Next
【人工報大數犯唔犯法？】打工仔稱面試時人工報大數 網民質疑：新公司唔Check咩？
【人工報大數犯唔犯法？】打工仔稱面試時人工報大數 網民質疑：新公司唔Check咩？
2024-06-25
面試新一份工作時，對方通常會參考你現有薪酬待遇，再決定作出最後開價。但是，如果報大上一份工作的薪金水平，又會否被發現？這種做法又有否觸犯法例呢？
延伸閱讀：【45歲提早退休？】打工仔服務公司16年 疑因1個政策被辭職 如何計算長期服務金及遣散費？
按圖睇網民點講：
樓主：「有冇人見工嗰陣會同HR報大上一份工嘅人工？例如：將每月食飯津貼、交通津貼等等，加落去月薪度，等HR會出個高啲嘅價？」
網民A：新公司唔會Check? 唔使Payslip證明?
網民B：你咁做唔係報大，只係將所有Allowance納入晒落去。
網民C：我見新工嗰陣本身想吹大少少自己上手公司份糧，最後都係無咁做。之後個HR叫我畀Payslip佢睇，好彩啫！
網民D：咁Allowance都係畀你嘅利益嚟，你轉工唔當係錢？唔通有Bonus你又唔計？你話份工得3萬，你吹到5萬就話呃人啫。
網民E：雙糧同固定津貼計落底薪是常識吧，如果邊間公司唔計，可以直接Pass啦。
網民F：計落去我覺得冇問題喎，你話啲保險呀、假期呀嗰啲都計就話啫。除非AL爭好多日啦，咁當Allowance多2千，你加得3千人工咪即係最後加得1千？ 咁使乜轉工咩？
網民G：咁你公司幫你報稅都係報年收入啦，稅局都係睇你嗰年收入去計你要交幾多稅，唔係淨係計你個底薪。所以年收入除12先係你個實際月薪。
網民H：上一份工幾多人工關佢咩事？而家你呢個位市場值幾多錢，咪畀幾多錢人囉。唔明點解要問上一份人工，呢啲係乜嘢規矩？
網民I：做到中高層，一堆收入用晒各種Allowance嘅形式出，淨係睇底薪根本反映唔到真正收入。
網民J：得好少公司會唔Check，身邊有人試過報大2千，最後開個價係呢個報價多咗6千，即係佢份新工Total多咗8千蚊人工。
雖然樓主提及的行為只是將津貼量化，再加入月薪之中，嚴格來說也不完全是「報大數」。但是，如果真的虛報人工，又有否觸犯香港法例呢？
根據香港勞工法例，人工報大數本身並不違反法例，但可能涉及其他法律問題。例如如果你蓄意呈報不正確資料，並將文件呈交公司，企圖令對方信以為真，其實已觸犯了《盜竊罪條例》第16A條欺詐罪，最高可囚14年。
睇埋見工要求加10%人工，HR咁講…
發現上司只係多500人工？
延伸閱讀：【打工仔幸福感】月入逾$O萬 幸福感會較！6成自認幸福感高打工仔 有4大特點！
延伸閱讀：【打工仔辛酸】大老細係超級控制狂 有同事竟做到OOOO？網民：快啲裸辭保平安啦！
延伸閱讀：【職場熱話】見工成功有徵兆睇？面試官咁講獲網民贊同
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!