【職場熱話】一人一個打工仔被炒原因!同事工作能力高遭老闆妒忌、打工仔首次遲到便遭解僱……

【職場熱話】一人一個打工仔被炒原因!同事工作能力高遭老闆妒忌、打工仔首次遲到便遭解僱……

員工遭到解僱的原因林林總總,最常見的都是個人失職、工作表現惡劣或與同事的關係惡劣等。不過,有部分公司在解僱員工時,均會使用一些極度無理的解僱原因,讓打工仔成為辦公室的犧牲品。

近日,有網民於連登討論區上以「一人一個被炒原因」為題發帖,吸引眾多網民留言,分享自己在職場遭到解僱的原因,當中竟有些奇怪的原因,使網民啼笑皆非!

延伸閱讀: 【00後】新入職00後工作能力高 但都被炒?原因係⋯⋯網民:香港啲管理層幾時識睇化啲?

按圖了解網民回應:

樓主:嗰陣份工未過試用期,同同事一齊落完site,然後大家一齊無返公司直接早走,之後畀我直屬上司發現咗我無返公司。佢晏晝5點半打嚟係咁鬧,話我點解粒聲唔出就自己走咗,上司直接同咗經理講,隔咗陣經理就叫我一係自己遞信走,一係就直接炒……

網民A:有次team presentation 4日前畀我發現到份project有個好嚴重嘅問題,其他同事同老闆都唔知。同啲同事講,佢哋不斷叫我扮睇唔到,由老闆畀客鬧就算。嗰陣後生仔唔肯聽,老細行埋嚟問我做成點,我好直接咁同佢講咗份嘢有問題。

之後我自己通咗3日頂做好份嘢,老細全程無出過聲,但feel到佢有少少黑面。去到present嗰日,個問題解決咗,個客都好滿意。但第日老細就即刻炒咗我,其他同事就加bonus……細個唔識人情世故,以為幫公司解決問題係最緊要,經歷過呢件事之後,學識咗打工仔唔好咁多事……

網民B:喺試用期嗰陣請太多假,然後就畀老細炒。

網民C:有同事坐喺HR阿頭前面,個同事日日遲到、Lunch遲返、返返吓工成日唔知走咗去邊。有日HR阿頭睇唔過眼,不點名批評同事上司無做好管理,第日個同事就畀人炒咗。

網民D:有日個經理問我之後有咩打算,我話嚟緊打算去讀書,第2日就抄咗我……

網民E: A公司人事部無啦啦屈某位同事喺公司server下載公司文件,但嗰時個個都WFH,根本無可能做到。A公司仲要搵律師逼個同事簽紙,承認自己盜竊公司文件,個同事又唔知點解會肯簽,最後即時解僱咗個同事,唔使賠錢畀佢。

網民F:老細有日中咗六合彩,佢直接退休,執咗成間公司,我同班同事就咁畀佢炒咗……

網民G:我每日返工都好準時,有日唔小心遲到,就無啦啦畀老細炒……心諗我都係遲一次到啫,又唔係啲咩大問題,懷疑老細想炒我好耐,遲到畀到個藉口佢……

網民H:返工同個女同事傾得幾開心,每日都會一齊食lunch、收工一齊行街睇戲咁,係純友誼關係。持續咗1個月之後,發現個女同事原來係老細二奶嚟,然後開始發現老細成日對我黑面,態度好差。隔咗陣畀佢直接炒埋。從此唔敢再同啲女同事咁friend,好驚又會得罪人……

網民I:之前返過1間細公司,每日返工都好忙,但我因為收工前做得晒啲嘢,所以我每日都會準時走。隔咗2個月,個上司話要炒我,原因話我唔主動OT……

網民J:有公司好多時會用啲好奇怪嘅理由嚟炒人,有朋友用公司電腦USB位差電話,老細見到就話辦公室係禁止用USB,同事因為違規所以要即炒……

網民K:話我頭髮太長,影響公司形象……

延伸閱讀:【見工面試】面試官問起上一份工點解被炒 求職者可以點答先好?

不少網民都分享了自己遭到解僱的原因,有部分是他們因為個人失職及表現欠佳所導致,例如經常遲到早退、外出工作沒有知會上司就提早下班等。有眾多網民分享了令人咋舌的解僱原因,例如因工作能力過高,遭到老闆妒忌、用公司電腦USB插頭替自己充電,甚至老闆突然中六合彩而決定提早退休,公司一併結業等,讓一眾網民都對事主的經歷感到同情。

延伸閲讀:【職場八卦】打工仔嘆低學歷做NGO真係好灰心 事主:學歷低,經驗幾多都冇用

《僱傭條例》Q & A:

Q:僱主是否可無須給予對方通知或代通知金而終止僱傭合約?

A:如果僱員在與其僱傭有關的事宜上故意不服從僱主合法而又合理的命令、行為不當、犯有欺詐或不忠實行為或慣常疏忽職責,僱主可無須給予通知或代通知金而即時解僱該僱員。不過即時解僱是嚴重的紀律處分,只有在僱員犯了非常嚴重的過失或經多次警告仍不改善的情況下才採用。

Q:應如何計算代通知金?

A:如果合約是連續性合約,所需的通知期或代通知金如下: 「通知日期」前12個月內僱員所賺取的每月平均工資 x 通知期的月數 = 代通知金

按圖即看公司為求節省成本所作出的孤寒行為:

延伸閲讀:【勞工法例】女上司唔鍾意下屬請假 竟下令:生完BB第二日就要返工!

按圖即看網民嚴選的同事乞人憎行為:

延伸閲讀: 【被炒原因】老細一條死亡問題 打工仔即被判死刑!網民:懷疑點答都死⋯⋯


最新專訪片︰

【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【打工仔辛酸】一人一個返工壓力大徵狀!晚晚失眠、極不願意入公司門口、電話一響就焦慮……

  • 【薪酬待遇】打工仔加人工 竟然只加得OOO?事主大怒:加完等於無加過咁濟!

  • 【職場熱話】打工仔要做陪審員 老闆一舉動隨時犯法!網民:叫你老細有咩留返同法官講!

  • 【4天工作周】4天工作日返10小時VS. 5天工作日返8小時 究竟點揀好!網民:梗係揀返4日啦!

  • 【打工仔辛酸史】打工仔放假去旅行 竟因為OO畀上司鬧爆工作能力低!事主大嘆:啖氣真係吞唔落……

  • 【殘酷2選1】中型外資公司經理VS全球Top100公司普通員工!選擇人工好定名聲好?網民:梗係睇工作量!

  • 【打工仔辛酸】打工仔lunch time瞓覺休息 上司竟作出一舉動令打工仔爆氣!網民:明明瞓完晏覺可以做嘢精神啲……

  • 【中年危機】人到中年越嚟越怕見工!每次見工都會畀HR質疑 網民:好多公司見你年紀大就會質疑你能力方便壓價

  • 【全球最具創新公司】2024 年全球最具創新公司排名出爐!國家女子足球聯賽排第5名 微軟只排第3?第一名係OOO!

  • 【職場熱話】公司氛圍似邪教?日日同打工仔sell熱血團結!事主大嘆:好似用友誼情緒勒索啲員工

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow