【返工壓力大】入職2個月仍有甩漏！因同事不滿感壓力！打工仔：有一刻覺得透唔到氣⋯⋯

經濟景氣不佳，保住工作都不容易，莫說是找到新工作。不過，找到新工作未必代表能有新開始，或者只是跳進另一個地獄而已。有打工仔在Threads發文，表示自己入職至今已經2個月，到現在工作仍有甩漏，同事慢慢表露不滿，而他亦因此感到有壓力，「有一刻覺得無法呼吸。」

事主講述工作壓力

點圖了解更多事主個案

+21

+20

事主：「份工返咗2個月，依然好多甩漏，開始feel到同事好不滿，其實我都好辛苦。我都好灰心，你估我唔想做好佢咩？你估我專登做漏嘢？你估我專登畀麻煩你？我喺地鐵站度直程有一刻覺得透唔到氣，覺得好嘈、好多人，人與人之間好貼近，好無空間。我覺得好驚，就係好驚，同埋好想喊。

好想搵嘢分散注意力，但搵唔到，只係勉強迫自己行落去，Send咗Message畀另一半，但佢未覆，然後覺得其實佢返工都好辛苦。點解我少少嘢都唔可以獨立啲，幾時先會好？」

網民給予事主建議

A.我都試過，覺得啲同事都好勁，我簡直係拖後腳⋯⋯然後我辭職同老闆講我搞唔掂⋯⋯老闆唔肯收我封信，然後佢話：「唔好諗咁多！做！做就係啦！」我聽佢講專心做，唔諗咁多，過咗陣又好似過到⋯⋯（情況穩定後，以防再有同類事件發生，我就去禪修etc）

然後，咁就做咗8年，有冇同事可以教你或者幫到你呀？呢啲日子會過㗎，過咗就掂㗎啦！

B.唔知你做咩工，但係可以試吓，記得唔好急，真係唔好急。如果文職，文件嘢放慢少少，對多次。如果係其他工，都係盡量放慢速度，唔好心急。（人越錯越心急，越心急越錯。）唔係叫你亂做，而真係放鬆心情，調節節奏。記住唔好怕，越怕越錯。

C.唔好因為咁唔開心，我同你一樣啊！啲同事不滿我到，佢哋自己有個私人嘅group，係咁講我，仲要講我畀我見到。

佢哋仲話幾時可以脫苦海，我聽完呢一句真係好唔開心，其實佢哋可以唔教我，但唔好話咩脫唔脫苦海啦！但係表面上佢哋又笑笑口，我拎夠經驗會自己就走，唔想煩到佢哋，大家加油呀！

D.我老婆喺醫院做文件相關嘅嘢，同你有一樣嘅情況，佢每日都同我呻。我做老公嘅唯一辦法，就係聽佢呻，再開解佢，同佢講一句「辛苦你啦老婆」。

E.I know that feel，我以前唔係返文職，因為疫情轉行返咗office工，而嗰份工係無嘢做無career path，坐咗年零扚起心肝轉咗份chur工，諗住一定有嘢學到。

點知幾用心、check幾多次啲嘢都係錯，成日要人執手尾，搞到個人好挫敗，好guilty，壓力好大，甚至心理同健康都出咗問題。 朋友點醒我，佢話我應該真係唔適合做文職，建議我嘗試做返啲operation嘅職位，同我講「以前你都做得好好㗎，呢份工出咗成年人工畀你試工，等你知道自己唔適合喎，都幾爽呀！」你可以繼續做份工嘅，但一定要知到止蝕位要喺邊，我嘅角度就係影響到情緒同健康就唔Ok。加油！

F.份工太難，咪轉過份容易啲嘅。（利申：同你一樣）

G.老闆出到聲先再算，每份工都有適應期，長嘅可以一年，甚至再長啲，當時自己都有自責、喊，悔恨自己唔夠細心，做得唔夠好，但做嘢總有工多藝熟嘅一日，甚至有日由我去帶新人，所以畀啲時間自己，都畀信心自己，啲嘢會做得好嘅。同事不滿嚟講，佢哋覺得唔妥咪同老闆講囉，否則佢哋作為Senior就係要幫junior包底㗎啦！抱抱！

H.一份工，一般都做到半年先敢講知道做緊乜，2個月仲係唔識係好正常喎！

I.我都係啲咁嘅人⋯⋯盡咗力都做得唔好，然後同事會越嚟越唔鐘意自己，之後又會轉工⋯⋯

然後比其他公司HR覺得自己成日轉工。或者係工種唔啱？可以試吓多啲唔同嘅嘢？唔知可以點安慰你，不過大家都加油啦！

J.我試過有一段時間都係咁樣，可能做緊嘅嘢唔啱自己。我想講，有時唔係份工唔好，係我返呢一份工返到狀態唔好，咁就可能已經唔適合。當然而家呢個市道唔好，不如set個限期比自己，再係咁落去就考慮吓，睇吓有冇其他解決方法。喺限期入面自己亦都要做一啲放鬆身心嘅嘢，改善焦慮同埋搵一啲方法令到自己唔好咁容易甩漏。我明白好難，但係慢慢嚟逐啲試，要相信會變好，真係唔得先再諗放棄囉！返工唔係賣命！

K.頭3個月係最最最最最最難捱，加油！嗰段時間勁大壓力，我瞓又瞓唔到，返到公司突然會喊。感恩有位朋友可以傾訴，諗返起都多謝佢支持！最終捱過左，所以你都可以㗎！

普遍網民都鼓勵事主，甚至講述個人經驗，有人指曾因為工作太難捱，同事又對自己不滿，想要離職，老闆卻拒收辭職信，鼓勵他繼續做下去，最後在公司工作8年。有網民指或者事主不適合現時的工作，建議他給予自己期限，若果情況沒有好轉就考慮轉工。對於事主自認拖後腿，有網民就覺得等老闆提出再算，更指作為資深員工，有責任要為年資淺的員工收拾爛攤子。有人安慰事主，指入職後首3個月是最難捱，只要成功過渡，就會越來越順利。

4大重點助你改變工作心態

+11

+10

1/沒有工作是不辛苦

這個世界有哪份工作是不辛苦？每一個打工仔都是用自己的時間、勞力來換取錢。可能你會以為其他行業的工作好舒服，不需要花上任何體力以及心思，其實這些都只是你的想像，每一行都總有辛酸，只是你不知道。

2/清楚了解自己在做甚麼

當你在這個職位工作的時候，要清楚明白工作內容，與及工作的職責是甚麼。如果你連自己崗位需要做甚麼都不完全了解，又怎能夠將事情做得好？

3/了解從工作能獲得甚麼

工作可能會帶給你挫敗感，甚至是壓力。同時，它亦可以為你帶來不同的機會和經驗，甚至能夠令你學習到相關的技能和技術。不妨想想透過這份工作，自己能夠獲得甚麼，那你上班換回來的，就並非單純的金錢回報。

4/有清晰的目標

為了自己的未來，需要訂立清晰的目標，而不是得過且過，一直在留在原位。當你有屬於自己的目標，你就會明白，這份工作可能只是職涯生活中，其中一個停留的地方，而它能夠令你更接近想要達成的目標。

9種方法紓緩工作壓力

+24

+23

1/以輕鬆心情作一天的開始

當你在短時間內，急着梳洗、準備出門，強迫自己要趕及某班次的列車，甚至趕得連早餐也不吃時，你已經承受一定的壓力。
一個充滿壓力的早上，會增添你的工作壓力，所以如果你能夠提早出門、做好準備、以積極的態度開始你的一天，會對減輕工作壓力有很大幫助。

2/工作有明確的要求

當你不清楚自己職場上的定位、工作方面沒有清晰的目標，你很可能會感到不安焦躁。
如果你不知道自己的工作績效是否達標，可以與你的上司商量，當你們制定評估工作效率的標準、未來計劃及目標，有助你們減輕工作壓力。

3/避免牽涉到辦公室衝突

人際關係衝突很可能會損害你的身心健康，雖說在職場上與不同的同事合作，發生磨擦是在所難免，但某程度上一些衝突是可以避免，例如：不討論八卦、宗教及政治相關議題；在可行情況下，避免與難相處的同事有所交集，都對減輕壓力有幫助。

4/凡事井井有條

提前做好計劃，保持凡事井井有條的狀態，可以減低你的工作壓力。
例如：安排好自己一天的行程，甚至是出門的時間，就能減低遲到的機會。
保持井井有條，能夠避免因為雜亂而產生的負面情緒，從而提高工作效率。

5/確保工作時感到舒適

工作壓力來源部份是來自於身體不適，這都是與我們工作的地方，即是辦公桌有關。
只是坐在一張令你不舒適的工作座椅上數分鐘，很可能已經增加潛在的壓力，長時間工作坐在上面，更會使你腰酸背痛及更敏感。
辦公室的噪音亦會分散注意力，甚至令你感到挫敗，因此創造一個安靜，令你感到舒適的空間是非常重要。

6/避免實行多任務處理

現代人喜歡以多任務處理（multi-tasking）完成工作，全因他們認為用有限的時間，處理最多的工作是絕佳的處事方式，但後來我們發現這種方式，會影響到工作的速度及準確性。
例如：當我們講電話，同時進行計算時，就可能會令成果的精準度受到影響。
分散精神處理事情，亦可能會令你感到疲倦，多任務處理對很多人來說，成效不佳，倒不如在一個限定時間內專心做好一件事情。

7/午餐時間散步

在辦公室久坐會對你的生活有不良影響，如果情況許可，可以嘗試在午餐時間出外散步休息，這樣能放鬆你的心情，令你更健康。

8/放低完美主義

完美主義可以幫助你在工作上有更好的表現，但也會帶來問題。
你沒可能每次都能完美地把工作完成，尤其是在緊急時，盡量放下完美的追求，盡力完成工作，並嘉許自己的付出，成果可能會比你想像中更好，同時能消除你的壓力。

9/在工作前後聽音樂

吃早餐時聽音樂，能令你振奮地開展新一天、朝氣蓬勃，有更好心理準備開始工作，與其他人合作。
同樣地，當你回家的時候，聽最喜歡的音樂，亦都可以使你放鬆身心，減輕壓力。

（資料來源：Verywell Mind）

延伸閱讀：【職場熱話】返工壓力大到暈 樓主：好似無一份工啱自己

延伸閱讀：【打工真係好大壓力！｜壓力大徵狀】一人一個返工壓力大徵狀！晚晚失眠、極不願意入公司門口、電話一響就焦慮……

延伸閱讀：【FG返工記】00後返工壓力爆煲 一做錯就焦慮又內疚 網民：你唔適合返工！

最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢

⏩⏩  需要請人？立即刊登招聘廣告！  ⏪⏪