【勞資互諒 共渡時艱】

午飯時間，小雲在茶水間遇到一臉愁容的同事阿麗，談及公司近期經營困難。

阿麗：「聽講公司生意差，可能要減薪，甚至裁員，最近都無覺好瞓！」

小雲：「唔駛擔心，我知道公司已經嘗試降低營運成本，同時諗緊辦法增加收入。另外，根據《僱傭條例》，僱主係唔可以單方面更改合約條款，要同僱員協商，並遵守《僱傭條例》、相關法例規定同埋僱傭合約條款。」

阿麗：「所以減人工唔係老闆一個人話晒事。」

小雲：「無錯。如果無可避免要減人工，僱主應該先同僱員商討，而且一定要事先得到僱員同意，仲要留足夠時間俾僱員考慮。」

阿麗：「如果公司無晒其他辦法，真係決定裁員呢？」

小雲：「假如決定裁員，僱主要確保僱員終止合約嘅補償唔少於《僱傭條例》同僱傭合約賦予嘅權益，並且向僱員詳細解釋補償嘅細節。」

阿麗：「原來全部都有規可循嘅。」

小雲：「係啊。僱傭雙方最重要係坦誠磋商，共渡時艱。如果想了解更多，可以睇吓勞工處出版嘅《僱主與僱員指引——如何處理減薪及裁員》同埋《處理減薪及裁員須知》，亦可以親臨勞工處勞資關係科分區辦事處。」

僱主與僱員指引 –如何處理減薪及裁員 

處理減薪及裁員須知

⏩⏩  需要請人？立即刊登招聘廣告！  ⏪⏪