Next
【職場熱話】份工好幸福都有好大怨氣？事主：頂唔順個HR！
【職場熱話】份工好幸福都有好大怨氣？事主：頂唔順個HR！
2025-03-18
良好的工作福利往往是打工仔夢寐以求的，但當公司內部出現管理問題和人際矛盾時，再優厚的待遇也可能令人對工作產生不滿。近日，有打工仔在社交媒體專頁「奴工處」發文，表示自己十分滿意目前工作的福利待遇，卻因HR（人力資源部門）的種種問題感到困擾。事主指HR不僅疏忽職守，更出現誠信問題！究竟發生了甚麼事，令事主不知所措呢？
即看事主分享及網民回應：
事主：我有幸喺呢間公司做，都算係我嘅福氣！一入職已經有25日大假，每星期兩日WFH（Work from home，在家工作），有 Double pay同Bonus。咁嘅公司福利，相信真係好多人都羨慕，但奈何我個位工作量大，忙到飛起！
我部門要請人，但個HR請極都請唔到，話等咗成個月都收唔到正常CV，搞到我連面試嘅機會都冇，莫講話請人！
個無能嘅HR經理有正經嘢唔做，仲要成日喺公司偷嘢！公司啲Sample，隔幾個月就畀佢一箱箱咁攞走！佢真係覺得自己可以橫行無忌？佢真係覺得冇人睇到佢肆無忌憚咁偷公司嘢？咁基本嘅誠信都有問題，點解仲可以做HR？點解佢老闆仲可以容忍到咁嘅人喺佢Department？
畀着你係我，你會點做？
網民A：咩Post咁難請人呢？或者公司根本冇打算請人，所以求其搵個藉口Hea 你。By the way，邊間公司咁好福利？我呢啲小薯搵緊工。
網民B：當唔知囉，理咁多做咩？份份工都係有好有唔好，如果唔係被職場欺凌，又唔係做到爆肝，其餘嘅嘢唔好理咁多。
網民C：呻完聽日記得準時返工。
網民D：放下啦施主，唔係偷你嘢，學識放下，返工最忌睇唔過眼。忙？長命工夫長命做，係呀做唔晒，手就得兩隻你想點呀？
網民E：老細唔炒佢有佢原因，可能HR有過人之處，正如老細唔知用咩手法，你咁唔開心都留到你。
網民F：我眼中正常嘅福利，今時今日喺香港原來已經變得罕有？我真係身在福中不知福……By the way，你可以揀唔做，有槍指住逼你留低？
網民G：好簡單，如果Sample歸你管，咪報警Check CCTV囉。唔係咪諗吓人哋係咪皇親國戚囉。
網民H：我估你喺某間大公司返工，佢哋HR政策係，你話請人我就拖吓你，一向啲部門主管都唔鍾意呢個部門嘅。
網民I：記得想留低就盡量遠離佢，完。
網民J：話得事就直接鬧佢，唔話得事就獨善其身。
評估後果 謹慎行事
對於事主的遭遇，不少網民建議，如果不是事主的職責範圍，最好獨善其身，專注於自己的工作；有網民直言，若事主無法忍受，大可選擇離開，因為每一份工作都有其好處與壞處。
該HR疏忽職守的行為影響到了事主的工作，事主可以與之或其上司溝通，要求盡快推進招聘程序。而對於該HR偷竊的行徑，如果事主了解事情的來龍去脈並收集了充分的證據，可以報警處理；但正如網民所言，職場中很多事情並不是非黑即白，最好在行動之前評估可能的後果，謹慎行事。
同場加映：【職場熱話】逢下雨天都被公司同事偷傘 打工仔：前前後後唔見咗10把遮！
延伸閱讀：【不問自取】同事帶枝私家筆返工用 有日發現唔見咗枝筆話要報警 事主：竟然帶枝值$2,000嘅筆返公司用……
延伸閱讀：【職場文化】一人一個喺公司偷過最癲嘅嘢！網民：呢啲係善用公司資源
延伸閱讀：【網民職場Talk】一場同事咁都要偷？網民：最好笑被偷mouse粒電
延伸閱讀：【多勞多得？】一個人做兩份嘢 冇升職加人工 HR仲要話○○○○！
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!