【打工仔復仇記】老闆為慳錢決定炒人同事願意降薪留職只為報仇！網民：公司管理層自食其果！

2023-12-18

經濟市況不佳，不少企業都會選擇裁員以節省公司營運開支。對打工仔而言，突然被告知解僱，確實使人難受，然後默默接受解僱結果。不過，有部分人就會選擇向公司報復，為自己爭回一口氣。近日，有任職港資公司的網民於連登討論區發文，指有同事得悉將會遭到解僱，決定自願減薪留任，原來目的是向公司做出報復行為。

延伸閱讀：【職場規劃】37歲打工仔突遭解僱一家七口等住養長遠可以點？

按圖了解事主及網民回應：

+15

+14

事主：前排公司因為想慳錢而炒人，咁公司有份project有2位Senior同事跟，老闆就想炒人工高啲嘅Senior。個Senior收到風之後，就同咗老闆傾，點知老闆態好差咁同佢講「商業決定無辦法啦，我哋賠足錢畀你㗎啦」。

位Senior因為肯減人工所以有得留低，公司就炒咗人工平啲嘅Senior。過咗4個月之後，個Senior突然辭職再加賠錢畀公司即走，所有跟緊嘅project無handover畀任何人。個Senior仲send咗封email畀全公司，用中文口語咁寫「商業決定無辦法啦，我賠足錢畀你㗎啦」，頭也不回咁就走咗，留低咗份冇人知要點做嘅project畀公司。

網民A：唔怪得之佢可以高啲人工，佢真係好醒目。

網民B：成件事係管理層自己玩自己，咁樣對人有咁嘅下場都好正常。

網民C：而家每個行業都搶緊人才，你老闆仲玩啲咁嘅嘢！

網民D：管理層自己做返就最慳錢！

網民E：除非經濟真係好差，唔係嘅話減人工真係唔會留得耐。就算減嗰吓無問題，但每次好忙嘅時候就會諗返自己減咗人工。

網民F：君子報仇，「4個月」未晚！管理層真係以為人哋唔敢轉工。

網民G：用返同1句鬧返公司，真係好令人respect！

網民H：個人有實力，就係工搵人，而唔係人搵工。我諗佢賠錢走都代表佢搵到後路或者新工。

網民I：唔珍惜啲員工，隨時搞到公司要賠錢畀客。員工先係公司最大嘅資產。

網民J：如果你公司搵到人接手呢個project，只可以講佢自求多福！

網民K：你個同事都好勁，識部署，又可以忍辱負重。最醒係自願減人工，咁賠錢唔使賠咁多！

延伸閱讀：【無良僱主】公司內私人物品於病假期間被僱主扔出街　網民：即刻報警啦！

帖文一出，引起網民熱烈討論。眾多網民都一致認為是管理層咎由自取，指出管理層以不可一世的態度通知事主同事，加上「又要馬兒好，又要馬兒不吃草」的心態挽留公司人才，導致同事懷恨在心，繼而作出報復行為。有部分網民更借此事，批評港資公司一向漠視員工的重要性，同事的行為大快人心，給予港資公司一個沉重的教訓。另外，更有網民稱讚該同事，認為他有計謀、懂得忍辱負重、具有執行力的人才，公司最初竟然想解僱他實在是有眼無珠！

延伸閲讀：【履歷表】唔過試用期使唔使寫落CV？網民：我畀人炒都有寫落去喎！

按圖即看返工必勝法：

+13

+12