Next
【辭職轉工】辭職第二日收到警告信？！打工仔應該如何是好？網民：遞咗信仲使驚佢！
【辭職轉工】辭職第二日收到警告信？！打工仔應該如何是好？網民：遞咗信仲使驚佢！
2025-02-04
相信不少打工仔提交辭職信後都會鬆一口氣，為終於擺脫了職場的壓力和不快而高興。然而，別以為辭了職就萬事大吉，通知期內還可能會有意想不到的情況發生！近日，有打工仔向社交媒體專頁「奴工處」投稿，表示自己辭職當天拒絕加班，第二日即收到上司的警告信，不知如何是好，希望了解網民的意見。
按圖即看事主經歷及網民回應：
事主：「喺呢間公司做咗半年，遇到一個離譜上司。從來唔會講啲嘢點做，你問佢，佢會話：『你自己唔識睇㗎咩？』當你唔問佢，佢又會話點解唔問。
最近終於辭職，辭職嗰日，佢要我OT做晒啲嘢先走。我心情差到一個點，所以冇幫佢。
第二日返到公司，佢畀封警告信我，内容話我屢次違反上司命令，做事冇交帶……
喺呢一刻可以點做？」
網民：「1/ 而家開始只按章工作，直至Last day；
2/ 直接回信話不同意，並寫信列明對方無理，Send畀更高層及HR投訴，副本抄送勞工處以作記錄保護自己；
3/ 需要時拍片報畀媒體，投訴職場欺凌。」
網民：「最蠢嘅係，你仲會介意佢封信，令到自己唔開心。講到底，佢同你冇任何關係，你亦唔係佢邊個，仲需要介意咩？好好愛自己吧！」
網民：「記住呀，遞咗信嘅人係大晒㗎！」
網民：「遞咗信大晒，夠膽咪炒囉，補返一個月賠償。」
網民：「咳兩聲，即刻請半日病假，後補病假紙。」
網民：「叫佢唔滿意可以直接補錢炒你，當佢唱歌，咩都唔好簽！」
網民：「我建議你都出封警告信畀佢，CC埋全公司！」
網民：「拎定一沓公司信紙，返屋企自己寫Reference letter啦。佢咁搞法，你走個日佢一定玩你，寫到你好衰。等佢寫，不如自己嚟啦。」
網民：「其實你都畀咗一個月通知辭職，所以都唔使理佢出警告信了。新公司要Reference check嘅時候，你唔使畀直屬上司的資料，只要畀人事部資料就得。」
網民：「我都試過，個HR喊住話老細要畀，呢啲公司真係好在早走早着。」
了解自身權益 冷靜應對
大部分網民認為事主上司的做法不合理，紛紛為事主出謀劃策，如回信拒絕並向高層及人力資源部門（HR）投訴、向媒體曝光、請病假或反客為主寫警告信給上司等。雖然某些提議有開玩笑的成分，但足以反映網民對於事主遭遇不公的不滿。不少網民亦表示，事主已提交辭職信，不必在意上司無理要求，日後如需資歷查核（Reference check），向招聘方提供人事部聯繫方式即可。
遇到這樣的情況，事主最好避免意氣用事，保持冷靜，了解清楚自己的權益，再考慮如何應對。以下是5點具體建議：
1/ 保持冷靜與專業
在收到警告信後，保持冷靜，避免情緒化的反應，專業地處理此事將有助於維護你的職業形象。
2/ 檢視公司政策
詳細查閱公司手冊或相關文件，了解辭職和加班的規定，確認自己在這些情況下的權利與義務，以便更有依據地回應上司。
3/ 準備回應
撰寫一封正式的回信，清晰地表達你的立場，包括辭職的原因和拒絕加班的合理解釋，務必保持專業且禮貌的語氣。
4/ 尋求支持
向人力資源部門或信任的同事尋求建議和支持，了解其他人對類似情況的處理經驗，找到更周到的應對方式。
5/ 專注未來
轉移注意力，積極尋找新工作機會，將精力放在未來的發展上，而不是受困於當前的刁難，保持正面心態，為下一步做好準備。
延伸閱讀：【有毒職場】同事脾氣差，上司唔講道理 仲要無講明唔出花紅！事主：究竟邊個話一定要做夠1年先可以辭職！
延伸閱讀：【辭職學問】老細話年廿八年三十唔畀辭職？網民：我會賠錢走！
延伸閱讀：【職場熱話】辭職被老細威脅封殺 成功轉工加薪3倍 打工仔：完美復仇！
延伸閱讀：【辭職轉工】通知期有3個月點轉工好？打工仔唔想裸辭又怕蝕代通知金 網民：有3個月搵工咪仲好
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!