2018新年新體會

2018新年新體會

郭美德 Joanna Kwok

香港恒生大學企管發展中心總監、伍絜宜創新及創業中心榮譽顧問,專責籌備行政人員課程及企業培訓;擁有豐富市場營銷、公關、管理及培訓行政人員經驗;碩士課程顧問及學生導師。

More Blogs

新的一年你有甚麽新計劃?通常我會在年頭訂立5 至10個目標,再朝目標邁進。好多人會教你目標不要訂得多,而且目標應該係可以達到及令你有滿足感嘅,才會令你有動力繼續完成!

我剛從韓國滑雪回来,玩咗好多年(一年一次嗰種)都係停留係Beginner賽道,未敢挑戰難度較高嘅Intermediate賽道。但在今次滑雪嘅過程中,我忽然體會到滑雪就有如開車一樣,眼光要放遠些,咁先至會唔怕跌,無論個山有多高、多斜,都可以克服到… …所以,你在訂立目標時,要看得遠一點,俾多D信心自己,相反,若果只專注眼前一小塊, 向前走時會看不清,也看不到遠景,咁就會更易跌倒,會更容易感到氣餒!

為迎接2018,我訂了8個目標,包括:

  1. 打造健康身體,遠離疾病
  2. 改變對工作的期望及辦事方法
  3. 凖備出版Career 或Parenting的書籍
  4. 多花Quality Time陪家人
  5. 學習一樣全新東西
  6. 支持年輕人發展
  7. 探索新的假期旅遊地點
  8. 受浸成為正式基督徒

但要逐一達成目標,呢個又係另一門學問 ——必須細緻地訂下每一步向前的計劃及時間表,才可以邁進目標。

係訂下目標後,就要細緻地訂下每一步向前的計劃及時間表,才可以向目標邁進。(圖片來源︰BillionPhotos.com)

我接觸過好多對前路漫無目的嘅年輕人,佢地係唔識得點樣去計劃自己嘅下一步。我個人覺得當你自己未有清晰嘅長線目標之前,可以先訂下一D短期目標。

我當年一畢業,就已經有清晰目標——五年內要升做經理;30歲前要結婚 ,生兩個孩子等等。因為有咗呢啲長遠目標,我嘅人生就可以一步一腳印咁落實計劃。

當大家係訂立目標的時侯,內容最好係同自己興趣有關,譬如話去邊到旅行,等自己可以做多一點資料搜集,深入D去認識一個地方嘅文化或特色;或者去學車;又可以嘗試一D新嘅嘢事物,例如試吓開立自己嘅網站、YouTube Channel;學一種新嘅語言(或改善英語及普通話)或溝通技巧,就好似Interpersonal Skills,Cross Generation Communications;又或者進修,豐富一下自己嘅專業知識:不論你係讀理科或文科出身,都可以考慮Cross Disciplinary 學習,學點Event Management, Public Relations或者 Social Media Marketing;讀Finance出身的又可以考慮學下eCommerce, IT, Technology,甚至Asian Studies及Translation。依家世界變得太快,想要走得比別人快,就要持續進修,避免落後,俾「新時代」踢走!

要記著「做人如果冇目標嘅,同條咸鱼又有乜分别?」 Come on boys and girls!

(聯絡電郵:edcdirector@hsmc.edu.hk )

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Look out for further updates on our Facebook fan page!