【開口辭職】遞信辭職被拒 老闆稱難請人網民：叫佢同勞工處講！

打工仔辭職時，多數都會以書面通知上司及人事部，以便計算通知期和代通知金。一般來說，通知期多為一個月。近日有網民於討論區發文，指家人遞信辭職竟被老闆拒絕，老闆更以難請人為由，突然延長通知期至兩個月，事件引起網民熱議。

按圖睇網民分享：

網民分享妹妹早前找到新工作，便向老闆遞信辭職，但遭到拒絕，原因是「很難請到熟手的人，並且要我細妹同新公司講要遲多兩個月先至返工（兩個月通知期）」，等同要妹妹放棄新工。

老闆又指由於妹妹已在公司工作5年，會加其花紅，卻對人工加幅隻字不提。公司亦有其他同事辭職，老闆卻批准其同事一個月後離職，直言根本是雙重標準。

妹妹表示會再嘗試遞信，但相信老闆會再次挽留，遂向網民查詢如何應付這些情況。事主後來補充翻看合約上面列明一個月通知期。

 

網民A ：辭職都唔畀，根本唔需要理老闆，直接將封信放係佢枱頭影相，如果唔出糧就去勞工處舉報。
網民B ：老闆無權單方面更改聘用條款，包括一個月通知期變成兩個月。
網民C ：使咩佢同意，通知後夠一個月走，唔出糧就法庭見。
網民D ：辭職用email，CC一份去人事部，公司唔可以唔批，如果公司想留難，可以去信勞工處，證明自己已辭職，同時將辭職信CC一份畀勞工處。
網民E：難請人係你老闆嘅問題，根本唔係拒絕你辭職嘅理由。
網民F：連辭職都唔識嘅話，學咩人轉工呢？
網民G：辭職無得拒絕，有咩事直接同勞工處講。
網民H：呢啲老闆擺明有可疑！一係明碼實價講清楚加幾多，否則睬佢都傻！
網民I：老闆蝕錢要裁員時，唔知我又可唔可以用「老闆你炒我呀？咁你等我搵到新工之後，先至炒我啦！」 呢個理由去拒接老闆個大信封呢？

延伸閱讀：【職場熱話】辭職時老細畀説話你聼 邊句最難頂？

根據《僱傭條例》，僱主或僱員在終止僱傭合約時，須給予對方適當的通知期或代通知金。在試用期內首月無需通知期；試用期內的第一個月後，不少於7天通知。完成試用期的連續性合約，依照合約訂明的通知期，但不少於7天；無明確規定則不少於1個月通知。僱員辭職後，僱主最遲要在合約終止日或合約到期日後7天內支付解僱補償。

而面對僱主不合理更改僱傭合約條款（情況包括：僱主未獲僱員同意而更改僱傭合約條款，有關的僱傭合約並沒有明文規定僱主可以作出該項更改；僱主非基於條例規定的正當理由更改僱傭合約條款），勞資審裁處考慮個案的情況後，可命令僱主須支付終止僱傭金給僱員。

延伸閱讀：【職場貼士】公司重用你還是利用你？5個情況證明上司有心栽培你

不少公司面對僱員辭職時，或會用不用方式留住人才，如：加人工或升職。但要減少人才流失要從根本問題入手，薪酬管理系統Knit People早前歸納出4點人才離開公司的理由。

延伸閱讀：【辭職學問】離職前歸還Notebook時 必須了解的4個重點

延伸閱讀：【職場技能】工作表現不獲看見？「3C」助你提升存在感

---

最新專訪片︰
組合MIRROR、COLLAR填詞人Oscar︰「我好享受辛苦的創作過程」

⏩⏩  需要請人？立即刊登招聘廣告！  ⏪⏪