Next
【職場生存技能？】老海鮮最叻嘅技能係OO 靠呢樣就可以上到位？網民：呢樣嘢可以幫到你儲人脈！
【職場生存技能？】老海鮮最叻嘅技能係OO 靠呢樣就可以上到位？網民：呢樣嘢可以幫到你儲人脈！
2023-09-26
職場總會遇到「老海鮮」，部分人認為自己資歷比其他人高就會恃老賣老，挖苦同事的工作表現，有人甚至會在團隊獲得客戶讚賞時，自吹自擂是自己的功勞。普遍人認為老海鮮工作能力平平，但單靠「吹水」技能就能獲得老闆歡心。
近日有網民於連登討論區發文，詢問網友身邊有否老海鮮，只靠吹噓及「吹水」就能攀升至更高職位！不少網民有所共鳴，並表示對他們這個能力深感佩服！
延伸閱讀：【職場文化】新入職女同事送禮被嫌 老海鮮：買唔起就唔好周圍派
按圖了解樓主及網民回應：
樓主：你哋身邊多唔多上咗年紀嘅同事係咁認叻，不斷吹自己能力幾好幾勁，但認真睇各方面嘅能力都平平無奇，差又未至於，但一定冇佢哋講到咁好。佢哋真係吹都當真，高高在上係咁踩低其他有能力嘅人。
網民A：唔係吹！係soft skills!
網民B：呢啲人通常溝通能力比一般人強，所以non-skilled嘅interview機會大啲。現實係咁無辦法！
網民C：其他地方唔知，但香港呢個商業社會的確係咁。識吹水自然會儲到人脈，識人好過識字啊。
網民D：好多冇實力嘅人吹成世仲上到位，有實力但唔識吹水嘅就會畀人無視。
網民E：你笑啲老海鮮剩係識吹水，佢哋都笑緊你乜都要落手落腳做。
網民F：好多都職業都係要靠吹，唔係點搵到客！
網民G：我都唔明點解佢哋可以咁吹得，佢哋講出口唔會覺得好羞恥乜？
網民H：識吹水都係一門學問嚟，你當係門面功夫就得，雖然佢哋畀說話人聽都真係幾難聽吓。
網民I：你諗吓如果佢哋連吹水呢個技能都冇，一早就被公司炒咗啦，證明佢哋把口真係勁！
網民J：呢啲頂多都係恰啲新人，真係做到嘢嘅佢哋會收斂返啲嘅。
網民K：對住啲老海鮮最好嘅方法就係無視佢哋！
網民L：有啲老細留低佢哋就係想有人擦吓佢鞋嘛，咁樣佢哋都叫做盡咗自己職責啊！
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！
網民對老海鮮的其他行為雖感到不齒，卻對他們吹噓能力深感佩服，認為他們溝通能力優勝於他人，因為他們不用太多實際的工作表現就能受得老闆信任，甚至獲得晉升機會。
網民亦表示生活在一個商業社會，「吹水」能力是一個重要技能，能夠為公司或自己建立人脈，得到更多客戶支持。雖則老海鮮欺壓新人，「見高拜，見低踩」的行為確實惹怒不少打工仔，但不妨學習他們的能言善辯的溝通能力，更好應付客戶之間來往。
延伸閱讀：【職場八卦】好奇香港office會唔會好似電視劇咁勾心鬥角？網民：電視劇係參考現實改編！
隨着年資增加，打工仔都會不自覺說出老海鮮的口頭禪，成為新一代眼中的老海鮮。為免成為昔日討厭的人，哪些口頭禪應要避免說出口呢？按圖即看職場老海鮮口頭禪，警惕自己！
延伸閱讀：【見工面試】見工時瘋狂被HR抽秤 應屆大學畢業生：我覺得好Hurt
職場出現代溝應如何處理？按圖即看代溝常見原因及解決方法。
延伸閲讀：【職場文化】警世！千祈唔好同40+「老海鮮」有交流！網民：喺佢哋眼中後生就係罪！
最新專訪片︰
【SHE Says】拒認「女強人」 盼望與員工共同成長 太古酒店集團人才與文化總監陳昭彤：擁有生活的熱情，才會更投入於工作！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!