Next
【見工面試】見工時瘋狂被HR抽秤 應屆大學畢業生：我覺得好Hurt
【見工面試】見工時瘋狂被HR抽秤 應屆大學畢業生：我覺得好Hurt
2023-08-15
畢業生投身社會，要找到工作，首先要越過面試關卡。職場新鮮人面試經驗少，面試時已經十分緊張，偏偏還被面試官不停「抽秤」？
一名大學畢業生在Dcard討論區發文指自己在一連串的面試中，失去自信心和自覺不被尊重。他表示自己在面試時一直被面試官打斷對話和「捉字虱」，更補充面試官的態度惡劣，超越一般的壓力測試。網民指出這情況反而是好事，到底是為什麼呢？
延伸閱讀：【職場趨勢】「懶女孩工作」（lazy girl jobs）受Z世代追捧 專家：呢類打工仔最易被炒！
按圖即了解事主分享和網民回應：
事主：「呢排去interview，每一次去完心情都好差。除咗表現得唔太好外，好似每次都畀啲interviewer攻擊咁樣。有時知道佢可能係壓力測試，睇我反應，但有時feel到啲interviewer係有啲睇唔起人咁。有時會打斷我，話我諗你唔太了解呀，之後就佢自己講佢自己心入面嘅答案，而唔係喺我講嘅嘢入面去了解我呢個人，又唔可以駁佢。有好幾次不停抽秤，來來回回4、5次咁，問到我已經唔知佢想我答咩，其實好唔respect。每次in 完都會諗自己原來咁垃圾，同時又好似好受傷咁，可以點睇開啲。」
網民：「我會諗interview除咗係公司in緊你，其實同時你都in緊間公司。如果間公司個態度咁唔尊重見工者，份工都好極有限。你喺內心foul走佢啦。」
網民：「多數呢啲公司我會覺得culture同自己唔夾，就算畀offer我都會reject，所以唔使否定自己，工呢啲都係人夾人！。」
網民：「每個人嘅價值係平等嘅，可必令自己咁卑微呢。」
網民：「見到呢啲老海鮮leader我通常會串返佢哋，我終於知點解你成日要請人。」
網民：「其實interview係一個最好嘅機會畀你感受公司嘅文化，我之前有in過幾間公司畀我嘅感覺都係串串貢，籠統咁講就係vibe唔啱，所以如果樓主你in嗰陣嘅感受唔好 絕對唔係你問題，只係culture唔夾。你千祈唔好覺得係自己問題，因為過來人話你知呢啲工你做落都唔會開心，而且你要記住面試嘅時候你同個interviewer係對等關係，你未過門，佢judge你你已經可以內心screen走佢哋。我嗰陣都見過好多間，見到心灰意冷先搵到一份啱嘅工，所以我相信你最後都會橋到船頭自然直的。」
網民：「其實反過嚟，並唔係你in得差，係面試個人態度有問題。就算你入到間公司，你都會頂唔順。」
網民：「或者有啲人係特登串3大，想挫一挫你哋啲銳氣。因為唔少3大生interview個啲表現得過份自信，甚至乎囂張，你係謙虛定囂張先。」
網民：「唔好太認真，畢竟唔係每個interviewer都真係有心in，部分係真係特登攻擊力挫你銳氣。同埋會唔會有stress test係好睇你industry，但我幾敢寫包單香港冇乜位需要咁樣嘅stress test，同埋個人覺得呢類叫奴隸test多。」
網民：「其實呢排咁多畢業生見工，佢哋可以慢慢揀！其中一個原因問爆你，係想睇你能夠忍受幾多壓力，如果你咁輕易就表現出好反感，即係你第時工作時，都好易唔聽上司話。」
面試時，求職者可以通過與面試官的交流，感受公司的工作氣氛。若然求職者感覺對來應徵你的主管話語風格不合，正正可以及時止損，拒絕入職相關公司。
網民提醒事主面試階段是雙向選擇的，公司在尋找合適員工的同時，求職者亦是在找尋與自己工作風格契合的公司。所以說，事主不用灰心，很多事情都是「人夾人」，船到橋頭自然直，多面試不同的公司，或許就能從中篩選出適合自己的公司。
面試被問「你有咩優點？」 即睇10個形容詞表現自己，令HR對你印象加分......
延伸閱讀：【職場新鮮人】00後Intern被諷飯桶 詐傻扮懵反問上司係點解
延伸閱讀：【大學畢業】Fresh grad 被現實打敗 列出畢業後的5大感受 網民：唔係講笑，中晒⋯⋯
延伸閱讀：【伏工特徵】打工仔冇簽約都返足3個月工？ 仲慘到離職後收警告信
最新專訪片︰
【HR Guru】華御結首推「全職員工子女醫保計劃」為員工分憂解難 董事長西田宗生笑言：我是公司最底層
Tags︰
- 求職
- ,
- 見工面試
- ,
- Job Search
- ,
- Job Interview
- ,
- 職場
- ,
- 招聘
- ,
- Workplace
- ,
- Recruitment
- ,
- 畢業生
- ,
- Graduate
- ,
- Full-time
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!