【多勞多得？】一個人做兩份嘢 冇升職加人工 HR仲要話○○○○！

從小到大，我們被教育「多勞多得」，相信「一分耕耘，一分收穫」，但現實往往並非如此公平。近日，有打工仔在社交平台「Threads」發文，指公司一位同事離職後，另一位同事獨自承擔了兩個人的工作量，事主認為這位同事應獲得升職或加薪，然而HR（人力資源從業員）的回答令人咋舌……

即看事主分享及網民回應：

+13

+12

事主：因同事離職，隔籬Team阿A一個人做兩份嘢，冇甩漏。開會嗰陣我話：「阿A好勁，唔升職都至少要加人工。」HR答：「咁即係一開始請多咗個無謂人啦！」

網民A：明明都係打工，啲HR好鍾意企係打工仔對面。

網民B：之後A走咗，然後HR進行咗長達半年的招聘離職、招聘離職再招聘離職。除咗即日Quit嗰個，其他個個都教完試用期內走，最後HR請返兩個人做。真係雷同，真係巧合。呢啲故事係咪間間公司都會發生？

網民C：我試過一頂三，兩個同事突然各自有事，一個原本已拎AL。做係做得到，但做到個人傻晒，Lunch time都要做嘢。個HR咁講嘢都已經證明佢好廢。

網民D：你同返HR講：「係因為隔籬Team主管Train得好，而阿A又勤力先頂到，你出Market請返同水平嘅一樣要兩個，所以要加人工！」

網民E：如果老細識欣賞就好。好多時上面見冇冧檔，啲嘢搞得掂就索性唔請返個人。我係A就唔會咁勤力，可能淨係頂啲急嘢。

網民F：即係HR失職啦，到阿A有少少錯，HR又會話佢攬晒啲嘢做。

網民G：佢頂位頂得好冇甩漏，唔代表第二個都會係咁；一旦佢都離職，第二個跟唔到，咁個HR都咪話唔過癮。

網民H：故事教訓大家，唔好頂埋人哋嗰份，冇人會多謝你㗎！做唔切咪由得佢囉，間公司又唔係我嘅。

網民I：A做壞規矩，接佢手辛苦死。

網民J：講得出呢句，好快會冇埋個阿A，因為我公司就係咁。

網民K：咁係HR嘅問題啦，同事A工作量大又有能力，如果有其他公司出高價請佢，佢一轉工你哋就玩完。計我話公司請多咗個無謂人，嗰個就係HR。

網民L：當公司發現你可以做到多啲嘅時候，只會瘋狂塞嘢畀你做。

網民M：而家唔係多勞多得，而係多勞少請人。

多勞未必多得 能者無需多勞

帖文一出，即引發廣泛討論。不少網民對HR的態度表示不滿，認為HR同為打工仔，卻缺乏同理心，漠視員工的貢獻，這樣只會導致員工流失。亦有網民提醒，過度承擔他人工作不僅令自己勞累，還會使公司進一步壓榨其勞動力。

正如網民所言，多勞不一定多得，「能者多勞」亦會吃力不討好。因此，員工在努力工作的同時，應學會為自己設定界線，不要負擔超出職責範圍的工作。而企業則應當重視員工的付出，分配合理的工作量，打造健康職場，有助於員工和企業的長期發展。

另一邊廂，為了避免過多的工作量，有打工仔會選擇刻意推遲提交成品，這種做法又是否合理？按圖了解詳情：

+9

+8

延伸閱讀：【上司同我爭OT】上司質問下屬日日OT係咪搏表現 最後竟然爭嘢嚟做？網民：上司係阻止你做壞規矩！

延伸閱讀：【極品上司】10大上司反感行為！指令模糊、加重工作量都未算離譜？最乞人憎係呢樣！

延伸閱讀：【職場辛酸】會所姐姐工作13小時後過勞暈倒 同事：內部政策搞到天怒人怨！

延伸閱讀：【職場文化】Workload一個頂兩個　做唔切被老闆鬧　網民：擺明恰你

最新專訪片︰

【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪