【回流港人】喺英國回流之後發現香港工作環境真係OO？網民：香港啲HR真係好黑人憎！

CTgoodjobs' Editor

Published: 2023-10-06

Updated: 2023-10-06 17:15

文憑試過後，不少學生都會選擇海外升學，希望畢業後能在海外就業，展開人生新篇章。不過，有部分人為求有更好的職涯發展，亦會選擇回流香港。

近日，有網民於連登討論區發文，指自己從外國回流，入職香港公司後發現工作環境十分惡劣，更對人力資源部的同事有所微言，慨嘆香港職場文化差，讓他大感不解。

延伸閱讀：【辭職學問】畢業生因太蠢被炒態度大變日日返公司玩手機 HR大鬧：抵你過唔到試用期

按圖了解事主及網民回應：

+15

+14

事主：之前喺外國做咗一年嘢，冇比較就冇傷害。返到香港先知香港工作環境真係好差，特別係公司啲HR好有問題。第一，香港啲公司一見到啲求職者有空白期就會質問你，英國啲公司係唔會問嘅。我返到香港見工，就被HR係咁質問，我當時好自然答咗：「因為儲蓄暫時夠生活，所以想唞吓。」然後就繼續畀HR不斷追問。其實人一定要不停咁返工？唔可以停低享受吓生活？

第二，好多職場歧視。仲喺英國返工嗰排，有個同事對住我做瞇瞇眼，笑華人眼細，我直接同HR講，第二日已經再見唔到嗰位同事。而喺香港，成班人一返工就大大聲笑人外表，話人禿頭，又矮又肥咁。但香港好多人都接受到呢個有歧視成分嘅工作環境，只可以講他朝君體也相同！

第三，OT文化。香港好多公司都會要求員工無薪OT，話份糧包埋OT，威逼啲員工一係OT，一係就辭職。喺英國，啲經理係say晒sorry咁求啲員工OT，而唔係命令啲員工一定要OT。所以話香港嘅工作環境真係好差，點解香港人仲可以頂得順？

網民A：只可以講乜人搵乜工！

網民B：我有朋友好耐之前用幾年時間搵到十年要用嘅錢，跟住就休息咗幾年。之後佢搵咗啲風流工都話冇乜大問題。所以只要你個人有能力，係可以唔使理啲HR！

網民C：香港啲HR真係好乞人憎！

網民D：每次見工啲HR都一定會問啲強人所難嘅問題。試過見工，問我點解有份工做得咁短，又問點解有份工做咁耐都唔轉工……

網民E：HR唯一價值係壓價。

網民F：香港人好鍾意返工，最希望就瞓埋喺公司。

網民G：你講到咁，點解仲要回流返香港？

網民H：我好少見公司有職場歧視，好多公司見到有職場歧視都會揸正嚟做，唔會縱容啲員工歧視人喎。

網民I：見到有空窗期問吓乜原因啫，解釋係合理嘅都唔會點追問落去。

網民J：我移咗民去英國，返工真係開心啲，有Work-life balance，職場文化好過香港，真係好過香港好多。

延伸閱讀：【後生仔唔捱得】資深打工仔嘆年輕人怕蝕底「怕畀人搵笨又嫌人工低」

大部分網民都認同事主的言論，認為香港工時長，工作壓力過大，加上從事人力資源員工經常出現討厭行為，使整體工作環境都較外國差。有部分網民指事主提出的均為個別例子，面試官有責任了解求職者為何出現空窗期，來審視其工作能力，只要解釋合理一般都不再追問，而職場歧視更少遇見，普遍公司發現就會公事公辦，不會姑息歧視行為。

延伸閱讀：【大學畢業】台灣回流港生擔心學歷認受性低：英文差到連CV都唔敢send⋯⋯

工作環境的好壞，是決定員工的辦事能力。如果要員工長時間久坐於辦公桌上，相信心情亦會感到抑壓及苦悶，影響工作效率。按圖即看網民對於未能在辦公時間四處周動的回應。

+13

+12