【見工面試】Interview結束即被取錄！卻口快開價太低？事主：「仲有冇機會開高啲？」

參與工作面試時，求職者都需要打醒十二分精神，否則錯答問題，就很容易失去理想崗位的機會。有台灣求職者在網上討論區Dcard分享，指面試後馬上獲取錄，卻因為太快回答理想薪酬，自覺開價太低，不知該怎辦：「還有機會提高價錢嗎？」

點圖了解更多事主分享：

+11

+10

事主：「我出社會工作都有5年，2月祼辭，休息咗5個月，7月中開始狂Send CV，我都係抱住Send吓嘅態度，可能同我應徴嘅職務差太多，所以面試嘅機會好少，後來開始Apply Admin類職，喺非常少嘅面試中，我被一間公司請咗做Admin Call Center，個post係33,950台幣（約8,668港幣），我居然開價只係34,000台幣（約8,681港幣）只係高咗50台幣（約12港幣）。

有關人工嘅資訊係人工係年薪14個月、唔使加班、調整人工係年中年尾都會調，但我冇問到幅度係幾多，其實我答嗰陣冇諗咁多，原本只係諗份工唔會中，因為公司評論都幾兩極，但我因為冇乜面試，想話當練習吓，喺完全冇準備嘅情況下面試。

主要原因係覺得Admin被代替性好高，好似冇乜需要準備，然後當日就收到取錄通知。我而家望返覺得好少，仲有冇機會開高啲？」

網民回應：

A/雖然話Admin Call Center啫，但咁樣每日好得閒，34,000台幣（約8,681港幣）都幾好，總務係乜都要包辦，你畀再多我都唔做。

B/呢個價算係咁，老實講呢個位產出又唔多。

C/其實普通呢啲位都係28,000至30,000台幣（約7,149至7,660港幣），34,000台幣（約8,681港幣）真係算高啦。

D/覺得而家物價咁高，唔理咩類型嘅工作，應該要至少35,000台幣（約8,937港幣）以上。

E/見過第二間就好，明明你自己將價格開低，除非可以證明有咩值得做呢份工，唔係到時人哋流程都完成晒，應該唔可能再為你再改價錢。

F/其實唔使請一個中學畢業嘅可以做一樣嘅嘢，唔好強求，只要好做就好。

G/可以慢慢嚟，而家份人工唔係你想要，但總會有令你學到嘢嘅地方，不論喺公司工作上定係同事人際關係上，都係人生課題，努力提升自己，提升自己，準備好再去換工。

H/可能因為呢個你開呢個價，人哋先請你，開高咗人哋就搵第二個。

I/除非你有過人嘅長處，否則Admin嘢係想要幾高？

不少網民都認為事主新工作的薪酬價錢相當合理，有人詢問事主若不滿意，何不再去應徵另一間公司。對於價錢，有網民就認為不論甚麼職務，都需要至少35,000台幣（約8,937港幣）才能夠應付日常生活。另一方面，有網民就質疑事主，指公司聘請事主全因為事主的價錢夠低，有人就直接回應事主，指事主應該除非有過人之處，否則不要期望這份工作薪金有多高。

事主在分享時指自己的只把這次面試當成面試機會，沒有真正做好準備，亦沒有了解職位的價錢，因此造成這樣的局面。事主在應徵工作時，應該做好資料搜集，得悉相同職位在市場的薪酬，再考慮個人情況調整理想薪酬數字。

見工1.5小時，沒談過人工是否代表失敗？（點圖了解更多）

+13

+12

即睇答「期望薪金」的4個地雷：

+15

+14

延伸閱讀：【期望薪金｜爭取合理人工】面試HR問你期望薪金要點答？5招幫你爭取合理人工！（內附英文例句、談判過程注意事項、提高期望薪金的職場技能）

延伸閱讀：【見工面試】30歲求職者被面試官寸「點解人工咁低都嚟in」 事主竟然咁答？

延伸閱讀：【人工報大數犯唔犯法？】打工仔稱面試時人工報大數 網民質疑：新公司唔Check咩？

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪