Next
【伏工預警】一份伏工有咩特徵？返工擔驚受怕 精神緊張 網民細數中伏4大症狀
【伏工預警】一份伏工有咩特徵？返工擔驚受怕 精神緊張 網民細數中伏4大症狀
2025-02-18
工作佔據打工仔人生的大部分時間，大家都希望在理想的環境下辦公，保持身心舒暢。但理想和現實往往存在差距，「伏工」更是層出不窮。近日，有打工仔在社交平台「Threads」發文，細數「伏工」的4大特徵，引來一眾網民紛紛討論他們遇到的「伏工」。
按圖即看事主分享及網民回應：
事主：「一份伏工有咩特徵？
1/ 每日返工都會擔驚受怕，怕自己做錯嘢或者講錯嘢得罪人；
2/ 開始質疑自己能力，自尊心下降；
3/ 長期精神緊張，瞓覺都要諗住啲嘢點做；
4/ 做得好冇人讚，小失誤就畀人放大。
有冇人發現自己中咗伏？」
網民：「如果公司高層不斷提醒，公司係 Family，建議立刻逃生！」
網民：「做過呢啲垃圾工，高層冇料成日搬龍門，做細嘅怕冇咗份工，搞到好心攰同懷疑人生，好彩轉咗份正常工。」
網民：「第一條喺上一份工發生咗，坐喺我隔籬個同事日日無病呻吟，又話公司有閉路電視，老闆日日偷睇人講嘢，後尾頂佢唔順，就算冇晒積蓄都要裸辭！」
網民：「經歷過！個人變得好焦慮，放假都會好緊張，當時裸辭都要走！走咗都要時間去重整個人自信心同精神。」
網民：「有一份係，做咗一年之後有咗慢性疲勞嘅病，記憶力差咗幾倍，於是辭職休息。」
網民：「一到星期日夜晚，諗起聽日要返工就有種無形嘅壓力。」
網民：「真，之前瞓覺都會發惡夢，夢見自己返緊工……」
網民：「呢啲唔算伏啦！有啲有返工冇放工、開會開足成日、上司雙重標準、啲同事小圈子、廁所得一格、請一日病假No pay、年假得10日仲可能唔批、冇自己個位要Hot desk、階級觀念重……」
網民：「第一星期日晚諗到要返工會驚，第二好怕公司上司搵你，無論用電話或訊息。咁樣心理已經出問題……」
網民：「暫時份工中咗第4條，不過好在識得自我調節自己讚自己，心情靚靚都會跟手讚埋其他人。」
網民：「1至4點係你自己問題喎，關咩伏工事？基本思維邏輯都有問題！」
識別「伏工」 調整心態
除了事主例舉的4大「伏工」特徵外，網民還提到辦公時長過久、無用的會議太多、上司雙重標準及階級觀念重等。不少網民都深受「伏工」所害，甚至產生精神焦慮；亦有網民認為，事主的感受可能是自己的心態引起的，並非工作固有的問題。
從事主的分享及網民的回應中，打工仔可以了解到識別「伏工」的方法。但如果不幸落入「伏工」的泥潭，暫時無法抽身，打工仔應該如何調整心態呢？以下有5點建議，幫助你疏解精神壓力：
1/ 分析壓力來源：首先明確甚麼因素讓你感到緊張，嘗試列出具體的壓力來源，並分析哪些可以改變，哪些需要接受。
2/ 設定界線：學會設定界線，合理分配時間和精力，避免讓工作佔據全部生活。如果上司或同事的要求超出你的能力範圍，勇敢但禮貌地表達自己的困難，並提出可行的解決方案。
3/ 培養放鬆習慣：每天抽出時間進行放鬆活動，例如深呼吸、冥想、瑜伽或散步。這些活動可以幫助你平復心情，減輕焦慮感。此外，培養興趣愛好也能讓你在忙碌中找到樂趣和成就感。
4/ 尋求支持：當壓力過大時，可以向信任的同事、朋友或家人傾訴，或者尋求專業的心理諮詢。分享你的感受不僅能獲得情感支持，還可能得到實用的建議和解決方案。
5/ 調整職業規劃：如果工作環境長期讓你感到壓抑，且無法通過調整心態或溝通解決問題，可能需要重新評估自己的職業規劃。考慮是否有更適合自己的工作機會，或者是否需要進修提升技能，為未來的轉型做準備。
延伸閱讀：【伏工預警】打工仔月入$9,000 被公司以1荒謬理由延長試用期！網民斥：人工咁低仲要受氣！
延伸閱讀：【到底係咪伏工？】新入職Fresh grad慘跌入陷阱？！事主：公司氣氛好詭異⋯⋯
延伸閱讀：【伏工特徵】返新工第二日 上司即Last Day！全部門得自己一個！網民：你變相升職！
延伸閱讀：【伏工特徵】新同事返工2周就辭職！中階層打工仔發牢騷斥同事做1件事？網民反問：你仲想人Care你感受？
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!