Next
【伏工特徵】做唔夠三個月就畀上司勸退！打工仔疑問：到底係咩心態？
【伏工特徵】做唔夠三個月就畀上司勸退！打工仔疑問：到底係咩心態？
2023-03-31
俗語有云「有頭髮邊個想做癩痢」，在滿意薪金、工作內容及團隊的情況下，有誰想要轉換工作？網上討論區Dcard有台灣打工仔分享自己的經歷，指加入公司不足三個月，就被上司勸告，讓事主早日離開公司，打工仔不禁疑問：「到底是甚麼心態？」
點圖了解更多事主分享：
「想請問各位有無類似嘅經驗，入公司無幾耐，個上司就叫你『快啲走』嘅經驗，目前我都未過三個月試用期，唔只係上司，就連其他部門嘅人都同我講，叫我有其他機會就快啲走。
其實呢份算係轉行之後嘅第一份工，佢哋講嘅嘢，令我每次做嘢有啲成績出嚟之後，都諗我係咪真係要走。其實我係一個好容易受人哋言語影響嘅人嚟，但目前公司嘅產品真係唔好推銷（唔易壞，主打品質又唔好），分紅又少，啱啱先轉工，我係咪應該走佬。
不過好想問吓，個上司咁樣係咩心態，係咪希望我唔好畀人荼毒？」
網民回應：
A/ 根據你有限嘅資料分析，有兩個可能性：
1.你上司好好人，好老實，知道間公司好伏，好心勸你快啲走；
2.我為咗某啲原因或利益，講大話勸你快啲走比較好。
根據自己出社會幾年嘅有限經驗，我覺得想喺一間公司留得耐，有三點好重要：你嘅直屬上司好勁又會照顧你，會為你發聲，而且你可以從佢身上學嘢，令自己進步；
另一點係，佢喺公司有份量，佢嘅意見會被重視。
最後係公司嘅氣氛，同事之間嘅相處係舒服自然，太過dramatic會令人覺得煩躁，以上嘅意見畀你參考吓
B/我反而試過啱啱入職，隔一日個上司就走佬，哈哈我都好快地跟上
C/我係遇到其他部門叫我快啲走，我透過一啲資訊聯絡到上一手嘅職員，佢同我傾咗好多，都叫我快啲走，我最後做咗一個月就走咗
D/我入職兩個後就提辭職，我個上司留住我，但佢就走咗
E/感覺咁講嘅人多數都會留好耐先走
F/我啱啱都遇到咁嘅問題，對方都勸我搵到更好嘅機會就走，我仲請佢做我推薦人，佢都應承咗我
G/曾經有份工，In我嗰個，我入咗去一個星期，佢個人就走咗
H/我都係入咗公司無幾耐，帶我個上司唔做，佢好誠實咁話我知，話公司啲部門好亂，啲人員編配好差，所以我就走咗
I/我前公司同事都好想叫啲新仔快啲走，願意留低係因為短期內唔想轉工，其他有能力嘅都走晒
J/我之前做過一份工，啱啱入去第一日帶我嘅同事就叫我快啲走，其他幾個同事都陸續叫我快啲走，我一直想做多陣試吓，點知最後一個月都撐唔住就走咗，當初真係應該聽佢哋話，一早就走，唔好浪費時間
依靠自己的觀察
看畢事主的分享，網民都紛紛分享自己的經驗，有的指自己入職不久後，上司就離職，亦有人說自己曾獲其他部門同事提點，勸喻他早日離職。另外，有網民講出自己的心得，強調直屬上司是否照顧自己、為自己發聲及擁有值得學習的地方，都相當重要。除了詢問網民意見外，事主都應該自行觀察留意公司日常營運有否問題，同時向身邊的同事了解公司的情況再作決定。
伏工能夠從求職廣告中看到？（點圖了解更多）
即睇5條了解公司是否「有伏」的問題：
延伸閱讀： 【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【Office豪華旅行團】仲量聯行辦公室有瑜伽班、採用環保傢具 HR：最重要以人為本！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!