【職場熱話】近年辭職後被當仇人事主呻：以前辭職都可以做朋友

2024-03-28

遞信辭職後，同事之間的關係或多或少都會有變化，一些人會更珍惜這段關係，一些人會視作背叛。近日有網民在香港討論區發文，表示近年每次辭職，即使盡心盡力，仍被同事視作仇人對待。他憶起昔日在其他公司辭職後，和同事保持良好關係，慨嘆近年離職都不能好來好去。

按圖了解事主、網民分享：

事主：「近年，每次離職都好難好嚟好去……經濟因素影響我嗰行，令我工作轉密咗。發現近年每次離職都唔係好，無論離職前盡力做好交接，甚至日日OT，都係畀人當仇人咁……一係畀人玩、一係LAST DAY都畀人鬧……以前都唔係咁，就算離咗職，同事、老闆都可以做朋友。係我問題，定係依家社會氣氛影響？」

網民A：自從發生咗疫情之後，我覺得人與人之間真係好難有深厚感情。莫講做同事，人大咗，親戚關係都會有逐步斷六親嘅感覺。

網民B：我喺舊公司離職前，上司都為難我，畀埋啲冇咩可能喺Last day前完成嘅工作，最後我完成唔到，佢再無奈都要放我走。

網民C：香港社會文化太過市儈，金錢利益放得太大。

網民D：有時讀書越多，社會越商業化，經濟越發達，人類嘅純真感情就磨滅得更徹底。物質豐富，心靈空虛，搵再多錢，都唔會快樂。

網民E：轉工定畀人炒？有時都係時勢、人為、經濟影響，但如果次次都係咁，你都有問題。

網民F：可能你咁啱做啲公司係咁。離職後好難會同啲同事、老闆再有聯繫。

網民G：同意。我第一份工啲舊同事依家都有聯絡。但之後啲工作啲同事，全部都好似驚你害佢咁。

網民H：疫情期間啲工差到爆，我都轉過幾份……同你一樣，以為諗住好嚟好去就順利離職，最後都係不歡而散。如果你份工本身係差，就已經好大機會不歡而散，既然一開始就唔夾，咁好難有好結局。

不少網民都有所共鳴，認為疫情過後同事間的關係變得疏遠，難以建立友誼。疫情以來，各行各業為了節省開支，不是裁員就是暫停招聘新員工。很多時候，員工需要承擔一個人以上的工作量，若團隊任何一人離職，其他人隨時要接手他的工作，難免會有被背叛的感覺。

就像網民所指，如果一間公司工作量長期超出負荷，或本身辦公室的文化不適合事主的話，其實不容易建立友好關係。職場上大家都是工作優先，事主過去曾遇過好同事或上司不是必然，應該珍惜這些關係。

【辭職跳槽】有意下個月辭職之時突然收到老細嘅大禮仲係個名牌OOOOOO銀包？

【職場熱話】同事為好嚟好去 Last day病住都加班網民：唔值得

Get latest jobs,career news and
job invitations on-the-go.