Next
【網絡熱話】史上最遠返工距離 上水打工仔返將軍澳 下份工仲要去小西灣？
【網絡熱話】史上最遠返工距離 上水打工仔返將軍澳 下份工仲要去小西灣？
2021-07-21
返工地點是打工仔選擇工作的考慮因素之一，如果距離屋企越近，不但可以爭取更多睡眠時間，連車費支出也大減。不過世事豈能盡如人意，跨區上班是很多香港人的真實寫照。最近有網民分享史上最遠返工距離，家住上水的他每日要到將軍澳工業邨工作，來回車程逾3小時，而更慘的是……
延伸閱讀：【返工血淚史】網民嚴選最難上車的港鐵站 邊個站比金鐘更迫爆人？
即睇事主分享史上最遠返工距離：
-我住喺上水，返工返咗將軍澳工業邨3年。
-明明只係新界北去新界東，但返工一程車要1個鐘45分鐘，來回至少3粒鐘。
-疫情之後的起心肝搵咗一段時間工，啱啱終於收到新工Offer。
-但係新工仲遠，要返全香港最東嘅小西灣……
-我嘅人生有一大半時間都係用嚟搭車，越諗越sad。
-有諗過搬出嚟住或者去月租酒店，但財政負擔太大，只可以繼續同屋企人住。
-究竟我幾時先可以脫離長途車地獄？
網民點睇？
-不如你返大灣區做嘢算啦，上水過關話咁快就到。
-勸你reject offer，我以前住九龍東每朝搭車返小西灣都想死，仲要唔近地鐵站。
-點解你明知公司喺小西灣都仲apply？傻的嗎？
-個天真係玩Ｘ你，不如使小小錢，去北角月租酒店算啦，而家算平租。
-上水人表示無論去邊度都好遠，已經睇化咗，長途車is my best friend～
-如果搭車時間超過一粒鐘嘅工，我一律唔會考慮，攞苦嚟辛！
-大西北人士都未出聲，你試吓朝朝塞屯公，感受蹉跎歲月嘅滋味。
-你份新工好好paid？上水去小西灣來回要50蚊，一個月過千蚊車費，好和味。
日日搭長途車的確會浪費很多私人時間，不過最令人痛苦的除了車程之外，還有乘客的滋擾行為。
按圖了解搭長途車最怕遇到的10種乘客：
延伸閱讀：【返工血淚史】日日返工搭車出晒汗 打工仔嚴選7大最悶熱港鐵站
Look out for further updates on our Facebook fan page!
Follow CTgoodjobs for the latest career news, hot topics and recommended jobs!