【見工面試】一個笑容足以定生死 專家教如何笑出個Offer
答晒佢D問題……
佢都話我答得好好……
Group Discussion人人口啞啞，咁啱我識呢個題目，由頭帶到尾……
學生面試回來，入門口第一句就咁講，我一般都會「嚇一跳，然後得啖笑」。
……你唔係話要答得到同埋答得好咩？我兩樣都做到喎？
……咁佢問咩？
……問我以前做過D project同埋課外活動咁囉！
……係囉！咁有咩可能唔答得到同埋答得好？
學生常有一個錯覺：面試是考試，或是「貼」中題目，或是跟人家天南地北，侃侃而談，就是表現優秀。當然，答到、答好一定比無言以對好得多，但考試與面試的不同更在於「存活率」：前者有100、99、98、75、60、50、40、0的分別，你比取得100分的張三、75分的李四差，都可能會合格升班……面試呢？十個人進入會議室，鎩羽而歸者八、九人，因為offer不能分100、99、98，「勝者全取」。如是者，面試裡跟表現差（答唔到、答唔好）的競爭者比較沒有用，要真的脫穎而出，有一點更加要注意：唔好undersell，更不能oversell。
比較而言，「唔好undersell」的問題較少，最常見的是覺得「我其實好平凡」，缺乏信心，欠缺主動，一、兩次面談，解除夢魘，幾次mode interview，訓練技巧，進步比較明顯，最「難搞」是「不能oversell」。
面試是為自己賣廣告，盡力突出亮點，隱藏缺點，如何「不能oversell」，尤其那些「我明明答到答好，唔通要扮唔識？」「我幾辛苦大包圍先『貼中』小組討論題目，唔通叫我收口？」
……其實，問題不在「Oversell」，而是「How to Tell」。
一句話綜合地說：面試官的感覺、印象決定絕大多數求職者的命運。
尤其在面試裡「以為」自己答到、答好，因而流露出志得意滿的表情的求職者，最常墮入「點解我表現好無工做」的深淵。
如何是好？無嘢講、無反應、講得唔流暢又話無機，說得如流水、如行雲又話人地自滿？好難捉摸呀！
的而且確，面試是為自己賣廣告，但如何取得中庸之道？如何「Sell得嚟唔oversell」？
微笑！簡單到不得了！要談表達技巧（與心法）可以談幾天，但一字記之曰「微笑」（我知道是兩個字，戲劇效果而已）！
微笑拉近距離，令對方覺得你比較容易接近，溝通自然更有效……這是誰都明白的道理，我想講的是微笑的另一個「功能」。
當你大談「威水史」，快要到達「oversell」時，嘴角正要揚起，讓面試官感受到你在自我陶醉，微笑能完美地把這份「多咗啦」的自信隱藏起來，既不影響說話的流暢性，卻又能拉近距離。
微笑（不露齒那一種）是加分項目，也是令人討厭的驕傲的隱型衣，適當地配合「答得到」、「答得好」，你的面試結果一定會更完美。
以上內容及資料僅屬個別作者的個人意見，並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
