【伏工預警】黑心公司逼走8年員工仲玩失蹤！追極都冇人肯出工作證明網民教路追討大招

CTgoodjobs' Editor

Published: 2025-12-30 07:55

Updated: 2025-12-30 07:55

在職場上，工作證明是展示求職者過往經驗和能力的重要文件。不過，最近有打工仔在網上發文求助，指自己在被公司施壓下遞信辭職後，仍遲遲拿不到任職八年的工作證明。該員工表示，公司內部各部門互相推卸責任，「問極都冇人理」，令他非常擔心未來的求職前景。

打工仔熱話速遞：日本職場用假名│企業推「禁止加班」│郵件往來一次主義

黑心公司逼走8年員工仲玩失蹤

+27

+26

樓主：公司逼我走，我自己辭。但明明話要畀工作證明，追咗好耐都唔肯畀，一係又話HR去晒旅行，一係話唔係佢跟，搵咗一堆人到無人理，一個推一個。我知工作證明無明文規定一定要畀，但下一份工HR問到咁點好？做咗8年㗎喇。

網民A：點解要辭職咁蠢？你蝕埋份長期服務金。
網民B：可以攞入職份約同最後離職前兩次糧單，再同對方解釋，然後你可以講話前公司話遲啲寄畀你，之後再後補，多數冇問題，之後HR都未必追。如果真追，你話追前HR都未能提供，會繼續追。
網民C：唯有用MPF證明。
網民D：用《個人資料（私隱）條例》迫佢出返證明畀你，舊公司要40日內畀你。
網民E：佢都唔係好公司，根本無需要辭職，等炒攞返長期服務金好過。
網民F：離職證明咪叫老細搵人寫份「你幾時幾月幾日做乜職位」，再簽名蓋印咪得？再唔係你有糧單，足以證明你喺呢度工作過。
網民G：點都要攞到，個工作證明代表你唔係因為過失或者工作表現冇做。
網民H：用appointment letter，內容有幾時上班日期。一間正規公司，員工離職會有人事部發出離職證明信。
網民I：Keep住追。其實冇都冇所謂，照同新公司講。
網民J：用僱傭合約 + MPF。
網民K：我當時做10年都冇畀啦，用報稅表或者強積金份表咋，我都照生存。
網民L：唔一定要出。照實同新公司講，但唔好埋怨落同事度，矛頭要指向老細。如果你矛頭指向舊同事，人哋會覺得你係麻煩人，唔敢請你。

多位網民對事件發表意見，有人認為當事人被迫辭職是錯誤決定，導致失去長期服務金；亦有人提供替代方案，如以糧單、入職信、僱傭合約、MPF紀錄或報稅表證明工作經歷。有意見指出，可引用《個人資料（私隱）條例》要求公司在限期內發出證明信，亦有人提醒工作證明不僅是文件，更代表離職原因無關過失。部分網民感嘆有公司沒有正規離職程序，但鼓勵持續追討，或誠實向新僱主解釋情況，同時避免責怪舊同事，以免影響個人形象。

根據現行《僱傭條例》，僱主在員工離職時並無法定責任必須發出工作證明，亦沒有明確列明該證明應包含的內容。若公司拒絕發出推薦信或工作證明，員工可藉着其他文件，如過往的糧單、報稅單或強積金供款紀錄，證明自己的受僱期間。此外，離職員工亦可根據《個人資料（私隱）條例》申請查閱個人資料，要求前僱主提供涉及個人僱傭紀錄的文件，包括顯示聘用年期的報稅資料。而僱主依法需在收到申請後的40個曆日內交付相關資料。

請人！請人！請人！

🔗職位空缺傳送門🔗

▶【政府/公共機構】工作機會

▶【月薪$25,000+】工作機會

▶【兼職Part Time】工作機會

延伸閱讀：【中層危機】做咗十幾年經驗反成負累？元老級員工成夾心階層血淚控訴2大問題

+34

+33