【家庭關係】打工仔列出屋企人7大守舊思想唔畀轉工、放AL等於Hea⋯⋯

2022-04-14

有人說過「三年一代溝」，那麼兒女與父母之間想必隔著一大條「鴻溝」，對事業、人生觀有截然不同的看法。最近有打工仔在討論區列出家人7個守舊思想，當中有不少都與工作有關，例如不建議轉工、放大假等於偷懶等，引起大量網民的共鳴。有人更哭訴患手足口病時，母親迫他放一天病假便要上班，十分無奈。

延伸閱讀：【職場熱話】33歲成家庭支柱收入只有2萬自我質疑「係咪好失敗」

事主認為家人7個守舊的思想：（按圖了解）

+14

+13

1/ 成日想自己仔女考公務員，安安穩穩過一世
2/ 一份工要做成世，轉工就代表畀人炒
3/ 唔俾放AL，一放假留喺屋企就會話你咁得閒
4/ 淨係識問你攞家用，唔關心子女前途同難處
5/ 干涉子女做咩工，做邊份工都有意見
6/ 話後生唔捱得，老一輩食鹽多過你食米，對你嘅人生指指點點，永遠都係仔女有問題
7/ 做得差就鬧，做得好都唔會讚，百鬧成才，唔讚得仔女，否則就會變自大

網民意見：
網民A：有次我手足口病，成個人勁攰無力，醫生要我放3日SL，但我媽叫我放1日SL趕我返工。而家諗起都覺得好無奈，從此病咗都唔會同佢講。

網民B：好中point！成日話我少少唔舒服就請病假，放多日病假就話你好返啲就好返工啦。

網民C：我請假去旅行，父母就話我掛住玩，唔畀心機做嘢，跟手話自己當年點勤力無放過假。

網民D：發覺好似個個父母都係咁上下，到你做咗父母可能都會變咁。

網民E：老一輩打基層工手停口停，永遠唔明寫字樓工有AL福利，講咗幾多次AL係有薪假嚟㗎阿媽！

網民F：由細到大我做乜阿媽都唔滿意，鬧我大學唔讀專科，做咩intern又要管，日日問我畢業諗住返咩工。

網民G：家家有本難念的經，好彩我兩老都無乜呢啲問題，實行放任政策，連我大學讀咩科都唔知。

網民H：阿媽日日問我點解唔考公務員，又話隔籬陳師奶個仔入咗政府一勞永逸，好煩！

網民I：我話轉工有人工加，career path好啲，都要畀佢哋鬧我做得好哋哋點解要轉。

網民J：老一輩人啲思想好奇怪，奴性重，我放半日假抖下早啲返屋企hea，佢就係度單打我，從此寧願出街hea都唔早返屋企。

生長在不同年代背景，父母與子女間存在價值觀差異是平常不過的事，最重要大家互相尊重、學習。外國網站The Cooper Review曾繪製了一系列漫畫，以對比Boomers（生於二戰之後嬰兒潮的人，泛指1944至1964年﹚與Millennials（於千禧時代成長的人）在應對各種職場狀況時的心態。你又同意嗎？

老前輩與千禧一代，十大職場心態對比﹙按圖了解﹚：