【被炒經歷】過年前被HR召見、遭同事冷落 網民：離開呢間公司係好事！

即將到農曆新年，打工仔都對這個節日感到既興奮又期待，皆因能夠享受假期，同時吃到不同的賀年食品，不過並非所有人都有這種閒暇。有台灣打工仔在網上討論區Dcard分享自己的經歷，指在過年前慘遭解僱，令她對前路感到迷茫，網民紛紛安慰：「離開這間公司是好事！」

點圖即看更多事主分享：

+17

+16

「晏晝我突然被叫咗去會議室，個HR一臉無奈咁望住我，同我講『唔好意思，突然搵妳嚟，想同妳傾吓呢一個月嘅工作感想，我哋有件難以啓齒嘅想同你講，你上司話畀我知，你好積極同努力咁學嘢，但可能你都係唔太適應個環境啦，你就做到今日啦，聽日唔使返嚟，我哋會跟出法例出錢畀你，你有無咩想講？』

其實仔細諗返轉頭，呢個月我每日做到好攰，一個人都要做勁多嘢，喺我第一日入去做開始，啲同事都無畀過好面色我睇，有問題問啲資深同事，佢哋都愛理不理咁，日日都畀佢哋問，『點解唔識，有問題要問』、『你唔問人點知你邊唔識』我日日都秉持『上班好同事，下班不認識』嘅概念，盡量不得罪人，唔起衝突，唉返工真係好難！」

網民回應：

A/辛苦晒啦，唔適合嘅地方，可以被炒都算係好事嚟

B/班Senior：「嗰個新人咩都唔問人，做嘢慢吞吞，教過嘅嘢都容易唔記得，好彩佢走咗」。職場唔係只睇工作能力，社交都好重要。

C/辛苦啦，我都係過年前畀人炒嘅人，工作氣氛咁唔好，離開真係好事嚟，唔使再見到佢哋真係好爽，好好哋休息吓，一定搵到屬於我哋嘅地方。

D/我同你個情況好似，不過我係試用期被延長，然後勉強過咗關，但公司其實無咩改變，每日我都喺唔開心嘅環境下工作，完全無一開始嗰種熱忱同開心，每日都喺度倒數仲有幾多日過年，諗住過完年就直接辭職。

E/我同你情況差唔多，不過我今日拎到新Offer啦，打起精神啦，唔好陷入個情緒太耐，會有新嘅機會！

F/我都試過畀人炒，但因為離開咗嗰間公司，先有而家嘅我，唔好因為被人炒而覺得氣餒，繼續向前走！

G/畀人炒你都撐到過嚟，已經好叻！

H/笑死人，間公司就係唔想畀年終獎金。

I/呢個世界無唔適合嘅人，只有唔適合嘅工作，下一份會更好，加油。

J/你已經好好，我公司係逼我哋辭職。

勉強無幸福 被炒反而更好？
對於事主的分享，網民都表示同情，又安慰她「離開公司不適合的公司，或許是一件好事」，曾經被解僱的網民以自己的經驗安慰事主，表示因為被炒才會找到更適合自己的地方，勸喻事主不要過於氣餒。另外，有網民提及自己正在做不適合的工作，強調勉強無幸福，因此事主被炒，也未嘗不是一件好事。面對被解僱的情況，誰也不好受，最重要的還是走出情緒低谷，這樣才能找到更適合自己的工作。

成功人士都具備甚麼心態？（點圖了解更多）

+15

+14

即睇5件離職不能做的事：

+13

+12

延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法
延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質

🌟免費獨家「大學生銀行MT/GT攻略」🌟
CTgoodjobs聯同HKCareers為有意應徵銀行管理培訓生（MT）的大學生，精心準備「銀行MT/GT攻略」，內容涵蓋銀行MT常見面試形式、題目大全、求職準備項目等資訊，還提供市場上熱門MT及GT職位空缺，幫你順利踏上MT之路：
立即按此下載：http://bit.ly/3VdJFI2

最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤

⏩⏩  需要請人？立即刊登招聘廣告！  ⏪⏪