【見工面試】求職者遭HR壓價$7000 事主:佢質疑我唔捱得苦!

【見工面試】求職者遭HR壓價$7000 事主:佢質疑我唔捱得苦!

求職者應徵成功,變身成正式員工前,需要經歷漫長的程序,不過當人力資源從業員(HR)跟你進行薪資談判時,就代表離成功不遠了。談判的過程中,HR少不免會壓價,不過並非所有HR的提議都能說服求職者。Facebook專頁「奴工處」有打工仔投稿,指自己遭HR壓價$7,000港元,令他感到非常不滿,「他質疑我不能吃苦!」

點圖了解更多事主分享:

延伸閱讀:【職場貼士】待業期間無所事事?5個規劃有效降低求職焦慮
延伸閱讀:【職場貼士】5個開會不再浪費時間的方法

「話說我早前去咗見工,做完個Written Test同面試,第二日我就收到Offer,但對方壓價足足壓咗成7,000蚊,而我開價只不過係2萬蚊左右。之後一日,我打電話去Reject Offer,個HR對我嘅拒絕表示驚訝。佢話我本人仲後生,未有太多年資(惟本人已有多年在大機構工作的經驗)應該唔怕捱苦,仲話已經畀咗現職同事嘅入職薪酬我。其實真係等人用,又何需大力壓價?而家嘅HR當求職者唔係人,唔使食飯就生存到?」

網民回應:

A/佢想壓吓你價,表現畀老細睇,佢有做到嘢

B/而家呢個時勢,其實都唔知點解要壓價壓到咁,飲食業直頭有公司夠膽叫人時薪試工三個月,再考慮下轉唔轉長工約

C/呢啲唔使聽佢講,未入職都已經講到你一文不值,呢啲公司做唔做都罷,一聽到壓七千,即刻Cut線同Block,反正唔會有將來

D/而家周圍都請人,唔打呢家打另一家,但通常都有人肯做爛市

E/萬三蚊月薪點喺香港生存?

F/HR:點解我哋Offer咁好都Reject?

G/認真,佢連萬三都敢出,佢都唔係幾等人用

H/識玩當然係Accept offer,然後onboard前一日講Byebye

I/有時諗諗吓,真係畀上一輩嗰句「出做嘢就要唔怕蝕底、肯捱唔怕辛苦,遲早有日會捱出頭」害死,而家係食飯都成問題喎

J/人工降咗就升唔返

K/其實唔啱價咪直頭唔好出offer,壓咩價啫

L/「畀現職同事入職薪酬」……可能係現職同事做咗10年,但畀返當年佢入職嘅薪酬你

M/嫌個價太高,好心就唔好嘥人時間

N/萬三,十幾年前嘅價,坐時光機返去先請到人

求職者、HR學會互相尊重
對於事主的經歷,網民都替他感到不值,指HR的壓價無理,有人強調事主未入職已經遭受這種對待,在這間公司發展不會有將來。有網民認為,1萬3千港元是昔日的開價,跟市價有很大的差距。另外,亦有網民表示,要是HR覺得事主開價不合心意,大可以不出價,否則只會浪費雙方的時間。

求職者填寫的理想薪酬金額,是讓HR能做好招聘的預算。若然HR認為求職者的能力相當理想,要求的薪酬金額太高,可以向對方表現出誠意,並禮貌的商量,而不是一言不合就壓價,否則只會浪費HR本人為招聘的付出。無論甚麼情況下,最重要的還是懂得互相尊重。

怎樣拒絕Offer可以更得體?(點圖了解更多)

 

即睇薪酬談判6大原則:

延伸閱讀:【見工面試】想由小薯晉身成管理層 面試可以點樣凸顯管理技能?
延伸閱讀:【職場文化】如何收服下屬的心?後疫情時代「好上司」必備5個特質

免費「銀行業前線職位懶人包」
CTgoodjobs特別為有意投身銀行業的打工仔準備「銀行業前線職位懶人包」,內容涵蓋銀行櫃員、客戶關係經理及分行經理的職責、入職門檻、晉升階梯及月入中位數等實用資訊,還提供市場上熱門職位空缺,幫你裝備好自己,入行無難度! 立即按此下載:https://bit.ly/3DCfVPj


最新專訪片︰
智將情侶Cherry李星熲 離開100毛往外闖做Slash創業:「我以前真係好怕醜!」

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;