【被炒經歷】打工仔被解僱上司竟然講1句風涼話網民：祝佢他朝君體也相同！

2024-10-30

對於打工仔而言，最令人震驚的消息莫過於公司突然宣佈裁員。無論老闆的意圖是為了節約成本，還是調整營運策略，只要聽到「裁員」這兩個字，打工仔難免會感到不安。近日，有網民在社交媒體專頁「奴工處」發文，分享自己因公司經營問題而被裁員的經歷。最令他感到失望的是，上司不僅沒有提供安慰，反而冷嘲熱諷。

按圖睇樓主分享及網民回應！

+16

+15

樓主：喺一間行政混亂嘅公司做咗幾個月。入職第一日冇安排到電腦畀我用，要喺舊Office砌部機畀自己，仲要佈滿晒塵或者撞到凹晒，砌咗十幾部先砌到部正常，上到網。

最近聽到公司生意轉差，今日做緊嘢嗰陣，主管走過嚟話同我有啲嘢傾，叫我去佢房傾吓。佢話：「公司高層開完會話減人手，而你做咗幾個月未算耐所以……」之後佢話：「好彩你冇拖拍，未有家庭住，應該冇咩負擔啦。」我反問返一句：「冇拖拍或者冇家庭，係咪就等於冇負擔？我有家人需要我照顧！」然後佢聽完靜咗，再同我講聲唔好意思，唔知我有家人照顧……我同佢講：「你連講呢啲說話都唔識得講，你真係有排學。」然後我執返好自己嘅嘢，一張職員證掉喺佢面前就離開呢間垃圾公司。嗰刻我冇任何感覺，反而覺得釋放咗出嚟。

由第一日入職冇電腦用嗰刻，到向主管提出工作建議或問題，佢聽完就算，冇解決過。電腦文件混亂到冇人整合，新同舊嘅文件亂放喺同一個Folder。而家總算釋放晒。

網民A：就算你留得喺度，咁嘅管理，呢間公司都唔會有啲咩將來。

網民B：祝佢他朝君體也相同！

網民C：佢係家庭崗位歧視，仲要係親口承認自己歧視。

網民D：家庭負擔同工作有咩關係？我要養10個人，你就永遠唔會炒我？

網民E：離開係好事。

網民F：呢個都係一個好嘅經歷，可以講一世。

網民G：傷口上灑鹽！

網民H：鬧得好！

網民I：一句說話傷害三次。

網民J：離開先有好日子過。

網民K：難聽過粗口。

網民L：我覺得佢係專登。

網民M：簡單啲講，即係佢覺得你係最應該死嘅，因為佢覺得你冇負擔，而佢就有。

帖文一出，立即引起網民熱議。普遍網民認為，上司的言論無疑是在事主的傷口上灑鹽。另外，有網民點出，該公司管理方式欠佳，內部工作程序混亂，不利長遠發展，因此事主的離開或許也是一件好事。有網民指出，家庭負擔並不應被視為免死金牌，無論個人的責任有多重，員工的工作表現和企業需求仍然是決定職位的關鍵因素。其實，面對裁員這種敏感問題時，領導者應該展現更多的同理心和支持，而不是加深員工的傷痛。

辦公室生存警號！7大上司、同事不相信你的跡象！

+19

+18