【上司下屬關係】盤點17種極品上司 網民：我個上司有晒呢17個問題……

好上司可以令你職涯如魚得水，「極品」上司卻會令你工作荊棘滿途。相信許多打工仔都會同意，上司絕對是影響你對工作觀感的最重要因素。有台灣打工仔就在網上討論區「Dcard」上發文，表示自己在職涯中遇過17種極品上司，呼籲大家要小心慎選工作。

延伸閱讀：【世代差異】上司抱怨90後打工仔 返工唔積極、唔肯OT！網民反駁：除非你公司畀得多，唔係梗係準時收工！

按圖睇樓主點講：

+23

+22

樓主：我做咗嘢大概8年時間，搵工一路都好順利，但就係冇乜「上司運」。我8年入面換過6份工，全部都係自己辭職嘅，成日遇到啲控制狂加情緒化嘅上司，所以情緒經常會受影響，甚至波及埋我收咗工之後嘅生活。我呢幾年都成長咗好多，所以同大家分享吓呢幾類上司，除非你自問戰鬥力極強，否則為咗自己身心健康着想，真係要「快逃」！

1. 空頭支票

畀好多「願景」你，但從來唔會話你知KPI係咩嘢。

2. 固執

無論你畀任何建議或者試圖同佢溝通，作用都係零。就算同一個團隊入面，70%人反映過同一件事，甚至老細都出埋聲，佢仍然會堅持自己嘅做法。

3. 滿口謊言

明明同佢講過某件事好多次，但喺老細面前就話「冇聽過」。其他部門要用人，想調我過去，佢為咗唔畀我調過去，同對方講我有事，甚至冇能力去處理（事實上類似情況全部都係我自己獨立去handle）。

4. 全世界都要幫佢揹鑊

5. 發洩情緒鬧完人先開始做嘢

6. 永遠冇SOP同埋標準，憑心情同感覺做嘢

7. 業績唔好就開會

問題係個會唔係制定啲咩策略，或者講啲咩鼓勵說話，而係逐個鬧大家工作表現唔好，搞到個個都想遞信走。

8. 下屬流失率一年高達70%（包括自願走同埋非自願走）

9. 全天候掌握員工行蹤

打電話鬧員工點解唔報備行蹤，掌握唔到員工嘅行蹤就會焦躁。

10. 零尊重

隨時會要求員工即刻完成佢交代嘅任務，完全唔理員工手頭上有啲咩做緊，就算同佢講都只會被佢無視。

11. 唔肯學新工具

對紙本資料有莫名嘅執著，唔會用APP改善溝通，所以極冇效率。

12. 唔珍惜員工

當員工係即棄用品，反正趕走咗仲會請下一批人。

13. 永遠唔會喺返工時間交代工作

次次都係喺返工前，或者放工後先搵人講公事。

14. 半夜連環Call、放假連環Call

重點係講嘅內容完全唔係咩急事！

15. 玩針對

唔鍾意係就會喺啲瑣碎地方整你，例如畀多啲雜事你去做，或者搞到你冇咁易做到嘢等等。

16. 對下屬完全冇信任

公司大小事都要同佢報備，完全唔相信員工可以獨立處理到啲嘢。

17. 極度冇原則

同一件事嘅處理方式可以根據佢嘅心情唔同而有所不同，所以今日同噚日嘅講法可以係完全兩個版本嚟。

網民A：我發現，你講嘅17個問題全部集中喺我某一個主管身上，佢真係個「奇葩」，好彩我做咗3個月就走咗。

網民B：雖然你叫人慎選上司，但係上司又唔係我揀嘅……

網民C：我仲以為篇文係我寫嘅，呢啲嘢全部出現喺我前上司身上，連上層都幫佢講嘢，所以我都係拿拿臨走人，唔好耽誤自己！

網民D：呢啲全部都係「自戀型人格」嘅表現，走到就好。

網民E：台灣職場有好多呢種上司……

網民F：自己創業就冇呢啲問題啦。

網民G：我而家日日都被上司折磨，真係身心煎熬……

網民H：你呢啲已經係恐怖情人Level喇，我都忍咗一年頂唔順走人。

網民I：認同，遇到唔好嘅上司溝通仲辛苦過做嘢。

其實職場上最容易令人萌生離職念頭的除了是工作繁重外，其次便是溝通問題，尤其如果上司屬於難以溝通的類型，更會令員工容易產生無力感。不過雖然你無權選擇上司，但你有權選擇工作，如果真的因為工作而令身體或情緒出現問題，不妨停下來休息一下，不要過份勉強自己。

睇埋有咩唔可以同上司講？

+29

+28

老細講過最難聽嘅說話係……

+11

+10

延伸閱讀：【人才流失】離職後被上司稱讚「低薪又好用」　事主：唔知笑好定喊好

延伸閱讀：【打工仔公敵？】一人一個見過最差嘅HR！十問九唔應、日日捉同事着衫、合約寫錯人名！

延伸閱讀：【職場熱話】上司得知下屬有供樓壓力 竟然主動幫佢爭取加人工！最後…

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪