【CV疑雲】畀人盜用CV四圍send!網民:幕後黑手可能係你上司?佢想炒你好耐!

【CV疑雲】畀人盜用CV四圍send!網民:幕後黑手可能係你上司?佢想炒你好耐!

CV小偷出沒請注意! 近年來,電話騙案頻繁出現,原因是受害者意外披露個人資料,導致騙徒有機可乘。而最常見的被盜資料莫過於電話號碼,住宅地址及信用卡號碼等。不過,最近有網民在社交媒體專頁「奴工處」發文,竟表示自己的CV(履歷表)被盜用,繼而莫名地受到各大公司的面試邀約,使他感到煩惱萬分。於是,網民們紛紛化身成福爾摩斯,嘗試為事主撥開迷霧。究竟,最有可能的幕後黑手會是誰?!

按圖即看樓主經歷:

上司:「搞咩呀?你想轉工咩?揾工都唔好send去總公司啦,頭先head office人事部打嚟,佢哋話收到我下屬份CV,問我發生咩事。」

差唔多食lunch嘅時候,上司叫咗我入房講呢件事,語氣明顯係埋怨緊我。我聽到之後梗係嬲啦,但並唔震驚,所以就答佢:「唉,又係咁,我冇諗過轉工,都冇send過CV去總公司,你當我傻㗎咩,我畀人整蠱呀!有人將我份CV周圍send出去,今年已經第7次啦!」雖然上司畀head office問到口啞啞,面色有啲難睇,不過佢係信我嘅,話晒我都喺呢公司做咗接近5年,會唔會咁白痴連總公司都認唔到呀?

亂咁將我份CV周圍send嘅情況,喺2022年已經發生,當時有間不知名公司打嚟約我interview,對方第一句就問:「Hello Michael,收到你份CV喇,想問下你而家份工係咪仲做緊?如果arrange聽日晏晝見工有冇問題?」我當時聽到一頭霧水,又唔係揾緊工,又冇send過任何CV同resume出去,突然有人叫得出我英文名,仲想約interview ?究竟發生咩事?結果我同對方確認自己冇應徵就匆匆收線,相信嗰位HR都覺得好奇怪。

因為打嚟叫我見工嘅電話真係太多,我曾經同個別一兩個打嚟嘅HR講,可唔可以畀個sender嘅email address我,因為你send我份CV出去都要經電郵㗎嘛,但係冇人理我,或者覺得冇義務幫我「緝凶」啦,佢哋淨係提議報警。

好啦!咁我嘗試去差館備案,當值嗰個警察仲好笑,佢問係咪啲親戚朋友想我轉份好工,又話周圍send CV冇令我招致金錢損失,嗌我睇多一排先喎,仲叫我諗下係咪得罪咗咩人先會出現呢啲惡作劇。大佬呀,我知就唔使嚟備案啦!

本身都諗住唔理,因為都理唔到,點知惡作劇條友而家send我份CV去總公司,明玩嘢,但我又唔知點做,呢啲究竟算唔算刑事?係咪屬於商業罪案?定係要求助私隱專員公署?坦白講,老婆都冇我份CV,有得我CV嘅人,照道理係我send過去嘅公司,不過我都好耐冇搵工啦,我都想知係咩人咁無聊!

按圖即看網民留言:

網民 A:一向都係最唔似兇手嗰個就係兇手,即係你上司!可能想你走好耐。

網民 B:官方答案:畀人hack咗。

網民 C:好簡單,再收到啲headhunt唔合作,咪quote pcpd掟file去私隱專員,到時公司compliance收到,冇得佢哋唔合作啦。

網民 D:我覺得似現任公司的人,投稿人做咗五年喎!可以叫總公司收到cv嘅人forward份CV嚟睇吓,等投稿者認吓約莫係幾時寫!睇下working experience update到邊份工,就大概知係咩年期的CV!

網民 E:好簡單,如果樓主離職,最終得益者是誰?一定係公司同事,而且曾經喺人事部做替工,或者同人事部friend嘅人啦!

網民 F:問總公司睇下收到嗰份CV,如果係呢5年內嘅version,而份CV又淨係得自己有,應該基本可以確定係公司嘅人做嘅?

網民 G:有咩原因驅使佢咁愛公司?畀我就見吓先,分分鐘有人工加,不過我覺得係下屬想送走佢嘅機會大啲。

網民 H:份CV咁靚,應該公諸於世做sample。

網民 I:既然係咁,直接轉工啦,跟手改email同電話。

網民 J:記得以前睇過本書定有套戲講過,對付公司入面嘅死對頭,最好方法就係幫佢send CV。

樓主的經歷實屬罕有案例,留言區的網民普遍認為幕後兇手必定是同公司的同事,才有機會接觸到該份CV,而人事部同事首當其衝成為了頭號嫌疑人。同時,亦有人覺得樓主的上司其實一直看他不順眼,於是趁機找辦法趕走他。只可惜,所有推論都無法得到實質證據證明,而樓主向警察報案又不受理。到底,還有甚麼辦法可以阻止對方持續盜用自己的CV?

當你開始尋找工作機會時,履歷表(CV)是你向潛在僱主展示你自己的機會。一份好的履歷表可以讓你在眾多求職者中脫穎而出,而一份不好的履歷表可能會讓你的機會付諸東流。在這篇文章中,我們將討論一些基本的履歷表項目,以及如何最大限度地展示你的技能和經驗,並提供一個英文履歷範本供你參考。

一般畢業生的履歷表需要包含甚麼項目?

延伸閱讀:【職場貼士】轉工嘅時候唔知點樣寫預期薪酬?網民話至少叫高20%!

延伸閱讀:【見工面試】Send CV竟被HR勸喻「咪再apply份工」?全因求職者做咗呢樣嘢!

延伸閱讀:【求職攻略】CV應唔應該寫屋企地址?HR:最多寫地區就夠


最新專訪片︰

【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言?!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職場私隱】上司將求職者CV當廢紙 是否違反私隱條例?

  • 【職場熱話】冇啦啦畀上司針對 做乜都會畀佢鬧一餐…… 事主:我係咪得返辭職呢條路?

  • 【職場英語】老細或同事經常提出「屎橋」 教你10句英文句子婉轉地表示反對

  • 【職場熱話】新工返咗4日就被人炒 被炒原因係唔夠積極? 網民:返得4日點知你積唔積極啊!

  • 【離職原因】做過嘅公司執笠、倒閉!打工仔呻:面試唔知點同HR解釋……

  • 【我要做船長!|如何入行|晉升階梯|薪酬待遇】點先可以入行做遠洋船船長? 網民:想做到船長有排捱啊!一文睇清行船入職要求、晉升階梯、薪酬及在職培訓

  • 【政府統計】職位空缺增30% 呢幾個行業最多空缺!

  • 【職場熱話】打工仔因前工作壓力太大生病 掙扎4年CV空白期 應否如實告之

  • 【畢業生薪酬】Fresh Grad出嚟要搵到$20,000 先叫唔做爛市? 網民:大學生供過於求 搵到$15,000都叫合理啦

  • 【薪酬趨勢】行政助理月薪高達5萬!入行門檻唔高?即睇Executive Assistant人工、工作內容及發展前景!

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow