【無薪又要加班】做Audit Intern被上司迫無薪OT至凌晨 事主：Intern當正Full time用咁

近年來，越來越多企業在招聘畢業生時，偏向選擇有實習經歷的候選人。因此，不少大學生都會在在學時間利用休假日（Day Off）做實習。一名大學生便在Dcard討論區分享自己實習經歷，他表示自己被上司當作全職員工叫喚，經常要無償加班，工作內容跟長工無異。事主還說，本來工作已經經常遲下班，上司還想他跟其他人一起繼續工作至凌晨。上司實行用實習生工資招聘「全職員工」？網民批評事主上司舉動，亦批事主不懂拒絕人，才會招來如此田地……

延伸閱讀：【躺平一族】畢業生被父母要求唔好返工！網民：有得揀邊個想打工？        

+17

+16

事主：「話說最近入咗間公司做intern，做咗幾日senior就要我OT，幾個人一齊威迫，佢哋本身日日OT到凌晨先走。Senior迫低佢一級嘅同事叫我留低做嘢，如果唔係要呢個低佢一級嘅同事做晒我嘅嘢，分明係情緒勒索。我已經每日遲1-1.5鐘走，佢哋都要我繼續留低。

面對呢啲情況應該點算好，我本身真係唔expect要OT咁耐，都有自己生活，況且OT又無錢，都無晒生活。點算好求意見，無諗過intern都咁chur，勁大壓力，intern當full time用。希望過來人可分享一吓。」

網民：「夠鐘直接走人，跟返合約做就得，唔使理佢哋，唔放人嘅就打999非法禁錮，再報勞工處。」

網民：「企硬唔OT兼搵過第二份，你返工咋，唔係賣命。」

網民：「Intern又唔係真係permanent full time，OT到凌晨真係黐線。」

網民：「理得佢，收工即走，睬佢都傻。Intern唔使咁搏命，人哋full time出咩糧你出咩糧，點解要同你做。」

網民：「返緊intern，6點夠鐘自己企起身走人，頭也不回，我CPA firm。」

網民：「Audit intern 畀盡咪8、9千一個月，你個心態一開始就錯晒，Intern做嗰啲係本身係個associate要做嘅嘢，你係幫緊佢做嘢，而唔係你做少咗所以佢做多咗。但peak season都過咗仲要OT到凌晨真係有啲誇張。」

網民：「我建議樓主準時收工，我之前返Part time，HR 成條team追數我都照準時走人，無謂辛苦自己，又唔係特別高人工。學識拒絕都係返工要學嘅嘢，唔好被人用人情牌嚇嚇你就同情人，呢啲職場好常見，除非之後你要做返呢間公司，如果唔係可以我行我素。下面做得辛苦咪叫佢請人囉，係人都知audit難做又人工低但junior位唔會請唔到人。」

網民：「明搵你笨，恰你intern唔夠膽駁咀，我就照走，佢話畀低一級嗰個做咪佢做，關我咩事，你諗你啦。」

網民：「就算Full time都唔應該OT啦…做壞晒啲規矩。」

網民指出事主上司進行情緒勒索等行為固然離譜，但事主亦要為個人處境去思考。當不合理加班情況持續，事主理應向上司反映不滿，告訴他自己的態度。情況經反映後仍未解決，事主可以考慮找新的實習工作。

網民提醒不但在實習，日後在職場上，嚴正拒絕他人不合理要求是一大必要技能，當個人利益受損，都不應懦弱，犧牲自己。

朝9晚6上班佔據大量時間，私人時間不足，因此只可犧牲睡眠時間玩樂？

+10

+9

延伸閱讀：【公司應訂午睡時間？】打工仔情願早收工！ 研究︰睡90分鐘提高學習能力及記憶力

延伸閱讀：【伏工特徵】公司同事全部新人 打工仔疑惑：工作經驗最多嘅得4個月        

延伸閱讀：【讀書VS返工】大學生嫌讀書無用 「返工都係講實戰」 網民批︰證明你唔識諗嘢         

最新專訪片︰

【星級斜槓族】Sica何洛瑤推首支個人單曲《天氣之女》 入行前因愛cosplay而任職女僕café 幕前瘋癲但私下極度emo？！

⏩⏩  需要請人？立即刊登招聘廣告！  ⏪⏪