【職場熱話】上司呢7句話仲難聽過粗口？網民：典型職場PUA！

2025-03-21

在職場中，上司對下屬的一句話可以讓人充滿動力，也可以令人瞬間失落。近日，有打工仔在社交平台「小紅書」發文，列舉7句上司常說而又格外刺耳的話，更指「難聽過粗口」！帖文引起一眾網民深感共鳴，紛紛分享上司那些令人血壓飆升的說話。

即看樓主分享與網民回應：

+14

+13

樓主：我喺職場上聽得最多而又難聽過粗口嘅7句話：

1. 學多啲都係你自己嘅；

2. 公司會睇到你嘅表現；

3. 你諗吓自己有咩問題；

4. 做人抵諗啲有咩所謂；

5. 收工前同我搞掂晒佢；

6. 究竟知唔知我想要咩；

7. 唔好講咁多做咗先啦。

網民A：「嗱！而家袋錢入你袋呀！唔好問公司畀到你啲乜，要問吓自己可以為公司做到啲乜。」

網民B：「唔好吓吓諗錢，返工唔係為錢。」

網民C：「你哋應該諗吓自己有咩資源可以幫到公司發展。」我心諗，我有資源使鬼喺度打工咩，我自己做老細啦！

網民D：「能者多勞。」

網民E：居然冇「出面風大雨大，離開呢度你搵唔到工」？

網民F：前老細每次開會：「你哋要好好捧住個飯碗，諗吓點樣食好呢啖飯。」

網民G：典型嘅職場PUA。

網民H：「你明唔明我講緊乜？」

網民I：行情好，「你努力啲，公司會睇到嘅」；行情唔好，「你有啲咩好成績呀」；行情極差，「你需要同公司共患難，而唔係成日諗住走。」

網民J：「公司畀份工你應該識得感恩」同埋「公司人手唔夠係咁㗎啦」。

網民K：「你唔做大把人做！」

網民L：「你唔好怪我講嘢難聽」然後開始講啲超難聽、超冇人性又Mean爆嘅嘢。

網民M：「瞓醒未啊？」聽到我血壓都升埋！

網民N：我覺得最難聽嗰句係：「你第一日出嚟做嘢啊？」

尊重促進溝通

從網民的回應中，可以看到打工仔苦於語言打壓久矣，更有人指出這是典型的職場PUA（注：「PUA」即「Pick Up Artist」，原意為「搭訕藝術家」，現多指透過心理操控或情緒勒索打壓或羞辱他人。）行為。這些話語不僅打擊員工士氣，還會使打工仔陷入自我懷疑。職場本應是同事互相合作和成長的地方，而非語言暴力的戰場。無論是上司還是員工，都應學會尊重與溝通，才能共同創造良好的工作環境。

同場加映：同事又講過邊啲說話令人反感？

+11

+10