Next
【職場熱話】公司着重儀式感 逢節日必有搞作 員工：搞咁多嘢不如加人工⋯
【職場熱話】公司着重儀式感 逢節日必有搞作 員工：搞咁多嘢不如加人工⋯
2022-02-16
大時大節時，大家的公司會為員工做點甚麼嗎？新年有開工利巿、之後有春茗、情人節派朱古力、端午節請大家食糭、中秋節送生果和月餅券、聖誕節有抽獎⋯⋯看似是不錯的福利，不過原來有些打工仔對此並不太欣賞⋯⋯
延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！
有網民在討論區Dcard上以「搞咁多嘢，我寧願加人工⋯⋯」為題發文，指：「公司好鬼注重儀式感，每逢節日都一定會有啲活動，例如情人節就派一人一盒Godiva，其他節日都有其他回饋員工嘅活動。但係重點係，人工真係低到不得之了，仲要兩年都冇加過。講真，節日派treat唔係唔好，但係你派嘅嘢未必個個人都啱用或者鍾意，咁不如用呢舊budget加人工畀我哋呢班社畜好過啦⋯⋯」
大家覺得應該珍惜公司為員工花的小心思，還是覺得派錢才是最實際呢？
即睇網民回應：（按圖了解）
網民：「same，以前公司會圍內搞春茗，好彩嘅會抽到幾千蚊，大時大節會又有糭券、月餅券、年糕券等等，但其他啲福利就係勞工處最低標準。」
網民：「好過無啦！唔忿氣就搵份人工高啲嘅！」
網民：「啲公司係咁，係都要逼到人辭職跳槽先肯加薪留人，但係人哋已經搵咗另一份唔使留喺度。」
網民：「我嗰間情人節咩都無，有盒Godiva已經好好了，其他節日淨係識得話可以早啲返屋企。」
網民：「好耐冇收過公司啲禮物，夾錢買禮物畀秘書就有！」
網民：「公司立場黎講：節日搞活動用得幾多錢呀，又唔會用公司太多錢，又唔使自己搞，只要畀意見就有人幫手處理，又可以增加員工團結精神，又可以突顯公司美好形象，一舉兩得。人工就唔同，加咗之後，每個月多咗要畀嘅錢之餘，仲要唔可以只加一、兩個人，計埋都唔少。反正人工幾少都會有人做，只要個外表包裝得夠好，唔會怕搵唔到。」
網民：「員工立場黎講：快啲加人工啦，人工每個月都要畀啦，睇死你唔會加得多，加個少少錢都唔畀，喺度搞埋晒啲垃圾活動。心諗啲活動都係我哋班員工搞啫，又要浪費時間心機去幫你搞啲咁嘅活動，又要扮晒嘢去應酬你，做得唔合你心意又要聽你講經畀你鬧，搞完之後又唔係話會有得益，用你啲活動費用當花紅出畀我哋，仲好過要我哋搞咁多嘢。做幾多嘢都比唔上錢。」
網民：「我哋公司喺情人節送花畀女仔同單身男仔。」
網民：「一年無加人工就好走啦：利申，我間公司大時大節都有早放/食飯抽獎， 每個月有兩次公司請食lunch，人工係高過正常市價少少。不過其實聽朋友講，有更多公司福利更好。」
網民：「人工低，不是公司缺點，係你缺點。」
加人工不是易事
當然打工仔最希望的是加人工，不過用來搞活動和送員工禮物的budget又是否足夠加大家人工呢？有網民理性分析道：「 公司立場黎講：節日搞活動用得幾多錢呀，又唔會用公司太多錢，又唔使自己搞，只要畀意見就有人幫手處理，又可以增加員工團結精神，又可以突顯公司美好形象，一舉兩得。人工就唔同，加咗之後，每個月多咗要畀嘅錢之餘，仲要唔可以只加一、兩個人，計埋都唔少。反正人工幾少都會有人做，只要個外表包裝得夠好，唔會怕搵唔到。」
雖然不無道理，亦有網民指：「好過無啦！唔忿氣就搵份人工高啲嘅！」並表示：「一年無加人工就好走啦！」
延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！
延伸閲讀：【疫下新常態】室內設計與VR結合 3D網上商店加強網上營銷
延伸閲讀：【人物專訪】一種香水一個故事 以香味盛載回憶與情感
延伸閲讀：【聖誕節】Speed Dating活動種類多 整蛋糕、郊遊 最受歡迎竟然係…
Look out for further updates on our Facebook fan page!
Follow CTgoodjobs for the latest career news, hot topics and recommended jobs!