Next
【職場熱話】女員工請病假 瘋狂老闆竟走到家中：接你返工
【職場熱話】女員工請病假 瘋狂老闆竟走到家中：接你返工
2024-03-12
再強壯的打工仔都難免會有患病的機會，為了休息和避免傳染同事，員工理應請病假，但一些老闆卻會堅持員工帶病上班。外國女網民Mish早前在TikTok發布影片，表示有天請了病假，在家休息，天知道老闆竟然走到家中。Mish起床驚覺老闆站在床邊，並表示來接她上班，令她非常恐懼。
延伸閱讀︰【職場趨勢】員工對僱主信任度大跌！僅69%僱員相信老闆決策正確 較兩年前跌一成
按圖了解事主、網民分享：
事主：「我同朋友合租一間屋，屋企同我返工間餐廳好近，只有15分鐘路程。前排，我起身覺得好唔舒服，於是打電話畀餐廳，通知佢哋我返唔到工。當日我室友出街唔記得鎖門。老闆之後嚟到我屋企，聲稱佢敲過門，叫過我個名，但冇人應。
佢之後發現門冇鎖到，就順勢走入屋，仲入埋房叫醒我。我一起身，就見到老闆企喺床尾附近揮手，佢講『我知道你身體唔舒服，可能你只係唔想開車，我會開車送你返工，然後你可以繼續做嘢。
當時我以為只係幻覺，清醒過後好震驚，我即刻問佢點解可以入到嚟，講明咁樣做好唔恰當，請你馬上離開。」
網民A：我以為只有喺電影入面，啲人先會未經邀請就入人哋屋企……
網民B：如果你冇允許佢，基本上就係犯罪。
網民C：我試過瞓過龍，前任老闆為咗叫醒我，派3個人敲我個窗，我認為已經好誇張，你老闆就更加離譜！
網民D：霸道總裁，偶像劇睇太多。
網民E：諗起有日我唔舒服請病假，上司竟然問我可唔可以睇完醫生之後返工。
網民F：老闆定老公啊，床尾喎大佬。
網民G：瞓醒仲要繼續發另一個惡夢！！
網民H：當一個人起身，最唔想嘅就係工作，更唔好講老闆。
這件事過後數周，Mish被餐廳開除。有不少人都擔心她的狀況，建議她尋求警察、律師幫助。但Mish其後回應指，自己都曾想過報警，但後來覺得報警，警察也做不了甚麼，於是便打消念頭。
在香港的話，不同公司福利有差異，勞工法例亦只有列明，僱主可要求僱員提供醫生的證明或病假證明，以確認其疾病或受傷，並從而決定是否有薪假期。然而，僱主無權阻止僱員請病假。另外，事件中的老闆未經許可進入員工家，可能會被被視為非法進入他人住所，而犯下入屋犯法罪。根據《盜竊罪條例》任何人犯入屋犯法罪，循公訴程序定罪後，可處監禁14年。
（資料來源：勞工條例、盜竊罪條例）
延伸閱讀︰【2024請病假理由】5個「老細最易接受」的Sick Leave藉口？有醫生紙/病假紙都扣糧？
【職場熱話】有病應唔應該返工？SL完戴口罩都被同事嫌：咳到好煩呀！
延伸閱讀︰【病假申請】打工仔請病假被老細質疑「射波」 更打電話到診所質問護士？
【NGO熱話】醫生老細狂屈下屬請食飯 事主：SL完都話要請食飯！
最新專訪片︰
【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!