Next
【職場熱話】同事受傷要請病假半年 點知平日放lunch見佢送外賣！事主：所有同事敢怒不敢言！
【職場熱話】同事受傷要請病假半年 點知平日放lunch見佢送外賣！事主：所有同事敢怒不敢言！
2024-04-15
正所謂「意外是意料之外」，打工仔突然遭到受傷實屬不幸，輕則可能要申請病假數天，重則需要半年以上在家休養。但若然看見受傷同事在病假期間到處玩樂，甚至接取一些正職以外的工作，難免令人質疑是否裝病，騙取病假。
近日，有網民於社交媒體平台「奴工處」投稿，指有同事因手部受傷向公司申請半年病假，但期間他四處運送外賣，導致事主及其他同事感到氣憤，卻又不敢指證……
延伸閱讀：【勞工法例】過咗試用期都唔可以放年假？事主：公司話頭一年只可以請無薪假！
按圖了解網民回應：
事主：我有同事因為手痛，向公司請咗半年病假。佢喺呢段時間，每日都喺公司附近踩單車送外賣，好多同事遇過佢，但每個同事都敢怒不敢言……
網民A：佢有醫生紙就大晒啦，都唔關你或者同事事。
網民B：佢同老闆之間嘅瓜葛，我係員工就真係唔會理了。
網民C：病假期間做其他工唔係犯法㗎咩？你可以返到其他工，代表有工作能力，憑咩申請有薪病假？
網民D：只要影到佢嘅相就可以同公司投訴，咁HR應該會將佢啲病假無效，你個同事有機會要賠返請咗病假嘅錢，之後公司會再炒佢。
網民E：其實有咩好嬲？你哋嬲完就會人工多咗？錢係老細賺嘅，員工只係用時間換取金錢。如果你哋覺得個位同事道德上有錯，咁就等公司從輕發落。你哋嬲呢個行為唔會令自己正義咗，充其量只係好忠誠嘅「奴工」。
網民F：人哋憑實力請返嚟嘅，你有能力嘅都可以去申請㗎。
網民G：如果事主覺得心理好唔平衡，可以通知保險公司查。
網民H：咁人哋都係手痛啫，踩單車用腳踩㗎嘛。
網民I：正常請咁耐假，公司唔係會請啲私家偵探嚟查個同事係唔係呃工傷咩？
網民J：其實關你咩事，佢返唔返工都唔會影響到你工作，唔好理人好過啦。
網民K：試過有同事返工整到條腰，先放年半病假，途中仲有婚假，跟住再放14周產假，夾夾埋埋都放咗差唔多2年……
延伸閱讀：【職場熱話】女員工請病假 瘋狂老闆竟走到家中：接你返工
對於事主分享的經歷，網民反應兩極，有一派網民表示，受傷同事既然有醫生證明，加上公司亦已批出病假，作為同事無需站在公司或老闆的立場上審視該同事的行為，加上受傷同事有否上班工作，根本不會對事主有任何影響，因此建議事主閒事莫理，待公司自行處理便可。
另一派網民則支持事主告發受傷同事，搜集足夠證據後，向公司人力資源部投訴，讓該同事承受訛稱受傷的後果。網民認為，該同事是濫用病假的制度來獲取自身的利益，為讓其他同事可以有公平的待遇，故此絕不能姑息這種行為。
勞工法例怎樣說？
根據《僱傭條例》，僱員按連續性合約受僱，如同時符合以下資格，便可享有疾病津貼：
- 病假不少於連續4天（除懷孕僱員因產前檢查、產後治療或流產而缺勤，在這些情況下，如符合下述的規定，每一天病假均可享有疾病津貼）；
- 僱員已累積足夠的有薪病假（關於累積有薪病假日的資料，請按此參閱答2）；及
- 僱員能夠出示：適當的醫生證明書（就產前檢查而言，除了醫生證明書外，僱員亦可出示到診證明書）
僱主對員工傷患成因有懷疑，可以怎樣處理？
如果僱主對僱員的傷患或病假的成因有懷疑，應盡快作出初步調查，包括面見受傷僱員了解有關意外、向目擊證人查詢情況、評估工作環境導致意外的可能性，及向僱員的主診註冊醫生、註冊中醫或註冊牙醫索取有關醫事報告。
另一方面，僱主可以與保險公司聯絡，以便作出適當的跟進，例如安排僱員接受僱主指名的註冊醫生、註冊中醫或註冊牙醫進行的身體檢查。僱主亦可向其法律顧問諮詢意見。
遇上懷疑欺詐的個案，僱主可考慮將搜集所得的證據及有關資料交給警方處理。若僱主對工傷個案仍有疑問，可向勞工處提出有關意見及呈交相關資料。
勞工處主要會從醫學角度及根據《僱員補償條例》的規定，就案件屬工傷的可能性向僱傭雙方提供意見。但請注意，勞工處對僱員補償的爭議並沒有裁決的權力。如僱傭雙方的爭議未能透過勞工處獲得解決，有關個案須交由法院裁決。
延伸閲讀：【職場熱話】女員工請病假 瘋狂老闆竟走到家中：接你返工【病假申請】打工仔請病假被老細質疑「射波」 更打電話到診所質問護士？
按圖即看網民「撞車」未能返工的經歷：
延伸閲讀：【職場熱話】有病應唔應該返工？SL完戴口罩都被同事嫌：咳到好煩呀！
按圖即看最誇張請病假理由：
延伸閲讀：【無薪假期丨勞工法例】員工請No pay leave原因無厘頭 《僱傭條例》下僱主有權拒絕申請？
最新專訪片︰
Look out for further updates on our Facebook fan page!
Jobs You Maybe Interested In
Latest IT Salary Trend
-
View Jobs35kMedian Salary
-
View Jobs30kMedian Salary
-
View Jobs22kMedian Salary
-
View Jobs21kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!