【職場熱話】讀書叻未必搵得多錢　打工仔感慨：中學考包尾嗰位創業好成功

2022-03-25

很多人都說在職場上，際遇比學歷、甚至是實力更重要，你認同嗎？最近有網民分享出席中學舊生聚會時，發現當年的模範生因為失業而靠炒散維生；反而讀書不成的問題少年，年紀輕輕便創業，更獲得不俗收入，令他十分感慨。

該網民表示同學A在中學做班長，成績一向名列前茅，順利考入三大，仕途本應一帆風順。不過剛剛被公司裁員，現在只靠炒散過活，還未找到全職工作；至於同學B中學成績差，又試過留班，只有副學士學歷。但憑著精明頭腦，年紀輕輕就做老闆，生意有聲有色。

網民對於職場際遇及學歷有咩睇法？（按圖了解）

網民意見：

-IQ唔代表一切，出咗社會之後EQ同AQ都好緊要。特別係逆境商數（adversity quotient），評估一個人處理壓力或挫折的能力。

-人人際遇都唔同，好難比較。但學歷好基本上揸住一張入場劵，有得揀嘅路多好多。相反學歷低起步點差過人，要好勤力先追上步伐。

-不嬲學歷唔代表一切，出嚟做嘢最緊要轉數快、人脈廣，你見好多讀書叻嘅人都係高分低能。

-大部分讀到書嘅人都有收入可觀工作，而讀唔成書嘅人都係做D比較辛苦工種，例如成日要企、日曬雨淋要周圍跑數的sales，佢哋人工一樣可以好高，只係相對比較辛苦。

-打工vs創業，從來都係兩回事，兩者根本無得比較。

-其實睇返大陸班富豪，馬雲、劉強東、馬化騰等人學歷就知咩一回事。

-成績好只證明佢識考試，但工作上通常用唔到考試嘅嘢。反而成績中等嗰啲人興趣比較廣泛，生活常識比較豐富，對工作更有幫助。

-其實成績差，好多時都只能做低下階層嘅工作，只有好少個別例子可以白手興家，你估人人都係李嘉誠咩！

-以前中學全級第一名做咗律師，一個月搵十皮；全級第尾嗰個做咗專業髮型師，10年前已經自己開舖收2000蚊整個頭，各有各好啦～

-個人認為，有學歷嘅人通常個人修養比較好，說話談吐大方得體，而且視野較長遠。同埋老闆升職都會升學歷高D嗰個啦！

的確，學歷唔代表一切，不過不少僱主在聘請員工時，都會考慮求職者的學術背景，一張「沙紙」有時能幫你突圍而出。曾經有網民表示有10年工作經驗，但卻因為沒有大學學歷，見工面試失敗，令當事人大嘆「學歷真係好重要」。

按圖了解更多：

+11

如果想增加被聘請機會，一份「靚仔」CV也很重要。想CV寫得對味，就要先了解HR對CV的8個期望：（按圖了解）

Tags︰

Look out for further updates on our Facebook fan page!

【裁員潮】Google、Amazon都炒人！Apple員工獨善其身有3個原因！