Next
【職場熱話】畢業後第一份工學到咩？ 網民：搵錢真係辛苦、打工真係一世……
【職場熱話】畢業後第一份工學到咩？ 網民：搵錢真係辛苦、打工真係一世……
2022-03-03
初出社會，不少大學畢業生對前景也會感到非常迷惘，更不清楚職場險惡之處。每年也有許多新鮮人不理解合約陷阱、辦公室生存之道而走上冤枉路。最近，網絡討論區「連登」有人發文，分享自己從畢業後首份工作學懂的職場生存之道，更邀請廣大網民分享個人體會。
延伸閱讀：【職涯規劃】30歲最後悔做過邊10件事？「拍拖太少」都上榜？
即睇投稿人分享：（按圖了解）
發文者：見好多FG都做得唔開心，千祈唔好上心，因為返工嗰個唔係真實嘅你。我進入職場之後，學識咗幾樣嘢：
發文者：1、唔好諗住同老屎忽討論，理性嘅好少有。
發文者：2、特別小心上咗年紀而且單身嘅人，佢哋嘅世界只有工作。
發文者：3、千祈唔好當同事係friend。
發文者：4、真係有同事可以做friend係萬中無一。
發文者：5、準時收工準時走。
發文者：6、要隨時隨地搵定後路。
網民：做到enjoy嘅工好難。
網民：打工真係打一世……
網民：返工只係為錢。
網民：終於知道原來搵錢真係咁辛苦。
網民：打工唔會令你發達，公司無話無邊個唔得，Apple無咗Steve Jobs都係咁生存。
網民：有料都要過塘先肥得快。
網民：想quit嗰陣唔好諗對唔對得住公司，要問公司對唔對得住你。
網民：份工唔啱做盡早走，唔好蹉跎歲月，同埋入錯行就好難番轉頭。
網民：第一份工學會為第二份工做準備！學會了解自己想做乜唔想做乜！
網民：學識做嘢要保留，就算死做爛做乜都幫得手，個老細唔幫你爭取都無用。
網民：職場唔係學校，唔好太勤力，最盡出8成好。
網民：學會何謂辦公室政治。
網民：工作上會有好多小人。
網民：無人同你講忠誠。
網民：返工對住大部分人要收聲。
網民：職場無朋友，切勿交心，要留一線。每個人接近你總係有利益原因，平時再熟，你一無用就等同陌路人。
網民：如果你本身唔多朋友，唔好諗住返工後就會有，你嘅朋友永遠都係識於微時嘅人。
網民：FG真係好易被鬧，不過只好當經驗，唔好放喺心度。
摸索階段要知道未來的路
好多網民提及職場新鮮人普遍未懂世事，深明「畢業生好驚整花履歷，無人做諮詢人」的心態，指出畢業生不須過份擔心，因為最重要是能夠尋找到適合的工作。經過社會洗禮的人卻呼籲所有畢業生不應浪費時間，離職時，應該要先考慮自己，「唔好諗對唔對得住公司」，因為人生路與公司無關。
延伸閱讀：【職涯規劃】40歲 點樣先係「成功」標準？你要擁有呢10樣嘢
延伸閱讀：【職場熱話】陸續踏入30歲 令90後難以接受？網民：自覺仲未大透
延伸閱讀：【職場熱話】打工仔一星期返足七日精神壓力 有人曾為結婚無放假兩年？
Look out for further updates on our Facebook fan page!
Follow CTgoodjobs for the latest career news, hot topics and recommended jobs!