【職場私隱】公司用員工出生日期算命　相關行為或觸犯法例？

香港是中西文化薈萃的城市，不少企業除了採用西式管理模式外，還會參考華人傳統的風水、算命等術數，以祈求企業安寧、財源廣進。相關行為往往出於好意，但若影響到員工，或引致不滿。最近，有名打工仔到社交媒體專頁「奴工處」投稿，只其老闆娘竟擅自取用其出生日期找算命師批命，該打工仔正考慮就事件提出訴訟。

延伸閱讀：【職場熱話】買咗樓會唔會畀同事知？打工仔感言：佢哋覺得買私樓好似有罪咁⋯

即睇事主分享及其他網民回應：（按圖了解）

+17

+16

事主：我喺一家香港出名嘅五金公司做，我老闆娘拎我入職時嘅個人資料，姓名同出生年月日畀算命佬批！其實佢知唔知自己犯緊法？我會考慮告佢！

網民：由佢想告間公司嗰刻就知唔夾啦！
網民：記得寫埋出生時辰，會準啲！
網民：講得出做得到，唔告正契弟！
網民：咁正？批命好貴喎！公司肯做呢啲嘢可能係睇重佢啦，合則來不合則去，唔領情咪走囉！
網民：問返佢算到啲咩嘛！算命都幾千蚊……
網民：人哋畀機會你上位，唔使再努力，但你走去告人……
網民：告之前諗下，全公司咁多人點解淨係算你？告贏佢你有咩得著？兄弟，唔告可能不用奮鬥幾十年，躺平仲有糧出，考慮下啦。
網民：可能老闆娘係幫事主搵另一半呢！
網民：聽過有差唔多同一樣嘅公司，目的係搵人擋煞……
網民：員工夾唔夾老闆，係咪入職前應該算好？
網民：我舊公司好似話某啲年份出世嘅人都唔會請，我都試過見工填form要寫生肖。
網民：正常你填出生日期，佢都查到生肖啦，點解仲要專登填？
網民：如果你畀出生日期佢，個風水佬問你生肖，你都好快啲換風水佬啦！
網民：無時辰，除咗生命靈數，無野計得出。紫微斗數、八字，甚至人類圖都要出生時間……
網民：之前試過上去一間公司，入到去有間房放滿泰國神像，面試個女人係咁問我屬咩，幾點同邊到出世呢啲好私隱嘅問題，我見唔對路即走！
網民：我覺得奇怪，迷信，但其實係咪去到要告佢呀？只係名同出生日期，又唔係身份證……
網民：因為佢無問過你就畀非公司嘅員工睇個人資料。
網民：如果個算命佬係簽咗HR份約，咁佢可能真係灰色位喎。

網民批事主小題大造　迷信或令求職者卻步

眾多網民指事主小題大造，認為出生日期的資訊沒有甚麼大不了，而老闆娘只是出於好心，並無惡意。坊間算命費用高昂，即使是廟街小檔也索價200至300港元，於是有網民表示「公司肯做呢啲嘢可能係睇重佢」。另有網民認為，事主應該反過來詢問老闆娘算命結果，當是一個參考也好。

不過，企業過分迷信或會構成負面印象，有一名網民在留言欄中指自己曾到某企業面試，但公司放滿神像，加上面試官詢問過多與工作無關的個人資料，最終決意放棄職位申請。

出生日期屬個人資料　受私隱條例保障

雖然網民認為相關事件無傷大雅，但事主打算告發老闆娘並非無根據。香港個人資料私隱專員公署曾於回應傳媒查詢或報道期間指出，「任何人的姓名、相片、出生日期、電話號碼等資料，如果能識辨某人的身份，便屬於《個人資料（私隱）條例》下定義的個人資料」，而相關資料的收集及使用均受《個人資料（私隱）條例》規管。

根據香港個人資料私隱專員公署所述，個人資料的使用須與當初收集該個人資料的目的一致。從此可見，如收集相關個人資料的目的為員工紀錄或只作招聘用途，相關資料用於算命時，應先取得當事人同意，否則不能用於新目的。

小心墮入私隱陷阱！即使公司有人確診新冠肺炎，公開或私下披露同事資料也可能觸犯法理？（按圖了解）

+10

+9

延伸閱讀：【職場私隱】公司四圍裝有高清閉路電視　網民：咁似監獄
延伸閱讀：【職場私隱】老闆要求睇員工手機 仲追問有否喺社交媒體Add同事？
延伸閱讀：【勞工法例】面試被迫回答生唔生小朋友 網民：我公司試過邊個大肚就被炒⋯

⏩⏩  需要請人？立即刊登招聘廣告！  ⏪⏪