【加人工秘技】轉工加人工 升幅一定高過長留喺公司？網民：魚唔過塘唔肥真係定律嚟

普遍打工仔的夢想大概是升職加薪，有餘裕的金錢來享受生活。不過，部分公司因業績未如預期，故未有調整打工仔的薪酬，或只是約略調整薪金升幅，難免令到打工仔萌生離職念頭，追求更好的薪酬待遇。

近日，有網民於香港討論區發文，指友人認為透過不斷轉工的方式，便能不斷提高薪金，比公司每年調整人工的升幅較為高，雖事主認為會有「jumpy」的形象，但最終被友人說服，因此思考透過轉工來獲得更好的待遇。

延伸閱讀：【見工面試】向面試官提Expected salary 卻被嫌升幅太多？網民：想壓你價啫！

按圖了解網民回應：

+18

+17

事主：我想問吓係咪轉工先可以令人工加得快啲？之前同朋友傾公司每年未必加人工，就算加都加得唔多，點先可以人工加多啲同快啲？朋友話一定係轉工，仲要不停咁轉先得，因為每次轉工都一定會加人工。但我就話咁樣好易畀人覺得好Jumpy，唔係好事嚟。朋友就答返，要向錢看嘅話無話jumpy唔jumpy，最緊要有本事，人哋公司就會請你。聽完之後覺得其實幾啱，搞到我都心郁郁想轉工。

網民A：無錯，我轉咗工之後，人工的確加得快。由萬頭加到萬尾！

網民B：轉得太多次，會畀HR或者line manager問得好仔細，因為人哋唔會想請一個做一年半載就走嘅人。人工唔會一直直線上升，而係去到某個位會加得少咗，甚至持平。你朋友講「有本事」就可以不斷轉工係無錯嘅，但老實講，真係咁有本事嘅人有幾多？

網民C：如果你做專科，不斷轉工可能真係得，但普通文職嘅話，好多人同你爭。轉工係可以加到人工，但未必可以咁樣畀你不停轉。

網民D：初入行至中層職級確實係咁樣。我轉過兩次行，都係由白紙零經驗做起，做1至2年就轉公司，而且每次都會嘗試升一級或者半級。3年時間，人工最初$1萬5升到$2萬5。但去到再高層啲就另一個世界啦。

網民E：一定係，除非過唔到試用期！

網民F：正常，老闆唔會突然咁好人加你人工！

網民G：魚唔過塘唔肥真係定律嚟！

網民H：轉工其實係一個機會成本嘅考量嚟。$4萬以下，轉工無問題，反正份工唔啱可以再轉，搵工唔難。但到咗$5萬以上嘅工，唔會再為咗幾千蚊而再轉工，如果轉咗唔啱，到時又未必搵得返原先嗰份薪金。升到去中層，通常都有家室，到時就會覺得穩定重要過人工！

網民I：我次次轉工都加人工，每次至少加10至15%！

網民J：等公司加人工，等5年都未必有轉工嗰升幅……

網民K：若果你係有料嘅，就算跳出去，都會有公司用高價請你。但份份工做得半年，你有幾多斤兩就心知肚明啦！

延伸閱讀：【2024更新｜辭職學問｜辭職攻略】打工仔辭職必做10件事！即睇辭職Checklist （內附辭職信範本）

帖文一出，吸引大批網民留言，大部分網民均認同「魚唔過塘唔肥」的道理，認為普遍轉工時的薪酬升幅比公司數年總加薪的幅度還要高，因此他們都深信透過轉工可以獲得理想的薪酬待遇。然而，有部分網民認為這種做法只適合有出眾工作能力的打工仔，指出這類人是「人揀工，而非工揀人」，有較多選擇來提升自己的薪酬。

此外，有部分網民指出，這種做法只限於初級至中低級職位，皆因轉工是一個機會成本，每次轉工便要承受着不同的後果。若果已任中高層職位，打工仔便不會冒着只加薪數千元的風險來放棄數萬元的薪酬，追求安穩才是他們首要的目標。

延伸閲讀：【轉工跳槽】見工要求加10%人工！竟被HR用1句KO？網民：係我直接走人！

按圖即看經常轉工會否令僱主覺得太jumpy：

+21

+20

延伸閲讀：【求職面試】見工被問「點解轉工」 打工仔兩個字KO HR！事後居然淆底？

按圖即看填Expected Salary的5個貼士：

+19

+18

延伸閲讀：【2024更新｜職場英語】未來見！10大同事辭職Farewell祝福語 內附last day短訊及電郵範例

最新專訪片︰

【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪