人啦，你要唔要Apply其他』，再唔係就面試過程搞半粒鐘以上，最後要成個星期等通知。
唔明啲HR，明明Apply份工嗰陣，已經Send埋CV畀佢，就望一眼啫，係唔係咁難？如果覺得我唔適合，就唔好叫我去In，去到面試嗰陣先嫌三嫌四，好啦，講完，我要繼續畀呢啲HR玩。」
網民回應：
A/明明寫明無經驗都得，Apply職位A，又話而家係職位B優先。
B/要面試再寫CV真係好奇怪！
C/仲有啲喺求職網站開價好高，面試嗰陣改口，壓晒價咁。
D/一班HR為咗追數，咩都唔理，真係好無禮貌，一啲都唔專業。
E/面試經驗多咗，就知呢啲唔使浪費時間，我見過有間仲要話，「你係應屆畢業生，無經驗點做我哋份工」，重點係佢哋睇咗我份CV，有興趣先搵我嚟面試。
F/前幾星期先遇到，求職網站上面寫無經驗可，邀請我去面試後，花咗20分鐘嚟寫佢哋公司嘅CV，再花1個半小鐘分別同HR、部門組長面試，面試後馬上話覺得我唔錯，希望我下星期嚟第二輪面試，第二輪花咗2個鐘時間，同部門主管、總經理面試，結果隔咗2日，同我講因為我無相關經驗，所以唔請，真係浪費時間！
G/你都未講要做啲心理測驗，嗰個先係最煩，做半粒鐘，真係好煩！
H/我去到面試，佢第一句同我講「我哋個Post唔缺人」，嬲到我！^_^
HR應保護公司聲譽
對於事主的分享，普遍網友都表示同感，不解為甚麼HR能夠如此不尊重求職者的時間，有人分享自己的親身經歷，指有工作面試已經到第二輪，最後公司卻直言因為事主未有工作經驗，而不被取錄。雖則對HR來說，招聘並不是一件簡單的事，但如果在審閱履歷時，就發現求職者不適合職位，就自己能夠省卻招聘部門及求職者的時間；要是在毫無考慮的情況下，請求職者參考面試，很容易令人對公司留下負面印象，認為公司做事馬虎，影響其聲譽。
HR有甚麼奇怪行為？（點圖了解更多）
即睇HR最不想遇到的8種求職者：
延伸閱讀：【職場趨勢】TikTok成打工仔發洩工具？10大熱門職埸趨勢關鍵字！
延伸閱讀：【職涯規劃】30歲必須月入3萬元？20個職場人生道理
延伸閱讀：【工作電郵】寫Email標題唔可以亂寫？7個最常犯嘅錯誤你有冇犯？
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！
超準MBTI魔法測試！你在魔法世界裡的16型人格是什麼?
立即入嚟測試啦!!
👉🏻https://bit.ly/473SlY4
最新專訪片︰
【HR Guru】重視寵物及LGBTQ+員工福利 OneDegree副行政總裁周美華：冀塑造有溫度的品牌
Look out for further updates on our Facebook fan page!
Follow CTgoodjobs for the latest career news, hot topics and recommended jobs!